ಸಿದ್ದರಾಮಯ್ಯನವರನ್ನ ಬಿಟ್ಟು ದಸರಾ ಮಾಡುವುದುಂಟೇ..?- ಸೋಮಣ್ಣ

ಮೈಸೂರು: ಸಿದ್ದರಾಮಯ್ಯಗೆ ದಸರಾಗೆ ಆಹ್ವಾನ ಕೊಡೋ ವಿಚಾರಕ್ಕೆ ಸಚಿವ ವಿ ಸೋಮಣ್ಣ ಪ್ರತಿಕ್ರಿಯೆ ನೀಡಿದ್ದಾರೆ. ಮೈಸೂರಿನಲ್ಲಿ ಮಾತನಾಡಿ, ಸಿದ್ದರಾಮಯ್ಯನವರು ನಮ್ಮ ಕುಟುಂಬದವ್ರೇ, ಈಗಾಗಲೇ ನಾನು ಅವರನ್ನ ಸಂಪರ್ಕ ಮಾಡಿದ್ದೇನೆ, ಆದರೆ ಅವರು ನನ್ನ ಸಂಪರ್ಕಕ್ಕೆ ಸಿಕ್ಕಿಲ್ಲ, ನಿಮ್ಮ ಮುಂದೆ ಬೇಕಿದ್ದರೆ ಪುನಃ ಸಂಪರ್ಕ ಮಾಡಿ ನಿಮ್ಮೊಟ್ಟಿಗೆ ಆಹ್ವಾನ ಕೊಡಲು ಹೋಗ್ತಿನಿ ಎಂದರು.

ನಾನು ಸಿದ್ದರಾಮಯ್ಯನವರು ಒಂದೇ ಪಕ್ಷದಲ್ಲಿ ಇದ್ದವರು, ಅವರೇನೋ ಅದೃಷ್ಟದಿಂದ ಐದು ವರ್ಷ ಸಿಎಂ ಆದರು, ರಾಜಕಾರಣದಲ್ಲಿ ಅಪಾರ ಅನುಭವ ಉಳ್ಳವರು ಕೂಡ, 13 ಬಾರಿ ಬಜೆಟ್ ಮಂಡಿಸಿದ ಅನುಭವ ಕೂಡ ಇದೆ, ಅಂತ ನಾಯಕರನ್ನ ಬಿಟ್ಟು ನಾವು ದಸರಾ ಆಚರಣೆ ಮಾಡುವುದು ಸಾಧ್ಯನಾ..? ಅವರನ್ನೊಳಗೊಂಡ ದಸರಾ ಮಾಡ್ತೀವಿ ಎಂದು ಮೈಸೂರು ಪತ್ರಕರ್ತರ ಜೊತೆಗಿನ ಸಂವಾದದಲ್ಲಿ ತಿಳಿಸಿದರು.