ವಿಚಿತ್ರ.. ಅಚ್ಚರಿಯಾದರೂ ಸತ್ಯ..! ವ್ಯಕ್ತಿಯ ತಲೆ ಮೇಲೆ ಕೊಂಬು ಬಂದಿದೆ..!

ರೈಸಿಂಗ್ ಕನ್ನಡ : ನೀವು ನೋಡ್ತಿರೋ ಫೋಟೋ ಅಕ್ಷರಶಃ ಸತ್ಯ. ಯಾವುದೇ ಗ್ರಾಫಿಕ್ಸ್​​ ಅಥವಾ ಗಿಮಿಕ್​ ಮಾಡಿರೋದಲ್ಲ. ಇವರ ಹೆಸರು ಶ್ಯಾಮ್​ಲಾಲ್​. ವಯಸ್ಸು 74 ವರ್ಷ. ಮಧ್ಯ ಪ್ರದೇಶದ ಭೋಪಾಲ್​​ನವರು. ಹೀಗೆ, ತಲೆ ಮೇಲೆ ಕೊಂಬು ಬೆಳೆದಿದ್ದು, ಇಡೀ ವೈದ್ಯಕೀಯ ಲೋಕವೇ ಅಚ್ಚರಿ ಪಡ್ತಿದೆ. ಜೊತೆಗೆ ಜನತೆ ಭಯಭೀತರಾಗಿದ್ದಾರೆ.

ಇಷ್ಟಕ್ಕೂ ಏನಾಗಿದೆ ಅಂತ ವಿಷಯಕ್ಕೆ ಬರೋದಾದ್ರೆ, 74 ವರ್ಷ ಶ್ಯಾಮ್​ಲಾಲ್​ ಅಪರೂಪದ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಕೆಲವು ವರ್ಷಗಳ ಹಿಂದೆ ಇವರ ತಲೆ ಮೇಲೆ ಗಾಯವಾಗಿತ್ತು. ಅದೇ ಗಾಯ ಕೆಲ ದಿನಗಳ ಬಳಿಕ ಹೀಗೆ ಕೊಂಬು ರೀತಿಯಲ್ಲಿ ಬೆಳೆದು ನಿಂತಿದೆ. ಆರಂಭದಲ್ಲಿ ಸಣ್ಣದಾಗಿದ್ದ ಈ ಕೊಂಬನ್ನ ಶ್ಯಾಮ್​ಲಾಲ್ ಮನೆಯವರು ಕಟ್​ ಮಾಡ್ತಿದ್ರು. ಎಷ್ಟೇ ಕಟ್ ಮಾಡಿದ್ರೂ, ಅದು ಬೆಳೆಯುತ್ತಲೇ ಇತ್ತು. ಜೊತೆಗೆ ಕಟ್​ ಮಾಡಿದ್ರೆ, ಮತ್ತಷ್ಟು ಬೇಗ ಬೇಗ ಈ ಕೊಂಬು ರೀತಿಯ ಗಾಯ ಬೆಳೆಯುತ್ತಿದೆ.

ಕೊನೆಗೆ ಕೊಂಬಿನ ಕಷ್ಟ ತಾಳಲಾರದೆ ವೈದ್ಯರ ಬಳಿಕ ಹೋಗಿ ಚಿಕಿತ್ಸೆ ಪಡೆದುಕೊಂಡಿದ್ದಾರೆ. ವೈದ್ಯರು ಸರ್ಜರಿ ಮಾಡಿ, ಈ ಕೊಂಬನ್ನು ತೆಗೆದುಹಾಕಿದ್ದಾರೆ. ವೈದ್ಯ ಭಾಷೆಯಲ್ಲಿ ಇದನ್ನ ಸೆಬಾಸಿಯಸ್​ ಹಾರ್ನ್​​ ಎಂದ್ರೆ, ಸಾಮಾನ್ಯರು ಇದನ್ನ ಡೆವಿಲ್​ ಹಾರ್ನ್​ ಎಂದು ಕರೀತಾರೆ. ಒಟ್ನಲ್ಲಿ, ವೈದ್ಯರಿಂದ ಶ್ಯಾಮ್​ಲಾಲ್​ಗೆ ಸದ್ಯಕ್ಕೆ ರಿಲೀಫ್​ ಸಿಕ್ಕಿದೆ..