ರಾಜ್​ ಕುಮಾರ್​​ ಜೊತೆಗಿನ ಅಪರೂಪದ ಫೋಟೋ ಹಂಚಿಕೊಂಡ ಪುನೀತ್​..

ರೈಸಿಂಗ್ ಕನ್ನಡ :

ಡಾ.ರಾಜಕುಮಾರ್ ಜೊತೆಗೆ ಪ್ರವಾಸ ತೆರಳಿದ್ದಾಗಿನ ಅಪರೂಪದ ಚಿತ್ರವನ್ನು ನಟ ಪುನೀತ್ ರಾಜ್‌ಕುಮಾರ್​ ಹಂಚಿಕೊಂಡಿದ್ದಾರೆ.

ಪವರ್‌ ಸ್ಟಾರ್‌ ಪುನೀತ್‌ ರಾಜ್‌ಕುಮಾರ್, ಸಾಮಾಜಿಕ ಜಾಲತಾಣದಲ್ಲಿ ಆಗೊಮ್ಮೆ ಈಗೊಮ್ಮೆ ಆ್ಯಕ್ಟಿವ್ ಆಗಿರ್ತಾರೆ. ಅಪರೂಪಕ್ಕೆ ವಿಶೇಷ ಪೋಸ್ಟ್​ಗಳನ್ನ ಹಂಚಿಕೊಳ್ಳುತ್ತಾರೆ. ತಂದೆ ಡಾ.ರಾಜಕುಮಾರ್ ಜೊತೆಗೆ ಪ್ರವಾಸ ತೆರಳಿದ್ದಾಗಿನ ಅಪರೂಪದ ಚಿತ್ರವನ್ನು ಇದೀಗ ಹಂಚಿಕೊಂಡಿದ್ದಾರೆ. ಈ ಫೋಟೋ ಎಲ್ಲರ ಗಮನ ಸೆಳೆದಿದೆ.

1988ರಲ್ಲಿ ನಯಾಗರ ಫಾಲ್ಸ್​ಗೆ ಭೇಟಿ ನೀಡಿದ್ದಾಗ ತೆಗೆದ ಚಿತ್ರವನ್ನು ಅವರು ಹಂಚಿಕೊಂಡಿದ್ದಾರೆ. ‘ಅಪ್ಪಾಜಿಯವರ ಜೊತೆ 1988 ರಲ್ಲಿ ನಯಾಗರ ಫಾಲ್ಸ್ ನಲ್ಲಿ ಕಳೆದ ಆ ಮಧುರ ಕ್ಷಣಗಳು, ಇಂದಿಗೂ ಸವಿನೆನಪು ಎಂದು ಕ್ಯಾಪ್ಶನ್ ನೀಡಿರುವ ಪುನೀತ್ ಫೋಟೋದೊಂದಿಗೆ ಟ್ವೀಟ್ ಮಾಡಿದ್ದಾರೆ.

ಪುನೀತ್ ಹಂಚಿಕೊಂಡಿರುವ ಚಿತ್ರ ವೈರಲ್ ಆಗಿದ್ದು, ಪುನೀತ್ ಬಾಲ್ಯ ಹಾಗೂ ರಾಜಕುಮಾರ್ ಅವರನ್ನು ಅಭಿಮಾನಿಗಳು ನೆನಪಿಸಿಕೊಳ್ಳುತ್ತಿದ್ದಾರೆ. ಚಿತ್ರದಲ್ಲಿ ರಾಜಕುಮಾರ್ ಕುಳಿತಿದ್ದು, ಪುನೀತ್ ಅವರತ್ತ ನೋಡುತ್ತಿದ್ದಾರೆ. ಪುನೀತ್ ಜೇಬಿನಲ್ಲಿ ಕೈ ಇಟ್ಟುಕೊಂಡು ನಿಸರ್ಗವನ್ನು ವೀಕ್ಷಿಸುತ್ತಿದ್ದಾರೆ. ತಂದೆ- ಮಗುವಿನ ಈ ಅಪರೂಪದ ಕ್ಷಣವನ್ನು ಪುನೀತ್ ಹಂಚಿಕೊಂಡಿದ್ದಕ್ಕೆ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ.