ಮುಖದ ಮೇಲೆ ಮಚ್ಚೆ ಇದೆಯೇ..? ಹಾಗಿದ್ರೆ ಈ ಸ್ಟೋರಿ ನೋಡಿ..!

ರೈಸಿಂಗ್ ಕನ್ನಡ ಹೆಲ್ತ್​ : ಕೆಲವರಿಗೆ ತಾರುಣ್ಯದಲ್ಲೇ ಮುಖದ ಮೇಲೆ ಕಪ್ಪು ಮಚ್ಚೆಗಳು ಆಗುತ್ತವೆ. ಇದಕ್ಕೆ ಕಾರಣಗಳು ಹಲವು. ಸೂರ್ಯ ರಶ್ಮಿಯಲ್ಲಿನ ಕಡುನೀಲಿ ಬೆಳಕಿನ ಕಿರಣಗಳು ತಾಕಿದಾಗ ಅಥವಾ ಇತರೇ ಕಾರಣಗಳಿಂದಲೂ ಆಗಬಹುದು. ಚರ್ಮದಲ್ಲಿನ ಕಣಗಳು  ವಾತಾವರಣ ಪರಿಸ್ಥಿತಿಯಿಂದ ಅತಿ ಹೆಚ್ಚು ವರ್ಣ ದ್ರವ್ಯವನ್ನು ಉತ್ಪಾದಿಸುತ್ತದೆ. ಇದರಿಂದ ಆ ಭಾಗದಲ್ಲಿ ಚರ್ಮದ ಬಣ್ಣ ಬದಲಾಗಿ ಮಚ್ಚೆಗಳಾಗುತ್ತವೆ. ಅದ್ದರಿಂದ ನೀವು ಸಾಧ್ಯವಾದಷ್ಟು ಮುಖದ ಮೇಲೆ ಬಿಸಿಲು ಬೀಳದಂತೆ ರಕ್ಷಣೆ ಪಡೆಯಬೇಕು. ಇದಕ್ಕಾಗಿ ಹ್ಯಾಟ್  ಧರಿಸುವುದು ಒಳ್ಳೆಯದು.

ಬಿಸಿಲಿನಲ್ಲಿ ಹೊರಗೆ ಹೋಗಬೇಕಾದರೇ ಅರ್ಧಗಂಟೆ ಮುಂಚೆ ಸನ್ ಸ್ಕ್ರೀನ್ ಲೋಷನ್ ಲೇಪಿಸಿಕೊಳ್ಳಬೇಕು. ಇದನ್ನು ಪ್ರತಿ 3 ಗಂಟೆಗೊಮ್ಮೆ ಲೇಪಿಸಿಕೊಳ್ಳಿ. ತಾತ್ಕಾಲಿಕವಾಗಿ ಅಜಿಲಿಕ್ ಆ್ಯಸಿಡ್ ಶೇಕಡಾ 10, ಕೋಜಿಕ್ ಆ್ಯಸಿಡ್ ಶೇಕಡಾ 2ರಷ್ಟು ಮುಲಾಮು ಬಳಸಿ. ರಾತ್ರಿ ಮಲಗುವಾಗ ಮುಖಕ್ಕೆ ಹಚ್ಚಿದರೆ ಒಳ್ಳೆಯದು. ವಿಟಮಿನ್ ಸಿ ಯುಕ್ತ ಪಪ್ಪಾಯ, ಕಿತ್ತಳೆ ಹಣ್ಣು ಸೇವಿಸಬೇಕು. ನಿಂಬೆಹಣ್ಣು, ನೆಲ್ಲಿಕಾಯಿಗಳಲ್ಲೂ ವಿಟಮಿನ್ ಸಿ ಇರುತ್ತದೆ.

ಮಹಿಳೆಯರಲ್ಲಿ ಮುಟ್ಟಿನ ಸಮಸ್ಯೆಗಳು, ಗರ್ಭ ನಿರೋಧಕ ಮಾತ್ರೆಗಳ ಬಳಕೆಯಿಂದ ಕೆಲವರಲ್ಲಿ ಹಾರ್ಮೋನ್ ಮಟ್ಟ ಬದಲಾಗುತ್ತಿರುತ್ತದೆ. ಇದು ಕೂಡ ಮಚ್ಚೆಗೆ ಕಾರಣವಾಗಬಹುದು. ಹಾಗಿದ್ದಾಗ ಒಮ್ಮೆ ಸ್ರೀರೋಗ ತಜ್ಞರನ್ನು ಸಂಪರ್ಕಿಸುವುದು ಒಳ್ಳೆಯದು.