ಹಾಸನದ ಮೂರು ಡ್ಯಾಂಗಳು ಭರ್ತಿ : ಪ್ರವಾಹದ ಭೀತಿ

ಹಾಸನ : ಹಾಸನ ಜಿಲ್ಲೆಯಲ್ಲಿರೋ ಮೂರು ಜಲಾಶಯಗಳೂ ಭರ್ತಿಯಾಗಿವೆ. ಅದರಲ್ಲಿ ಪ್ರಮುಖವಾಗಿ ಹೇಮಾವತಿ, ಯಗಚಿ ಹಾಗೂ ವಾಟೇಹೊಳೆ ಡ್ಯಾಂಗಳು ತುಂಬಿದ್ದು, ನದಿಗೆ ನೀರು ಬಿಡಲಾಗಿದೆ. ಇದರಿಂದಾಗಿ ನದಿ ಪಾತ್ರದಲ್ಲಿ ಪ್ರವಾಹ ಭೀತಿ ಎದುರಾಗಿದೆ.

ಗೋಗೂರು ಬಳಿ ಇರುವ ಹೇಮಾವತಿ ತಡವಾದರೂ ಈ ಬಾರಿ ತುಂಬಿದ್ದು, ರೈತರ ಮುಖದಲ್ಲಿ ಮಂದಹಾಸ ಮೂಡಿದೆ. 37 ಟಿಎಂಸಿ ಸಾಮರ್ಥ್ಯದ ಹೇಮಾವತಿ ಡ್ಯಾಂ ತುಂಬಿದ್ದು, ನದಿಗೆ 20 ಸಾವಿರ ಕ್ಯುಸೆಕ್​ ನೀರನ್ನು ಹೊರಗೆ ಬೀಡಲಾಗಿದೆ. ಇದರಿಂದಾಗಿ ಕೆಆರ್​ಎಸ್​ ಡ್ಯಾಂಗೆ ಒಳಹರಿವು ಹೆಚ್ಚಾಗಲಿದೆ. ನದಿಯಿಂದ ಹೆಚ್ಚು ನೀರನ್ನು ಹೊರಗೆ ಬಿಟ್ಟಿರುವ ಕಾರಣ, ಪ್ರವಾಹದ ಭೀತಿ ಎದುರಾಗಿದೆ.

ಇತ್ತ, ಬೇಲೂರು ತಾಲೂಕಿನ ಯಗಚಿ ಜಲಾಶಯ ಕೂಡ ಭರ್ತಿಯಾಗಿದ್ದು, 5 ಸಾವಿರ ಕ್ಯೂಸೆಕ್ ನೀರನ್ನ ಹೊರಗೆ ಬಿಡಲಾಗಿದೆ. ವಾಟೇಹೊಳೆ ಡ್ಯಾಂನಿಂದಲೂ ನೀರು ಹೊರಗೆ ಬಿಟ್ಟಿದ್ದು, ಸುತ್ತಮುತ್ತಲ ಪ್ರದೇಶದಲ್ಲಿ ಆತಂಕದ ವಾತಾವರಣ ಮನೆ ಮಾಡಿದೆ. ಇದೇ ಪರಿಸ್ಥಿತಿ ಮತ್ತೆರಡು ದಿನ ಮುಂದುವರಿದ್ರೆ, ಪ್ರವಾಹ ಮತ್ತಷ್ಟು ಹೆಚ್ಚಾಗಲಿದೆ. ನದಿ ಪಾತ್ರದ ಜನರನ್ನು ಸ್ಥಳಾಂತರ ಮಾಡಲು ಜಿಲ್ಲಾಡಳಿತ ಮುಂದಾಗಿದೆ.

for more News Updates Ple Visit : www.risingkannada.com