ಸೂಪರ್​​ಸ್ಟಾರ್​ ಆಗಬೇಕೆಂಬ ಕನಸು ಕಂಡಿದ್ದ ನಟಿ ದಾರುಣ ಸಾವು..! – ಯಾರು ಆಕೆ..? ಏನಾಯ್ತು..?

ಮುಬೈ : ಸಿನಿಮಾದಲ್ಲಿ ಮಿಂಚಬೇಕು. ಸ್ಟಾರ್ ಆಗಬೇಕು. ಸೂಪರ್​ ಸ್ಟಾರ್ ಆಗಬೇಕು ಅನ್ನೋದು ಬಹುತೇಕರ ಕನಸಾಗಿರುತ್ತೆ. ಆ ಕನಸಿನ ಬೆನ್ನೇರಿ ಬಹಳಷ್ಟು ತಾರೆಯರು ಮಾಯಾನಗರಿ ಮುಂಬೈ ಸೇರ್ತಾರೆ. ಅದರಂತೆ ಕನಸು ಹೊತ್ತು ಮುಂಬೈ ಸೇರಿದ್ದ ನಟಿ ಈಗ ದಾರುಣವಾಗಿ ಮೃತಪಟ್ಟಿದ್ದಾರೆ. ಆ ನಟಿ ಹೆಸರು ಪರ್ಲ್​ ಪಂಜಾಬಿ.

ನಟಿ ಪರ್ಲ್​ ಪಂಜಾಬಿ ಮಾಡೆಲ್​ ಕಮ್​ ನಟಿಯಾಗಿದ್ರು. ಮಾಡೆಲಿಂಗ್ ಜೊತೆ ಸಣ್ಣಪುಟ್ಟ ಪಾತ್ರಗಳನ್ನ ಮಾಡ್ತಿದ್ರು. ಬಾಲಿವುಡ್​ನಲ್ಲಿ ಮಿಂಚಬೇಕು, ದೊಡ್ಡ ದೊಡ್ಡ ಪಾತ್ರ ಮಾಡಬೇಕು. ಸೂಪರ್​ ಸ್ಟಾರ್ ಆಗಬೇಕು ಎಂದು ಕನಸು ಕಂಡವರು. ಆದ್ರೆ, ಪರ್ಲ್​ ಪಂಜಾಬಿಗೆ ಸೂಕ್ತ ಪಾತ್ರಗಳು ಸಿಗಲಿಲ್ಲ. ಇದರಿಂದ ಮಾನಸಿಕವಾಗಿ ಖಿನ್ನತೆಗೆ ಒಳಗಾಗಿದ್ರು. ಸರಿಯಾದ ಅವಕಾಶಗಳು ಸಿಗದೇ ಮನನೊಂದ ಪರ್ಲ್​ ಪಂಜಾಬಿ, ತಾನು ವಾಸವಾಗಿದ್ದ ಅಪಾರ್ಟ್​​ಮೆಂಟ್​​ನಿಂದ ಜಿಗಿದು ಆತ್ಮಹತ್ಯೆಗೆ ಶರವಾಗಿದ್ದಾರೆ.

ನಟಿ ಪರ್ಲ್​ ಪಂಜಾಬಿ ಮಹಾರಾಷ್ಟ್ರದ ಒಶಿವಾರದವರು. ಮುಂಬೈನಲ್ಲಿ ಅವಕಾಶಗಳಿಗಾಗಿ ಸದಾ ಕಾಯ್ತಿದ್ದವರು. ಅವಕಾಶಗಳು ಸಿಗದೇ ಇದ್ದರಿಂದ ಪರ್ಲ್​​ಗೆ ಒಂದು ಕಡೆ ನೋವಿತ್ತು. ಈ ನಡುವೆ, ತಾಯಿ ಜೊತೆ ಪದೇ ಪದೇ ಜಗಳ ಆಡ್ತಿದ್ರು. ಕೊನೆಗೆ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.