ವರಮಹಾಲಕ್ಷ್ಮಿ ಹಬ್ಬಕ್ಕೆ ಕುರುಕ್ಷೇತ್ರ ದರ್ಶನ : 5 ಭಾಷೆ.. ಎಷ್ಟು ಥಿಯೇಟರ್​ ಗೊತ್ತಾ..?

ಬೆಂಗಳೂರು : ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾ ಕುರುಕ್ಷೇತ್ರ ಇದೇ ಆಗಸ್ಟ್​ 9ರಂದು ವಿಶ್ವಾದ್ಯಂತ ಬಿಡುಗಡೆ ಆಗ್ತಿದೆ. ಕನ್ನಡ ಸೇರಿದಂತೆ ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಭಾಷೆಗಳಲ್ಲಿ ಕುರುಕ್ಷೇತ್ರ ರಿಲೀಸ್​ ಆಗ್ತಿದೆ. ಕೆಜಿಎಫ್​ ಸಿನಿಮಾ ಬಳಿಕ ಐದು ಭಾಷೆಗಳಲ್ಲಿ ಏಕಕಾಲದಲ್ಲಿ ಬಿಡುಗಡೆ ಆಗ್ತಿರೋ ಕನ್ನಡ ಸಿನಿಮಾ ಕುರುಕ್ಷೇತ್ರ. ಹೀಗಾಗಿಯೇ ಸಾಕಷ್ಟು ನಿರೀಕ್ಷೆಗಳನ್ನ ಹುಟ್ಟುಹಾಕಿದೆ. ಅಲ್ಲದೆ, ಚಾಲೆಂಜಿಂಗ್ ಸ್ಟಾರ್​ ದರ್ಶನ್ ಅಭಿನಯದ 50ನೇ ಸಿನಿಮಾ ಆಗಿರೋದ್ರಿಂದ, ನಿರೀಕ್ಷೆಗಳನ್ನ ಹೆಚ್ಚು ಮಾಡಿದೆ.

2500 ಥಿಯೇಟರ್​​ಗಳಲ್ಲಿ ಕುರುಕ್ಷೇತ್ರ ದರ್ಶನ..!

ಸದ್ಯ ರೈಸಿಂಗ್ ಕನ್ನಡಕ್ಕೆ ಸಿಕ್ಕಿರುವ ಮಾಹಿತಿ ಪ್ರಕಾರ, ಕುರುಕ್ಷೇತ್ರ 2500ಕ್ಕೂ ಹೆಚ್ಚು ಥಿಯೇಟರ್​ಗಳಲ್ಲಿ ಬಿಡುಗಡೆ ಆಗ್ತಿದೆ. ಕನ್ನಡದಲ್ಲೇ ಸುಮಾರು 500ಕ್ಕೂ ಹೆಚ್ಚು ಥಿಯೇಟರ್​ಗಳಲ್ಲಿ ಕುರುಕ್ಷೇತ್ರ ಬಿಡುಗಡೆ ಆಗ್ತಿದ್ದು, ತೆಲುಗು ಹಾಗೂ ಹಿಂದಿಯಲ್ಲಿ ಹೆಚ್ಚು ಥಿಯೇಟರ್​ಗಳಲ್ಲಿ ರಿಲೀಸ್​ ಆಗ್ತಿದೆ. ಒಟ್ಟಾರೆಯಾಗಿ ಇಡೀ ವಿಶ್ವಾದ್ಯಂತ ಸುಮಾರು 2500 ಕ್ಕೂ ಹೆಚ್ಚು ಥಿಯೇಟರ್​​ಗಳಲ್ಲಿ ಕುರುಕ್ಷೇತ್ರ ಪ್ರದರ್ಶನಕ್ಕೆ ರೆಡಿಯಾಗಿದೆ.

KGF ಮೀರಿಸುತ್ತಾ ಕುರುಕ್ಷೇತ್ರ..?

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್​ ಸಿನಿಮಾ ಹೊಸ ದಾಖಲೆಯನ್ನ ನಿರ್ಮಿಸಿತ್ತು. ಕನ್ನಡದಲ್ಲೇ ಅಲ್ಲದೆ ಎಲ್ಲಾ ಐದು ಭಾಷೆಗಳಲ್ಲಿ ಹೊಸ ಅಲೆಯನ್ನೇ ಸೃಷ್ಟಿಸಿತ್ತು. ಈಗ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಕುರುಕ್ಷೇತ್ರ ಸಿನಿಮಾದ ಸರದಿ. ಈಗಾಗ್ಲೇ ಒಳ್ಳೇ ಪ್ರೀ ರಿಲೀಸ್​ ಬ್ಯುಸಿನೆಸ್​ಮಾಡಿದೆ ಕುರುಕ್ಷೇತ್ರ. ಕನ್ನಡದಲ್ಲಿ ಕುರುಕ್ಷೇತ್ರ ಹಿಟ್​ ಆಗೋದ್ರಲ್ಲಿ ಡೌಟೇ ಇಲ್ಲ. ಆದ್ರೆ, ಉಳಿದ ಭಾಷೆಗಳಲ್ಲೂ ಕೆಜಿಎಫ್​ ರೀತಿ ಹಿಟ್​ ಆಗುತ್ತಾ ಅನ್ನೋದು ಸದ್ಯ ಎಲ್ಲೆಡೆ ಚರ್ಚೆ ಆಗುತ್ತಿರೋ ವಿಷಯ.

ಆಲ್​ ದಿ ಬೆಸ್ಟ್​ ಟು ಕುರುಕ್ಷೇತ್ರ

ಅದೇನೇ ಆಗಲಿ. ಕನ್ನಡದ ಪೌರಾಣಿಕ ಸಿನಿಮಾ ಇಡೀ ದೇಶಾದ್ಯಂತ ಸದ್ದು ಮಾಡ್ತಿದೆ. ಇದು ಕನ್ನಡಿಗರ ಹೆಮ್ಮೆ ಅನ್ನೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ. ಪ್ರತಿಯೊಬ್ಬ ಕನ್ನಡಿಗನೂ ಕುರುಕ್ಷೇತ್ರ ಸಿನಿಮಾ ನೋಡಿ, ಯಶಸ್ಸು ಸಿಗಲಿ ಅನ್ನೋದೇ ಎಲ್ಲರ ಆಶಯ. ಸೋ, ಆಲ್​ ದಿ ಬೆಸ್ಟ್​ ಟು ಕುರುಕ್ಷೇತ್ರ ಟೀಮ್​​..