ಮುಂದೆ ಕನ್ನಡ ಸಿನಿಮಾ ಮಾಡ್ತೀನಿ, ರಾಜಕುಮಾರ ಸಿನಿಮಾ ಇಷ್ಟಆಯ್ತು

ಬೆಂಗಳೂರು: ಈಗ ಎಲ್ಲೆಡೆ ಸಾಹೋ ಸಿನಿಮಾದ್ದೇ ಮಾತು, ಬರೊಬ್ಬರಿ ಎರಡು ವರ್ಷಗಳ ಕಾಲ ಸಿನಿಮಾದಲ್ಲಿ ತೊಡಗಿದ್ದ ತೆಲುಗು ಚಿತ್ರನಟ ಪ್ರಭಾಸ್ ಈಗ ಎಲ್ಲಾ ಮಹಾನಗರಗಳಲ್ಲಿ ಪತ್ರಿಕಾಗೋಷ್ಠಿ ನಡೆಸುತ್ತಿದ್ದಾರೆ.

ಬೆಂಗಳೂರಿಗೆ ಪ್ರಮೊಷನ್ ಗೆ ಬಂದಿದ್ದ ಪ್ರಭಾಸ್ ಪತ್ರಕರ್ತರ ಜೊತೆ ಸಂಭಾಷಣೆ ನಡೆಸಿದರು.

‘‌ ನನಗೆ ಲವ್ ಸ್ಟೋರಿ ಮಾಡ್ಬೇಕು ಅಂತ ಆಸೆಯಿತ್ತು, ಆದ್ರೆ ಸಾಹೋ ಆ್ಯಕ್ಷನ್ ಸಿನಿಮಾ’ ಮುಂದೆ ಕನ್ನಡದಲ್ಲಿಯೂ ಸಿನಿಮಾ ಮಾಡ್ತೀನಿ ಅಂತ ಹೇಳಿದರು.

ಕನ್ನಡದಲ್ಲಿ ಸಾಕಷ್ಟು ಚಿತ್ರನಟರ ಸ್ನೇಹವನ್ನಿಟ್ಟುಕೊಂಡಿರುವ ಪ್ರಭಾಸ್ ಗೆ ರಾಜಕುಮಾರ ಸಿನಿಮಾ ಇಷ್ಟ ಆಗಿದೆಯಂತೆ. ಇತ್ತೀಚೆಗೆ KGF ಸಿನಿಮಾ ನೋಡಿದ್ದಾರಂತೆ. ಬೆಂಗಳೂರು ನೆನಪು ಮಾಡಿಕೊಂಡ ಪ್ರಭಾಸ್ ಬೆಂಗಳೂರಿಗೆ ಮೊದಲು ಬಂದಿದ್ದು 16-17 ವರ್ಷವನಿದ್ದಾಗ K-SET ಎಕ್ಸಾಂ ಬರೆಯಲು, ಆಗ ಬ್ರಿಗೇಡ್ ರಸ್ತೆ ನೋಡಿ ಆಶ್ಚರ್ಯವಾಗಿತ್ತಂತೆ. ಬೆಂಗಳೂರಿನ ಸೌಂದರ್ಯ ಹೊಗಳಿದ ಪ್ರಭಾಸ್ ಉತ್ತರ ಕರ್ನಾಟಕದ ನೆರೆ ಸಂತ್ರಸ್ತರಿಗೆ ಸಹಾಯ ಮಾಡಲು ಯೋಚಿಸಿದ್ದೇನೆ ಎಂದರು.

ಸಿನಿಮಾ ಬಗ್ಗೆ ಮಾತನಾಡಿ, ಬಾಹುಬಲಿ ಸಿನಿಮಾ ನನಗೆ ಆಲ್ ಟೈಂ ಫೇವರಿಟ್, ನನಗೆ ಲವ್ ಸ್ಟೋರಿಗಳನ್ನೇ ಮಾಡಲು ಇಷ್ಟ ಆದರೆ ಈ ಸಿನಿಮಾ ಬಂತು ಎಂದರು.

ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿರುವ ಚಿತ್ರ ಇದೇ ತಿಂಗಳ 30ರಂದು ಬಿಡುಗಡೆಯಾಗಲಿದೆ.