ರಿನೋ ಆರ್ಭಟಕ್ಕೆ ಕಾರು ಪೀಸ್​ ಪೀಸ್​..! ವಿಡಿಯೋ ನೋಡಿ

ಜರ್ಮನಿ : ಪ್ರಾಣಿಗಳಿಗೆ ಕೋಪ ಬಂದ್ರೆ, ಯಾರನ್ನೂ ನೋಡಲ್ಲ. ತಮಗೆ ಇಷ್ಟ ಬಂದಂತೆ ವರ್ತನೆ ಮಾಡುತ್ವೆ. ಅದೇ ರೀತಿ ಜರ್ಮನಿ ಸಫಾರಿ ಪಾರ್ಕ್​​ನಲ್ಲೂ ಅಚ್ಚರಿಯ ಘಟನೆ ನಡೆದಿದೆ. 30 ವರ್ಷದ ಈ ರಿನೋ ಹೆಸರು, ಕುಸಿನಿ. ಅದೇನಾಯ್ತೋ ಏನೋ, ಸಫಾರಿ ಪಾರ್ಕ್​ನಲ್ಲಿದ್ದ ಈ ಕಾರಿನ ಮೇಲೆ ಇದ್ದಕ್ಕಿದ್ದಂತೆ  ಅಟ್ಯಾಕ್​ ಮಾಡಿದೆ. ರಿನೋ ಆರ್ಭಟಕ್ಕೆ ಕಾರು ಪೀಸ್ ಪೀಸ್​, ಆಗಿದ್ದು ಪುಡಿ ಪುಡಿಯಾಗಿದೆ. ಅದೃಷ್ಟವಶಾತ್​ ಕಾರಿನಿಂದ ಚಾಲಕರು ಪಾರಾಗಿದ್ದಾರೆ.

ಸಫಾರಿ ಪಾರ್ಕ್​​ನಲ್ಲಿ ವ್ಯಕ್ತಿಯೊಬ್ಬರು ಈ ವಿಡಿಯೋ ಶೂಟ್​ ಮಾಡಿದ್ದಾರೆ. ಮೂರು ಬಾರಿ ಕಾರು ಪಲ್ಟಿ ಹೊಡೆದಿದೆ. ರಿನೋ ಇದೇ ಮೊದಲ ಬಾರಿಗೆ ಈ ರೀತಿ ವರ್ತನೆ ತೋರಿದೆ. ಕಳೆದ 18 ತಿಂಗಳಿಂದ ಈ ಪಾರ್ಕ್​ನಲ್ಲೇ ರಿನೋ ಇದ್ದು, ಯಾವುದೇ ತೊಂದರೆ ಮಾಡಿರಲಿಲ್ಲ ಎಂದು ಪಾರ್ಕ್​ನ ಅಧಿಕಾರಿಗಳು ಹೇಳಿದ್ದು, ಇನ್ಮುಂದೆ ಸೂಕ್ತ ಭದ್ರತೆ ಒದಗಿಸೋದಾಗಿ ತಿಳಿಸಿದ್ದಾರೆ.