Featured
ಹಾಸನದ ಹಾಲಿನ ಪಾತ್ರೆಗೆ ಕೈ ಹಾಕಿದ ಬಿಎಸ್‌ ವೈ, ರೇವಣ್ಣಗೆ ಶಾಕ್.. ಓದಿ
ಬೆಂಗಳೂರು: ಜೆಡಿಎಸ್‌ ನ ಬೇರುಗಳನ್ನ ನಿಧಾನವಾಗಿ ಸಡಿಲಗೊಳಿಸುವ ಕೆಲಸಕ್ಕೆ ಸಿಎಂ ಬಿಎಸ್‌ ಯಡಿಯೂರಪ್ಪ ಕೈ ಹಾಕಿದ್ದಾರೆ. ಬಹಳ ಮುಖ್ಯವಾದ ನಿರ್ಧಾರದಿಂದ ಹಾಸನ ಹಾಲು ಒಕ್ಕೂಟದಿಂದ ಚಿಕ್ಕಮಗಳೂರಿಗೆ ಮುಕ್ತಿ ನೀಡಿ, ಚಿಕ್ಕಮಗಳೂರಿಗೇ ಪ್ರತ್ಯೇಕ ಒಕ್ಕೂಟ ರಚನೆ ಮಾಡಡುವ ಸಾಧ್ಯತೆ ಬಗ್ಗೆ ಸಚಿವ ಸಿಟಿ ರವಿ ಬಳಿ ಚರ್ಚಿಸಿದ್ದಾರೆ.
ಸಿಎಂ ಗೃಹ ಕಚೇರಿ ಕೃಷ್ಣಾದಲ್ಲಿ ಸಿಎಂ ಯಡಿಯೂರಪ್ಪ ಹಾಗೂ ಚಿಕ್ಕಮಗಳೂರು ಶಾಸಕ ಹಾಗೂ ಸಚಿವ ಸಿಟಿ ರವಿ, ಅಧಿಕಾರಿಗಳೊಂದಿಗೆ ಸಭೆ ನಡೆಸಿ ಚಿಕ್ಕಮಗಳೂರು ಅಭಿವೃದ್ಧಿ ಕುರಿತು ಅಭಿಪ್ರಾಯ ಪಡೆದರು. ಈ ಸಂದರ್ಭದಲ್ಲಿ ಹಾಸನ ಹಾಲು ಒಕ್ಕೂಟದಿಂದ ಚಿಕ್ಕಮಗಳೂರನ್ನ ಪ್ರತ್ಯೇಕಿಸಿ ಹೊಸ ಒಕ್ಕೂಟ ಮಾಡಲು ಸೂಚಿಸಿದ್ದಾರೆ. ಈ ಮೂಲಕ ಒಂದೂವರೆ ದಶಕಗಳ ಕಾಲ ಹಾಲು ಒಕ್ಕೂಟದ ಮೇಲೆ ಪಾರುಪತ್ಯ ಮೆರೆದಿದ್ದ ಹೆಚ್‌ ಡಿ ರೇವಣ್ಣರನ್ನ ಮತ್ತೆ ಹಾಸನಕ್ಕೇ ಸೀಮಿತಗೊಳಿಸಲಾಗಿದೆ.
