ಸಾಕು ನಾಯಿಯನ್ನೇ ಮದ್ವೆಯಾದ ಮಹಿಳೆ..! ಅಚ್ಚರಿಯಾದ್ರೂ ಸತ್ಯ ಸತ್ಯ ಸತ್ಯ..!

ಬ್ರಿಟನ್​ : ಜಗತ್ತಿನಲ್ಲಿ ಏನೆಲ್ಲಾ ಆಗುತ್ತೆ ಅನ್ನೋದಕ್ಕೆ ಈ ಸ್ಟೋರಿಯೇ ಸಾಕ್ಷಿ. ಇತ್ತೀಚೆಗೆ ಮದುವೆ ಆಗ್ಬೇಕು ಅಂದ್ರೆ, ಹುಡುಗ-ಹುಡುಗಿ ಹುಡುಕೋದೇ ದೊಡ್ಡ ಚಾಲೆಂಜ್​. ಇಲ್ಲೊಬ್ಬ ಮಹಿಳೆ, ತನಗೆ ಗಂಡ ಸಿಗಲಿಲ್ಲ ಅಂತ ಬೇಜಾರಾಗಿ ಕೊನೆಗೆ ತಾನು ಸಾಕಿದ್ದ ನಾಯಿಯನ್ನೇ ಮದುವೆ ಆಗಿರೋ ವಿಚಿತ್ರ, ವಿಸ್ಮಯ, ವಿಶೇಷ ಘಟನೆ ನಡೆಸಿದೆ.

ಈ ಮಹಿಳೆ ಹೆಸರು ಎಲಿಜಬೆತ್ ಹೋಡ್​. ಈಕೆ ಈವರೆಗೆ 221 ಬಾರಿ ಡೇಟಿಂಗ್​ ಮಾಡಿದ್ದಾಳೆ. ನಾಲ್ಕು ಬಾರಿ ಎಂಗೇಜ್​ಮೆಂಟ್​ ಕೂಡ ಆಗಿದೆ. ಆದ್ರೆ, ಮದುವೆವರೆಗೆ ಯಾವುದೂ ಕೂಡ ಬರಲೇ ಇಲ್ಲ. ಇದರಿಂದ ಬೇಸತ್ತ ಎಲಿಜಬೆತ್​, ತಾನು ಸಾಕಿದ್ದ ನಾಯಿಯನ್ನೇ ಮದುವೆ ಆಗಿದ್ದಾಳೆ.

ತಾನು ನಾಯಿಯನ್ನ ಏಕೆ ಮದುವೆಯಾದೆ ಎಂಬುದಕ್ಕೆ ಎಲಿಜಬೆತ್​ ಕೊಟ್ಟಿರೋ ಹೇಳಿಕೆ ನೋಡಿದ್ರೆ, ಗಾಬರಿ ಆಗುತ್ತೆ. ನಾನು ಈ ನಾಯಿಯನ್ನ ಕಾಪಾಡಿದೆ. ಅದು ನನ್ನನ್ನ ಕಾಪಾಡಿದೆ. ಯಾವುದೋ ಒಂದು ಶೆಲ್ಟರ್​ನಲ್ಲಿ ಈ ನಾಯಿ ಇತ್ತು. ಅದನ್ನ ನಾನು ಕಾಪಾಡಿದೆ. ಈಗ ಅದು ನನ್ನನ್ನ ಕಾಪಾಡಿತು ಎಂದಿದ್ದಾರೆ.

ನನಗೆ ಅನ್ನಿಸಿದ್ದನ್ನ ನಾನು ಹೇಳುತ್ತೇನೆ ಎಂದು ಮಾತು ಆರಂಭಿಸೋ ಎಲಿಜಬೆತ್​, ಈಗಿನ ಕಾಲದಲ್ಲಿ ವಯಸ್ಸಾದ ಗಂಡಿಗೆ ಯುವತಿಯರು ಬೇಕು. ಯುವಕರಿಗೆ ವಯಸ್ಸಾಗಿರೋ ಮಹಿಳೆಯರು ಬೇಕು ಎಂದಿದ್ದಾರೆ. ನಮ್ಮದೊಂದು ಗುಂಪಿದೆ. ಪ್ರತಿದಿನ ನಾವು ವಾಕ್​ಗೆ ಹೋಗುವಾಗ ಜೊತೆಯಲ್ಲಿದ್ದ ನನ್ನ ಫ್ರೆಂಡ್ ಹೇಳಿದ್ರು. ಯಾಕೆ ನೀನು ನಾಯಿಯನ್ನೇ ಮದ್ವೆ ಆಗಬಾರದು ಎಂದು. ಹೀಗಾಗಿಯೇ ನಾನು ನಾಯಿಯನ್ನ ಮದ್ವೆ ಆಗಿದ್ದೇನೆ ಎಂದು ಟಿವಿ ಸಂದರ್ಶನದಲ್ಲಿ ಹೇಳಿದ್ದಾರೆ.

ಒಟ್ನಲ್ಲಿ ಇನ್ನೂ ನಮ್ಮ ಕಣ್ಣಲ್ಲಿ ಏನೇನ್​ ನೋಡಬೇಕೋ ಏನೋ ಎಂದು ನೆಟ್ಟಿಗರು ಕಾಮೆಂಟ್ ಮಾಡ್ತಿದ್ದಾರೆ..