ಸಿಂಗಧೂರು ಚೌಡೇಶ್ವರಿಗೆ ಹೋಗುವ ಶರಾವತಿ ಲಾಂಚ್​​ಗಳ ನಡುವೆ ಡಿಕ್ಕಿ.! : ಏನಾಯ್ತು..?

ಶಿವಮೊಗ್ಗ : ಶರಾವತಿ ಹಿನ್ನೀರಿನಲ್ಲಿರೋ ಎರಡು ಲಾಂಚ್​ಗಳ ನಡುವೆ ಡಿಕ್ಕಿ ಸಂಭವಿಸಿದೆ. ಶರಾವತಿ 01 ಮತ್ತು ಶರಾವತಿ 02 ಲಾಂಚ್​​ಗಳು ಇವಾಗಿದ್ದು, ಸಿಂಗಧೂರು ಚೌಡೇಶ್ವರಿ ದೇವಾಲಯಕ್ಕೆ ಸಂಪರ್ಕ ಕಲ್ಪಿಸುತ್ತವೆ. ಚಾಲಕನ ನಿರ್ಲಕ್ಷ್ಯದಿಂದ ಅಪಘಾತ ಸಂಭವಿಸಿದ್ದು, ಪ್ರಯಾಣಿಕರು ಸೇಫ್​ ಆಗಿದ್ದಾರೆ.

ಎರಡೂ ಲಾಂಚ್ ಗಳಲ್ಲು ಸುಮಾರು 500ಕ್ಕೂ ಹೆಚ್ಚು ಪ್ರಯಾಣಿಕರಿದ್ದರು. ಎಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಚಾಲಕರ ನಿರ್ಲಕ್ಷ್ಯ ದಿಂದ ಪ್ರಯಾಣಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಒಳನಾಡ ಬಂದರು ಇಲಾಖೆಗೆ ಸೇರಿದ ಲಾಂಚ್​ಗಳಾಗಿವೆ. ಡಿಕ್ಕಿ ಆಗ್ತಿದ್ದಂತೆ ಪ್ರಯಾಣಿಕರು ಕೆಲ ಕಾಲ ಆತಂಕಕ್ಕೆ ಒಳಗಾಗಿದ್ರು. ಏನಾದ್ರು ಹೆಚ್ಚು-ಕಡಿಮೆಯಾಯ್ತ…? ಅನಾಹುತ ಆಯ್ತಾ ಅಂತ ಆತಂಕಕ್ಕೆ ಒಳಗಾಗಿದ್ರು. ಬಳಿಕ ಚೌಡೇಶ್ವರಿಯ ಕೃಪೆಯಿಂದ ಏನೂ ಆಗಿಲ್ಲ ಎಂದು ನಿಟ್ಟಿಸಿರು ಬಿಟ್ರು.

ಈ ಮಧ್ಯೆ, ಎರಡೂ ಲಾಂಚ್​ಗಳ ಚಾಲಕರಿಗೆ ಪ್ರಯಾಣಿಕರು, ಸರಿಯಾಗಿಯೇ ತರಾಟೆಗೆ ತೆಗೆದುಕೊಂಡು, ಸರಿಯಾಗಿ ನಡೆಸುವಂತೆ ಎಚ್ಚರಿಕೆ ನೀಡಿದ್ರು.