ರವಿಶಾಸ್ತ್ರಿಯೇ ಟೀಂ ಇಂಡಿಯಾ ಕೋಚ್​ ಆಗಲಿ : ವಿರಾಟ್ ಕೊಹ್ಲಿe

ಮುಂಬೈ : ಸಾಕಷ್ಟು ವಿವಾದ, ಗೊಂದಲಗಳಿಗೆ ಕಾರಣವಾಗಿದ್ದ ಟೀಮ್ ಇಂಡಿಯಾ ಕ್ರಿಕೆಟ್​ ಕೋಚ್​​ಗೆ ಕೊನೆಗೂ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ ಸ್ಪಷ್ಟನೆ ನೀಡಿದ್ದಾರೆ. ವೆಸ್ಟ್​ ಇಂಡೀಸ್​ ಪ್ರವಾಸಕ್ಕೂ ಮುನ್ನ ಮುಂಬೈನಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತ್ನಾಡಿದ ವಿರಾಟ್​ ಕೊಹ್ಲಿ, ಭಾರತ ತಂಡಕ್ಕೆ ರವಿಶಾಸ್ತ್ರಿಯೇ ಕೋಚ್ ಆಗಿ ಮುಂದುವರೆಯಲಿ ಎಂದು ಹೇಳಿದ್ದಾರೆ.

ಭಾರತ ತಂಡದ ಕೋಚ್​ ವಿಚಾರವಾಗಿ ಈವರೆಗೆ ಯಾರು ನನ್ನ ಅಭಿಪ್ರಾಯ ಕೇಳಿಲ್ಲ. ಕಪಿಲ್ ದೇವ್ ಅವರ ನೇತೃತ್ವದ ಸಲಹಾ ಸಮಿತಿ ಇನ್ನೂ, ಯಾವುದೇ ಅಭಿಪ್ರಾಯ ಕೇಳಿಲ್ಲ ಎಂದು ವಿರಾಟ್​ ಹೇಳಿದ್ರು. ರವಿಶಾಸ್ತ್ರಿಯವರೇ ಕೋಚ್​ ಆಗಿ ಮುಂದುವರಿದ್ರೆ, ತಂಡದಲ್ಲಿ ಒಳ್ಳೆಯ ವಾತಾವರಣ ಇರುತ್ತದೆ ಎಂದು ಕೊಹ್ಲಿ ಅಭಿಪ್ರಾಯ ಪಟ್ಟರು.

2019ರ ವಿಶ್ವಕಪ್ಪ ಗೆಲ್ಲುವಲ್ಲಿ ನಾವು ವಿಫಲರಾಗಿದ್ದೇವೆ. ನಮ್ಮ ಮುಂದಿನ ಗುರಿ 2020ರಲ್ಲಿ ನಡೆಯುವ ಟಿ-20 ವಿಶ್ವಕಪ್​ ಮತ್ತು ಭವಿಷ್ಯದಲ್ಲಿ ನಡೆಯುವ ಐಸಿಸಿ ಟೆಸ್ಟ್​ ಚಾಂಪಿಯನ್​ ಶಿಪ್​ ಗೆಲ್ಲುವುದು ಎಂದು ಕೊಹ್ಲಿ ಹೇಳಿದ್ರು. ವೆಸ್ಟ್​ ಇಂಡೀಸ್​ ಪ್ರವಾಸಕ್ಕೆ ಟೀಂ ಇಂಡಿಯಾದಲ್ಲಿ ಯುವ ಉತ್ಸಾಹಿ ತಂಡವಿದೆ. ಹೀಗಾಗಿ ವೆಸ್ಟ್ ಇಂಡೀಸ್​ ವಿರುದ್ಧದ ಪಂದ್ಯಗಳನ್ನ ಆಡಲು ಉತ್ಸಾಹದಿಂದ ಕಾಯ್ತಿದ್ದೇನೆ ಎಂದು  ಕೊಹ್ಲಿ ಹೇಳಿದರು.