ರಾತ್ರಿ.. ಗಂಡಸು.. ಎಣ್ಣೆ..! : ದರ್ಶನ್​​ಗೇ ಟಾಂಗ್​ ಕೊಟ್ಟರಾ ಕಿಚ್ಚ ಸುದೀಪ್​..?

ಬೆಂಗಳೂರು : ಕಿಚ್ಚ ಸುದೀಪ್​, ಸೋಶಿಯಲ್ ಮೀಡಿಯಾದಲ್ಲಿ ಸದಾ ಸಕ್ರಿಯವಾಗಿ ಇರ್ತಾರೆ. ಆದ್ರೆ, ಇತ್ತೀಚೆಗೆ ಸುದೀಪ್ ಮಾಡಿರೋ ಆ ಒಂದು ಟ್ವೀಟ್​, ಇಡೀ ಚಿತ್ರರಂಗ ಚರ್ಚೆ ಮಾಡುವಂತೆ ಮಾಡಿದೆ. ಕೇವಲ ಚಿತ್ರರಂಗವೇ ಅಲ್ಲ, ಅಭಿಮಾನಿಗಳ ಮಧ್ಯೆ ವಾರ್​ಗೂ ಇದು ಕಾರಣವಾಗಿದೆ. ಆ ಟ್ವೀಟ್​ ಹೀಗಿದೆ ನೋಡಿ..

‘Real Men don’t need Alcohol and the sun to set to become a man’ Found it an awesome one.. ಅಂದ್ರೆ, ಗಂಡಸು ಎನಿಸಿಕೊಳ್ಳಲು ಮದ್ಯಪಾನ ಮಾಡಬೇಕಾಗಿಲ್ಲ. ಕತ್ತಲು ಆಗಲಿ ಎಂದು ಕಾಯಬೇಕಾಗಿಲ್ಲ, ಎಂದು ಸುದೀಪ್​ ಟ್ವೀಟ್​ ಮಾಡಿದ್ದಾರೆ. ಎಲ್ಲೋ ಓದಿದ ಸುಂದರ ಸಾಲುಗಳು ಈಗ ನೆನಪಾದವು ಎಂದು ಬರೆದಿರೋದು ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ.

ರಾತ್ರಿ.. ಗಂಡಸು.. ಎಣ್ಣೆ..! : ಸುದೀಪ್​ ಟಾಂಗ್​ ಕೊಟ್ಟಿದ್ದು ಯಾರಿಗೆ..?

ಇಷ್ಟಕ್ಕೂ ಸುದೀಪ್​ ಈ ರೀತಿ ಟ್ವೀಟ್​ ಮಾಡಿದ್ದು ಯಾರಿಗೆ ಅನ್ನೋದಕ್ಕೆ ಯಾರ ಬಳಿಯೂ ಉತ್ತರವಿಲ್ಲ. ಅಭಿಮಾನಿಗಳು ಸೇರಿದಂತೆ ಇಡೀ ಚಿತ್ರರಂಗ ತಲೆಕೆಡಿಸಿಕೊಂಡಿದೆ. ಯಾರಿಗೂ ಅರ್ಥವಾಗದ ರೀತಿ ಸುದೀಪ್ ಟ್ವೀಟ್ ಮಾಡಿದ್ದು ಯಾಕೆ ಅನ್ನೋ ಮಾತುಗಳು ಕೇಳಿ ಬರ್ತಿವೆ.

ಎದುರಾಳಿ ಯೋಗ್ಯನಾದ್ರೆ ಮಾತ್ರ ಫೈಟ್​ ಮಾಡುವೆ..!

ಇದೇ ಟ್ವೀಟ್​ನಲ್ಲಿ ಮತ್ತೊಂದು ಫೋಟೋ ಕೂಡ ಇದೆ. ಇದರಲ್ಲೂ ಸಂದೇಶ ಇದ್ದು, ಎದುರಾಳಿ ಯೋಗ್ಯನಾದ್ರೆ ಮಾತ್ರ ಅವನೊಂದಿಗೆ ಫೈಟ್​ ಮಾಡುವೆ ಎನ್ನುವ ಅರ್ಥದ ಸಾಲುಗಳಿವೆ. ಇಷ್ಟಕ್ಕೂ ಯಾರು ಆ ಎದುರಾಳಿ..? ಯಾಕೆ ಈ ರೀತಿಯ ಟ್ವೀಟ್​ ಅಂತ ಅಭಿಮಾನಿಗಳು ಕಾಮೆಂಟ್​ ಮಾಡಿದ್ದಾರೆ.

ದರ್ಶನ್​​ಗೆ ಟಾಂಗ್​ ಕೊಟ್ಟರಾ ಸುದೀಪ್​..?

ಕಿಚ್ಚ ಸುದೀಪ್​ ಟ್ವೀಟ್​​ ಮಾಡಿದ್ದು ದರ್ಶನ್​​ಗೆ ಟಾಂಗ್​ ಕೊಡೋಕಾ..? ಹೀಗೊಂದು ಕಾಮೆಂಟ್​ಗಳು ಫ್ಯಾನ್ಸ್​ಗಳು ಮಾಡ್ತಿದ್ದಾರೆ. ಡಿ ಬಾಸ್​ಗೆ ಸುದೀಪ್​ ಟಾಂಗ್​ ಕೊಟ್ಟಿದ್ದಾರೆ ಅಂತ ಅಭಿಮಾನಿಗಳು ಹೇಳ್ತಿದ್ರೆ, ಈ ರೀತಿಯ ರಾಜಕೀಯ ಬೇಡ ಅಂತ ಕೆಲವು ಅಭಿಮಾನಿಗಳು ಹೇಳ್ತಿದ್ದಾರೆ.

ಒಟ್ಟಿನಲ್ಲಿ ಸುದೀಪ್​ ಟ್ವೀಟ್​ ಹಲವು ಪ್ರಶ್ನೆಗಳನ್ನ ಹಾಗೂ ಅನುಮಾನಗಳನ್ನ ಹುಟ್ಟಿಹಾಕಿದೆ. ಮುಂದಿನ ದಿನಗಳಲ್ಲಿ ಇದಕ್ಕೆ ಸ್ಪಷ್ಟ ಉತ್ತರ ಸಿಕ್ಕೇ ಸಿಗುತ್ತೆ ಅಂತಿದೆ ಗಾಂಧಿನಗರ..