ವಿರಾಟ್​ ಕೊಹ್ಲಿ-ಅನುಷ್ಕಾ ಶರ್ಮಾ ಮದ್ವೆ ಇಟಲಿಯಲ್ಲಿ ಆಗಿದ್ದು ಯಾಕೆ..? ಕೊನೆಗೂ ಸೀಕ್ರೆಟ್​ ಬಿಚ್ಚಿಟ್ಟ ವಿರುಷ್ಕಾ..!

ರೈಸಿಂಗ್​ ಕನ್ನಡ : ಟೀಮ್ ಇಂಡಿಯಾ ಕ್ಯಾಪ್ಟನ್​ ವಿರಾಟ್ ಕೊಹ್ಲಿ ಹಾಗೂ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಮದ್ವೆ ಇಟಲಿಯಲ್ಲಿ ಯಾಕೆ ಆಯ್ತು..? ಭಾರತದಲ್ಲಿ ಯಾಕೆ ಆಗ್ಲಿಲ್ಲ ಅನ್ನೋ ಮಿಲಿಯನ್ ಡಾಲರ್ ಪ್ರಶ್ನೆಗೆ ಕೊನೆಗೂ ಉತ್ತರ ಸಿಕ್ಕಿದೆ. 2017ರಲ್ಲಿ ವಿರಾಟ್​ ಕೊಹ್ಲಿ, ಅನುಷ್ಕಾ ಶರ್ಮಾ ಇಟಲಿಯಲ್ಲಿ ಮದ್ವೆಯಾಗಿದ್ರು. ಆದ್ರೆ, ಇಬ್ಬರು ಭಾರತೀಯ ಸ್ಟಾರ್​ಗಳು ಇಟಲಿಯಲ್ಲಿ ಮದ್ವೆ ಆಗ್ತಿರೋದು ಯಾಕೆ ಅಂತ ಹಲವು ಅಭಿಮಾನಿಗಳು, ಮಾಧ್ಯಮಗಳು ಪ್ರಶ್ನೆ ಮಾಡಿದ್ರೂ ಉತ್ತರ ಸಿಕ್ಕಿರಲಿಲ್ಲ. ಇದೀಗ ಸ್ವತಃ ವಿರಾಟ್ ಕೊಹ್ಲಿ, ಈ ಪ್ರಶ್ನೆಗೆ ಉತ್ತರ ನೀಡಿದ್ದಾರೆ .

ಭಾರತದಲ್ಲಿ ನಾವು ಮದ್ವೆ ಆಗಿದ್ದಿದ್ರೆ, ನಮ್ಮಿಂದ ನಮ್ಮ ಸಂಬಂಧಿಕರು, ಸ್ನೇಹಿತರನ್ನ ಸರಿಯಾಗಿ ನೋಡಿಕೊಳ್ಳಲು ಸಾಧ್ಯವೇ ಆಗ್ತಿರಲಿಲ್ಲ. ಮದುವೆ ಅನ್ನೋದು ಪ್ರತಿಯೊಬ್ಬರ ಖಾಸಗಿತನ. ಜೀವನದಲ್ಲಿ ಒಮ್ಮೆ ಮಾತ್ರ ಬರುತ್ತೆ. ಅದರಲ್ಲಿ ಗೊಂದಲ ಮಾಡ್ಕೊಂಡು, ಟೆನ್ಷನ್​ ತೆಗೆದುಕೊಂಡು ಮಾಡಲು ಸಾಧ್ಯವಿಲ್ಲ. ಹೀಗಾಗಿಯೇ ನಮ್ಮ ಅತ್ಯಂತ ಆಪ್ತರಿಗೆ ಮಾತ್ರ ಮದುವೆ ಇನ್​ವೈಟ್​ ಮಾಡಿದ್ವಿ. ಕೇವಲ 42 ಮಂದಿಗಷ್ಟೇ ನಾವು ಇಟಲಿಗೆ ಆಮಂತ್ರಣ ನೀಡಿದ್ವಿ. ನಾವು ಆಮಂತ್ರಣ ಕೊಟ್ಟ 42 ಮಂದಿಗೆ ಕೊನೇ ದಿನಗಳ ವರೆಗೆ ಮದುವೆ ಎಲ್ಲಿ ಅನ್ನೋದು ಕೂಡ ಹೇಳಿರಲಿಲ್ಲ ಎಂದು ವಿರಾಟ್​ ಕೊಹ್ಲಿ ಟಿವಿ ಶೋವೊಂದಕ್ಕೆ ನೀಡಿರೋ ಸಂದರ್ಶನದಲ್ಲಿ ಹೇಳಿದ್ದಾರೆ.

ಇಷ್ಟೇ ಅಲ್ಲದೆ, ಮಾಧ್ಯಮ ಹಾಗೂ ಅಭಿಮಾನಿಗಳಿಗೆ ಬೇಸರ ಮಾಡುವ ಉದ್ದೇಶ ನಮ್ಮದಾಗಿರಲಿಲ್ಲ. ನಮ್ಮ ಖಾಸಗಿತನವನ್ನ ಎಂಜಾಯ್​ ಮಾಡಬೇಕಿತ್ತು. ಹೀಗಾಗಿಯೇ, ನಾವು ಇಟಲಿಯಲ್ಲಿ ಮದ್ವೆಯಾದ್ವಿ ಎಂದು ವಿರಾಟ್​ ಹೇಳಿದ್ದಾರೆ. ಮದ್ವೆ ಬಳಿಕ ಭಾರತದಲ್ಲೇ ನಡೆದ ರಿಸೆಪ್ಷನ್​​ ನಿಯಂತ್ರಣ ಮಾಡೋಕೆ ನಮ್ಮ ಕೈಯಲ್ಲಿ ಆಗಲಿಲ್ಲ. ಇಬ್ಬರು ತಾರೆಯರಾಗಿದ್ದರಿಂದ, ಸಹಜವಾಗಿಯೇ ಸಾಕಷ್ಟು ಸ್ನೇಹಿತರು, ಸಂಬಂಧಿಕರು ಇರ್ತಾರೆ. ಹೀಗಾಗಿಯೇ ಅನಿವಾರ್ಯವಾಗಿ ನಾವು ಇಟಲಿಯಲ್ಲಿ ಮದ್ವೆಯಾದ್ವಿ ಎಂದು ಕೊಹ್ಲಿ ಹೇಳಿದ್ದಾರೆ.

ಇಷ್ಟೇ ಅಲ್ಲದೆ, ಮದ್ವೆ ಬಳಿಕ ರಿಸೆಪ್ಷನ್​ನಲ್ಲಿ ಜನಜಂಗುಳಿ ನೋಡಿದ ವಿರುಷ್ಕಾ ಫ್ಯಾಮಿಲಿ ಸದಸ್ಯರು, ಇಟಲಿಯಲ್ಲಿ ಮದ್ವೆಯಾಗಿದ್ದೇ ಒಳ್ಳೇದಾಯ್ತು, ಒಂದ್ವೇಳೆ ಭಾರತದಲ್ಲಿ ಮದ್ವೆ ಆಗಿದ್ರೆ ನಮ್ಮ ಕಥೆ ಅಷ್ಟೇ ಅಂತ ನಿಟ್ಟುಸಿರು ಬಿಟ್ಟಿದ್ರಂತೆ.. ಒಟ್ನಲ್ಲಿ, ಕೊನೆಗೂ ಇಟಿಲಿ ಮದ್ವೆ ಸೀಕ್ರೆಟ್​ಅನ್ನ ಕೊಹ್ಲಿ ಬಹಿರಂಗ ಪಡಿಸಿದ್ದಾರೆ .