ಸಿನಿಮಾದಲ್ಲೇ ಅಲ್ಲ ವೆಬ್​ಸಿರೀಸ್​​ನಲ್ಲೂ ಇನ್ಮುಂದೆ ಹೀರೋ, ಹೀರೋಯಿನ್​​ಗಳದ್ದೇ ಹವಾ

ರೈಸಿಂಗ್ ಕನ್ನಡ ಸಿನಿಮಾ : ನಿಮ್ಮ ಕೈಯಲ್ಲಿ ಮೊಬೈಲ್​​ ಇದ್ರೆ, ಇಡೀ ಜಗತ್ತೇ ಇವತ್ತು ನಿಮ್ಮ ಕೈಯಲ್ಲಿರುತ್ತೆ. ಅಷ್ಟರ ಮಟ್ಟಿಗೆ ಟೆಕ್ನಾಲಜಿ ಬೆಳೆದಿದೆ. ಇದರ ಜೊತೆಗೆ ಇತ್ತೀಚೆಗೆ ಮನರಂಜನೆ ಜಗತ್ತು ಕೂಡ ಬದಲಾಗ್ತಿದೆ. ಈ ಮೊದಲು ಸಿನಿಮಾವನ್ನ ಥಿಯೇಟರ್​​ನಲ್ಲೇ ನೋಡಬೇಕಿತ್ತು. ಈಗ ಅದೆಲ್ಲವೂ ಹಳೇದಾಗಿದೆ. ಸಿನಿಮಾ ರಿಲೀಸ್​ ಆದ ದಿನವೇ ವೆಬ್​ನಲ್ಲೂ ರಿಲೀಸ್​ ಆಗ್ತಿವೆ. ಜೊತೆಗೆ ಸಿನಿಮಾಗೆ ಪೈಪೋಟಿ ನೀಡುವಷ್ಟು, ಸಿನಿಮಾವನ್ನೇ ಮೀರಿಸುವಂತಹ ವೆಬ್​ ಸಿರೀಸ್​ಗಳು ಬರ್ತಿವೆ.

ನೆಟ್​​ಫ್ಲಿಕ್ಸ್​, ಅಮೆಜಾನ್​ ಪ್ರೈಮ್​ ಸೇರಿದಂತೆ ಸಾಕಷ್ಟು ಆ್ಯಪ್​ಗಳು, ಆನ್​ಲೈನ್​​ನಲ್ಲೇ ವೆಬ್​​ ಸಿರೀಸ್​, ಸಿನಿಮಾಗಳನ್ನ ಬಿಡುಗಡೆ ಮಾಡ್ತಿವೆ. ಪರಿಸ್ಥಿತಿ ಹೀಗಿರಬೇಕಾದ್ರೆ, ಈಗಾಗಲೇ ಹಾಲಿವುಡ್​ನಲ್ಲಿ ಈ ವೆಬ್​ ಸಿರೀಸ್​ಗಳು ಸಿಕ್ಕಾಪಟ್ಟೆ ಫೇಮಸ್​. ಅದರಂತೆ ಹಿಂದಿಯಲ್ಲೂ ಇತ್ತೀಚೆಗೆ ಚಾಲ್ತಿಯಲ್ಲಿವೆ. ಇದೇ ವೆಬ್​ ಸಿರೀಸ್​ಗಳು ಈಗ ಕನ್ನಡ ಸೇರಿದಂತೆ ಪ್ರಾದೇಶಿಕ ಭಾಷೆಗಳಲ್ಲೂ ರೆಡೆ ಆಗ್ತಿವೆ.

ಸಿನಿಮಾಗಳಲ್ಲಿ ಹೀರೋ, ಹೀರೋಯಿನ್​ಗಳಾಗಿ ಮಿಂಚಿದ್ದ ನಟ, ನಟಿಯರೋ ಇನ್ಮುಂದೆ ವೆಬ್​ ಸಿರೀಸ್​ಗಳತ್ತ ಮುಖ ಮಾಡ್ತಿದ್ದಾರೆ. ಈಗಾಗ್ಲೇ ಹ್ಯಾಟ್ರಿಕ್ ಹೀರೋ ಶಿವರಾಜ್​ ಕುಮಾರ್​ ಕನ್ನಡದಲ್ಲಿ ವೆಬ್​ ಸಿರೀಸ್​ನಲ್ಲಿ ನಟಿಸೋದಾಗಿ ಹೇಳಿದ್ದಾರೆ. ಹಿಂದಿಯಲ್ಲಿ ಸೈಫ್​ ಅಲಿ ಖಾನ್​, ರಾಧಿಕಾ ಆಪ್ಟೆ, ಕೈರಾ ಅಡ್ವಾಣಿ ಸೇರಿದಂತೆ ಸಾಕಷ್ಟು ನಟ, ನಟಿಯರು ನಟಿಸ್ತಿದ್ದಾರೆ.

ಇದೀಗ ಈ ಸಾಲಿಗೆ ಸೌತ್​ ಸಿನಿಮಾ ಇಂಡಸ್ಟ್ರಿಯ ಬ್ಯೂಟಿ ಕಾಜಲ್ ಅಗರ್​ವಾಲ್​ ಕೂಡ ಸೇರ್ಪಡೆ ಆಗ್ತಿದ್ದಾರೆ. ಶೀಘ್ರವೇ ಕಾಜಲ್​, ತಮಿಳು ವೆಬ್​ ಸಿರೀಸ್​ನಲ್ಲಿ ನಟಿಸ್ತಿದ್ದಾರೆ.

ಜೊತೆಗೆ ಸಮಂತಾ ಕೂಡ ತೆಲುಗು ವೆಬ್​ ಸಿರೀಸ್​ನಲ್ಲಿ ನಟಿಸೋಕೆ ಸೈ ಎಂದಿದ್ದಾರೆ.

ಒಟ್ನಲ್ಲಿ ಇನ್ಮುಂದೆ ಹೀರೋ, ಹೀರೋಯಿನ್​ಗಳು ಸಿನಿಮಾದಲ್ಲಿ ಮಾತ್ರವಲ್ಲ ವೆಬ್​ ಸಿರೀಸ್​ನಲ್ಲೂ ಅದೃಷ್ಟ ಪರೀಕ್ಷೆಗೆ ಇಳಿಯಲಿದ್ದಾರೆ.