ಸಂಸದ ಪ್ರತಾಪ್​ ಸಿಂಹ ಹಾಗೂ ಯಡಿಯೂರಪ್ಪಗೆ ಮತ್ತೆ ಆ ಮಾಹಿತಿ ಕೇಳಿದ ನಟಿ ರಶ್ಮಿಕಾ ಮಂದಣ್ಣ..! ಏನದು..?

ರೈಸಿಂಗ್ ಕನ್ನಡ : ಯೆಸ್​, ನಟಿ ರಶ್ಮಿಕಾ ಮಂದಣ್ಣ ಸದಾ ಸೋಶಿಯಲ್ ಮೀಡಿಯಾದಲ್ಲಿ ಆ್ಯಕ್ಟೀವ್​ ಆಗಿರ್ತಾರೆ. ಅದರಂತೆ, ಈ ಹಿಂದೆ ಕೊಡಗಿಗಾಗಿ ಶುರುವಾಗಿದ್ದ ಅಭಿಯಾನವನ್ನ ಮತ್ತೊಮ್ಮೆ ನೆನಪಿಸಿದ್ದಾರೆ ರಶ್ಮಿಕಾ. ಕೊಡಗಿಗೆ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ ಬೇಕು ಅನ್ನೋ ಅಭಿಯಾನ ಕಳೆದ ನಾಲ್ಕು ತಿಂಗಳ ಹಿಂದೆ ಶುರುವಾಗಿತ್ತು. ಸಂಸದ ಪ್ರತಾಪ್​ ಸಿಂಹ ಸೇರಿದಂತೆ ಆಗಿನ ಸರ್ಕಾರ ಈ ಬಗ್ಗೆ ಗಮನ ನೀಡೋದಾಗಿ, ಶೀಘ್ರವೇ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ ನೀಡುವ ಭರವಸೆ ನೀಡಿದ್ರು.

ಆದ್ರೀಗ ರಾಜ್ಯ ಸರ್ಕಾರ ಬದಲಾಗಿದೆ. ಜೊತೆಗೆ ಆ ಬಗ್ಗೆ ಏನೂ ಅಪ್​ಡೇಟ್​ ಇಲ್ಲ. ಹೀಗಾಗಿ, ಮತ್ತೊಮ್ಮೆ ಟ್ವಿಟ್ಟರ್​ನಲ್ಲಿ ಕೊಡಗಿಗೆ ಮಲ್ಟಿ ಸ್ಪೆಷಾಲಿಟಿ ಹಾಸ್ಟಿಟಲ್​ ವಿಚಾರ ಏನಾಯ್ತು ಎಂದು ಮಾಹಿತಿ ನೀಡಿ ಕೇಳಿದ್ದಾರೆ.

ಟ್ವಿಟ್ಟರ್​ನಲ್ಲಿ ಸಂಸದ ಪ್ರತಾಪ್​ ಸಿಂಹ ಹಾಗೂ ರಾಜ್ಯ ಸರ್ಕಾರವನ್ನ ಮಾಹಿತಿ ಕೋರಿರುವ ರಶ್ಮಿಕಾ, ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ ಕುರಿತು ಏನಾದರೂ ಅಪ್​ಡೇಟ್​ ಆಗಿದೆಯಾ..? ಈ ಕುರಿತು ಪೂರಕವಾಗಿ ಏನಾದ್ರೂ ಕೆಲಸಗಳು ನಡೆದಿವೆಯಾ ಎಂದು ಪ್ರಶ್ನೆ ಮಾಡಿದ್ದಾರೆ. ಆದ್ರೆ, ಇದಕ್ಕೆ ಈವರೆಗೆ ಯಾವುದೇ ರಿಯಾಕ್ಷನ್​ ಬಂದಿಲ್ಲ.

ಈ ನಡುವೆ, ರಶ್ಮಿಕಾ ಟ್ವಿಟ್ಟರ್​ಗೆ ಕೆಲವು ಅಭಿಮಾನಿಗಳು ಖುಷಿ ವ್ಯಕ್ತಪಡಿಸಿದ್ರೆ, ಮತ್ತೂ ಕೆಲವ್ರು ಕಾಲೆಳೆದಿದ್ದಾರೆ. ಇದು ಪಬ್ಲಿಸಿಟಿ ಸ್ಟಂಟ್​ ಅಂತ ಹೇಳಿರೋವ್ರಿಗೆ ಟ್ವಿಟ್ಟರ್​​ನಲ್ಲೇ ರಿಯಾಕ್ಷನ್​ ಮಾಡಿರೋ ರಶ್ಮಿಕಾ, ಹೆಲ್ತ್​​ ಬಗ್ಗೆ ಯೋಚನೆ ಮಾಡಿ ಎಂದಿದ್ದಾರೆ. ಒಟ್ಟಿನಲ್ಲಿ ಸಿನಿಮಾಗಳಲ್ಲಿ ಬ್ಯುಸಿಯಾಗಿರೋ ರಶ್ಮಿಕಾ, ಆಗಾಗ ತವರು ಪ್ರೇಮವನ್ನ ಮೆರೆಯುತ್ತಿದ್ದಾರೆ.