ಮೂರು ದಶಕದಲ್ಲಿ 70 ಸಾವಿರ ಘಟನೆಗಳು : ವಿಶೇಷಾಧಿಕಾರ ರದ್ದಾದ ಮೇಲೆ ಒಂದೂ ಬುಲೆಟ್‌ ಫೈರ್‌ ಆಗಿಲ್ಲ : ಸುಪ್ರೀಂಗೆ ಸರ್ಕಾರ ಮಾಹಿತಿ

ನವದೆಹಲಿ: ಜಮ್ಮುಕಾಶ್ಮೀರದ ವಿಶೇಷ ಅಧಿಕಾರ ರದ್ಧಾದ ಮೇಲೆ ಇಲ್ಲಿಯವರೆಗೆ ಒಂದೇ ಒಂದು ಬುಲೆಟ್‌ ಫೈರ್‌ ಆಗಿಲ್ಲ ಎಂದು ಕೇಂದ್ರ ಸರ್ಕಾರ ಸುಪ್ರೀಂಕೋರ್ಟ್‌ಗೆ ದಾಖಲೆ ಸಲ್ಲಿಸಿದೆ.

ಕಾಶ್ಮೀರ ಟೈಂಸ್‌ ಕಾರ್ಯಕಾರಿ ಸಂಪಾದಕಿ ಅನುರಾಧ ಭಾಸಿನ್‌ ಸುಪ್ರೀಂಕೊರ್ಟ್‌ಗೆ ಅರ್ಜಿ ಸಲ್ಲಿಸಿ , ಕಾಶ್ಮೀರದಲ್ಲಿನ ಸಂಪರ್ಕ ಸಾಧನಗಳ ಮೇಲೆ ವಿಧಿಸಿರುವ ನಿರ್ಬಂಧ ಹಿಂಪಡೆಯಬೇಕು ಎಂದು ಕೇಳಿಕೊಂಡಿದ್ದರು. ಈ ಕುರಿತು ಇಂದು ವಿಚಾರಣೆಗೆ ಎತ್ತಿಕೊಂಡ ಜಸ್ಟೀಸ್‌ ರಂಜನ್‌ ಗೋಗಯ್‌, ಎಸ್‌ಎ ಬೊಬ್ಡೆ ಹಾಗೂ ನಝೀರ್‌ ಇದ್ದ ಪೀಠ ರಾಷ್ಟ್ರೀಯತೆಯನ್ನ ದೃಷ್ಟಿಯಲ್ಲಿಟ್ಟುಕೊಂಡು ಜಮ್ಮುಕಾಶ್ಮೀರದಲ್ಲಿ ಸಹಜ ವಾತಾವರಣ ಕಲ್ಪಿಸಬೇಕು ಎಂದು ಆದೇಶ ನೀಡಿದೆ.

ಸರ್ಕಾರದ ಪರ ಅಟಾರ್ನಿ ಜನರಲ್‌ ವಿಕೆ ವೇಣುಗೋಪಾಲ್‌ ಹಾಜರಾಗಿ, ೧೯೯೦ರಿಂದ ಈಚೆಗೆ ೭೧ ಸಾವಿರ ಉಗ್ರಗಾಮಿಗಳ ಕೃತ್ಯಗಳು ನಡೆದಿವೆ ಆದರೆ ವಿಶೇಷಾಧಿಕಾರ ರದ್ಧಾದ ದಿನದಿಂದ ಒಂದೇ ಒಂದು ಬುಲೆಟ್‌ ಫೈರ್‌ ಆಗಿಲ್ಲ, ಅಂತಹ ಸಂದರ್ಭ ಬಂದಿಲ್ಲ ಎಂದು ನ್ಯಾಯಾಲಯದ ಗಮನಕ್ಕೆ ತಂದಿದ್ದಾರೆ.