ರಮ್ಯಾ ಮದುವೆ ಆಗ್ತಿರೋದು ಎಲ್ಲಿ ಗೊತ್ತಾ..? : ರಮ್ಯಾ ತಾಯಿ ರಂಜಿತಾ ಬಿಚ್ಚಿಟ್ಟ ಸತ್ಯವೇನು.?

ಮಂಡ್ಯ : ಸ್ಯಾಂಡಲ್​ವುಡ್​ ಕ್ವೀನ್​, ಮಾಜಿ ಸಂಸದೆ ರಮ್ಯಾ ಮದ್ವೆ ಆಗ್ತಾರಂತೆ. ಅದು ಲಂಡನ್​​ನಲ್ಲಿ, ಅಮೆರಿಕಾದಲ್ಲಿ, ದುಬೈನಲ್ಲಿ ಅನ್ನೋ ಸುದ್ದಿ ಕಳೆದ 10 ದಿನಗಳಿಂದ ಜೋರಾಗಿಯೇ ಹರಿದಾಡ್ತಿದೆ. ಆದ್ರೆ, ಈವರೆಗೆ ಈ ಬಗ್ಗೆ ರಮ್ಯಾ ಅಧಿಕೃತವಾಗಿ ಯಾವುದೇ ಹೇಳಿಕೆ ಅಥವಾ ಸ್ಪಷ್ಟನೆ ನೀಡಿಲ್ಲ. ಆದ್ರೆ ರಮ್ಯಾ ತಾಯಿ ರಂಜಿತಾ, ಮಗಳ ಮದ್ವೆಗೆ ಬಗ್ಗೆ ಮಾತ್ನಾಡಿದ್ದಾರೆ.

ರಮ್ಯಾ ತಾಯಿ ರಂಜಿತಾ ಹೇಳಿದ್ದೇನು..?

ಖಾಸಗಿ ಸುದ್ದಿ ವಾಹಿನಿ ಜೊತೆ ಮಾತ್ನಾಡಿರೋ ರಮ್ಯಾ ತಾಯಿ ರಂಜತಾ, ಮಾಧ್ಯಮಗಳಲ್ಲಿ ಬರುತ್ತಿರುವಂತೆ ರಮ್ಯಾ ಮದುವೆ ಲಂಡನ್​ನಲ್ಲಿ ಆಗ್ತಿಲ್ಲ. ಯಾರಿಗೂ ಹೇಳದೇ ಕದ್ದುಮುಚ್ಚಿ ರಮ್ಯಾ ಮದುವೆ ಆಗುವ ಅವಶ್ಯಕತೆ ಇಲ್ಲ. ನಿಮ್ಮೆಲ್ಲರಿಗೂ ಹೇಳಿಯೇ ಮದುವೆ ಆಗೋದಾಗಿ ಹೇಳಿದ್ದಾರೆ.

ರಫೇಲ್​ ಜೊತೆ ರಮ್ಯಾ ಮದುವೆನಾ..?

ರಫೇಲ್ ಮತ್ತು ರಮ್ಯಾ ಉತ್ತಮ ಸ್ನೇಹಿತರು. ರಫೇಲ್​ ಜೊತೆ ಮದುವೆಯಾಗಿ ಲಂಡನ್​​ಗೆ ಹೋಗಲು ರಮ್ಯಾಗೆ ಇಷ್ಟವಿಲ್ಲ. ಹಾಗಂತ, ರಮ್ಯಾರನ್ನ ಮದ್ವೆ ಮಾಡಿಕೊಂಡು, ಭಾರತಕ್ಕೆ ಬರಲು ರಫೇಲ್​ಗೆ ಇಷ್ಟವಿಲ್ವಂತೆ. ಹೀಗಾಗಿಯೇ, ಇಬ್ಬರ ಮಧ್ಯೆ ಮನಃಸ್ತಾಪ ಇರೋದನ್ನ ರಮ್ಯಾ ತಾಯಿ ರಂಜಿತಾ ಪರೋಕ್ಷವಾಗಿ ಒಪ್ಪಿಕೊಂಡಿದ್ದಾರೆ.

ದುಬೈನಲ್ಲಿ ನಡೆಯುತ್ತಾ ರಮ್ಯಾ ಮದ್ವೆ..?

ರಮ್ಯಾಗೆ ಲಂಡನ್​​ಗೆ ಹೋಗಲು ಇಷ್ಟವಿಲ್ಲ.. ರಫೇಲ್​ಗೆ ಭಾರತಕ್ಕೆ ಬರಲು ಇಷ್ಟವಿಲ್ಲ. ಹೀಗಾಗಿ ಇಬ್ಬರೂ ಒಪ್ಪುವಂತ ದುಬೈನಲ್ಲಿ ಮದ್ವೆ ನಡೆಸಲು ಸಂಬಂಧಿಕರು ಮುಂದಾಗಿದ್ದಾರೆ ಎನ್ನಲಾಗಿದೆ.

ದಿಲ್ಲಿಯಲ್ಲೇ ಇದ್ದಾರಂತೆ ರಮ್ಯಾ..!

ಹೌದು, ಮಾಧ್ಯಮಗಳಲ್ಲಿ ಬರುತ್ತಿರೋ ರೀತಿ ರಮ್ಯಾ ಎಲ್ಲೂ ದೇಶ ಬಿಟ್ಟು ಹೋಗಿಲ್ಲ. ದಿಲ್ಲಿಯಲ್ಲೇ ರೆಸ್ಟ್​ ಪಡೀತಿದ್ದಾರೆ ಎಂದು ತಾಯಿ ರಂಜಿತಾ ಸ್ಪಷ್ಟನೆ ನೀಡಿದ್ದಾರೆ.