ಯಡಿಯೂರಪ್ಪ ಕೇವಲ ಶಿವಮೊಗ್ಗ ಜಿಲ್ಲೆಗೆ ಮಾತ್ರ ಮುಖ್ಯಮಂತ್ರಿನಾ..? ಯಾಕೆ ಗೊತ್ತಾ..?

ಬೆಂಗಳೂರು : ಮಾಜಿ ಮುಖ್ಯಮಂತ್ರಿ ಹೆಚ್​.ಡಿ. ಕುಮಾರಸ್ವಾಮಿಯನ್ನ ಎಲ್ಲರೂ ಮಂಡ್ಯ, ಹಾಸನ, ರಾಮನಗರ ಮುಖ್ಯಮಂತ್ರಿ ಎಂದು ಟೀಕಿಸಿದ್ದು ಈಗ ಇತಿಹಾಸ. ಅದ್ಯಾಕೋ ಏನೋ, ಸಿಎಂ ಬಿ.ಎಸ್. ಯಡಿಯೂರಪ್ಪ ಅವರನ್ನೂ ಈಗ ಶಿವಮೊಗ್ಗಗೆ ಸೀಮಿತವಾದ ಸಿಎಂ ಅನ್ನೋ ರೀತಿ ಆಗ್ತಿದೆ. ಇದಕ್ಕೆ ಕಾರಣ, ಸ್ವತಃ ಬಿಎಸ್​ವೈ ಕೈಗೊಂಡಿರೋ ನಿರ್ಧಾರಗಳು.

ವಿಧಾನಸೌಧದಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಕೆಲವು ಮಹತ್ವದ ನಿರ್ಧಾರಗಳನ್ನ ಕೈಗೊಳ್ಳಲಾಗಿದೆ. ಇದರಲ್ಲಿ ಬಹುತೇಕ ನಿರ್ಣಯಗಳು ಶಿವಮೊಗ್ಗ ಜಿಲ್ಲೆಗೆ ಸಂಬಂಧಿಸಿದ ನಿರ್ಣಯಗಳು.

ಶಿವಮೊಗ್ಗ ಸಿಎಂ ಯಾಕೆ..?

1. ಶಿವಮೊಗ್ಗ-ಶಿಕಾರಿಪುರ-ರಾಣಿಬೆನ್ನೂರು ರೈಲು ಮಾರ್ಗವನ್ನ 956 ಕೋಟಿ ರೂ. ಅಂದಾಜು ವೆಚ್ಚದಲ್ಲಿ ಕೈಗೆತ್ತಿಕೊಳ್ಳಲು ಅನುಮೋದನೆ
2. ಶಿವಮೊಗ್ಗ ಕಿರು ವಿಮಾನ ನಿಲ್ದಾಣವನ್ನ ರಾಜ್ಯ ಸರ್ಕಾರದ ಕೆಎಸ್​​ಐಐಡಿಸಿ ಸಂಸ್ಥೆಯ ಮೂಲಕ 38 ಕೋಟಿ ವೆಚ್ಚದಲ್ಲಿ ಅಭಿವೃದ್ಧಿಗೆ ಒಪ್ಪಿಗೆ
3. ಶಿವಮೊಗ್ಗ ಜಿಲ್ಲೆಯ ಸೊರಬ ತಾಲೂಕಿನ 66 ಸಂಖ್ಯೆಯ ಸಣ್ಣ ನೀರಾವರಿ, ಕೆರೆಗಳನ್ನ ವರದಾ ನದಿಯಿಂದ ತುಂಬಿಸುವುದು. ಇದಕ್ಕೆ 285 ಕೋಟಿ ರೂ. ಅನುಮೋದನೆ.

ಸಂಪುಟ ನಿರ್ಧಾರ ಕೈಗೊಂಡಿದ್ದೇ ಐದು ನಿರ್ಧಾರಗಳು. ಇದರಲ್ಲಿ ಮೂರು ನಿರ್ಣಯಗಳೂ ಶಿವಮೊಗ್ಗ ಜಿಲ್ಲೆಗೆ ಸೇರಿರೋದು, ಯಡಿಯೂರಪ್ಪ ವಿರುದ್ಧ ಆಕ್ರೋಶಕ್ಕೆ ಕಾರಣವಾಗಿದೆ.

10 ಜಿಲ್ಲೆಗಳಿಗೆ ಬರೀ 100 ಕೋಟಿ.. ಶಿವಮೊಗ್ಗಗೆ 50 ಕೋಟಿ..!

ಯೆಸ್​, ರಾಜ್ಯದ 17 ಜಿಲ್ಲೆಗಳು ಪ್ರವಾಹಕ್ಕೆ ಸಿಲುಕಿವೆ. ಇದರಲ್ಲಿ ಮೊದಲು ಸುಮಾರು 10 ಜಿಲ್ಲೆಗಳಿಗೆ ಯಡಿಯೂರಪ್ಪ ತುರ್ತು 100 ಕೋಟಿ ಬಿಡುಗಡೆ ಮಾಡಿದ್ರು. ಆದ್ರೆ, ಒಂದು ದಿನ ಶಿವಮೊಗ್ಗ ಪ್ರವಾಸದ ವೇಳೆ ಜಿಲ್ಲೆಗೆ 50 ಕೋಟಿ ಬಿಡುಗಡೆ ಮಾಡಿದ್ರು. ಶಿವಮೊಗ್ಗಗೆ ಮಾತ್ರ ಹೆಚ್ಚು ಅನುದಾನ ನೀಡ್ತಿದ್ದು, ಬೇರೆ ಜಿಲ್ಲೆಗಳನ್ನ ಸಿಎಂ ಯಡಿಯೂರಪ್ಪ ನಿರ್ಲಕ್ಷ್ಯ ಮಾಡ್ತಿದ್ದಾರೆ ಅನ್ನೋ ಆರೋಪ ಕೇಳಿ ಬರ್ತಿದೆ.