ರೈಸಿಂಗ್ ಕನ್ನಡ :- 2000 ರೂಪಾಯಿ ಎಟಿಎಂ ಗಳಲ್ಲಿ ವಿತರಿಸುವುದು ಮಾರ್ಚ್ 1ರಿಂದ ಸ್ಥಗಿತಗೊಳಿಸುವುದಾಗಿ ಇಂಡಿಯನ್ ಬ್ಯಾಂಕ್ ತಿಳಿಸಿದೆ.
ಎಟಿಎಂಗಳಲ್ಲಿ 2000 ನೋಟುಗಳನ್ನು ಪಡೆಯುವ ಗ್ರಾಹಕರು ಚಿಲ್ಲರೆ ಪೆಡಯಲು ಬ್ಯಾಂಕ್ ಗೆ ಬರುತ್ತಾರೆ. ಇದನ್ನು ತಡೆಯುವುದಕ್ಕಾಗಿ ಎಟಿಎಂ ಗಳಲ್ಲಿ ಮಾರ್ಚ್ 1 ರಿಂದ 2000 ರೂಪಾಯಿ ನೋಟಿನ ಬದಲು 200 ರೂಪಾಯಿ ನೋಟುಗಳನ್ನು ಹೆಚ್ಚು ವಿತರಣೆ ಮಾಡಲಾಗುತ್ತದೆ ಎಂದು ಇಂಡಿಯನ್ ಬ್ಯಾಂಕ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ಇಂಡಿಯನ್ ಬ್ಯಾಂಕ್ ಜೊತೆ ಅಲ್ಲಾಹಾಬಾದ್ ಬ್ಯಾಂಕ್ ಸಹ ವಿಲೀನಗೊಳ್ಳಲಿದ್ದು , ಆ ಬ್ಯಾಂಕ್ ನ ಎಟಿಎಂ ನಲ್ಲಿಯೂ ಸಹ 2000 ರೂ ನೋಟುಗಳನ್ನು ವಿತರಣೆ ಮಾಡುವುದು ಸ್ಥಗಿತಗೊಳಿಸಲಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ.
ಇಂಡಿಯನ್ ಬ್ಯಾಂಕ್ ನ ನಡೆಯನ್ನು ಬೇರೆ ಬೇರೆ ಯಾವ ಸರ್ಕಾರಿ ಸ್ವಾಮ್ಯ ಅಥವಾ ಖಾಸಗಿ ಬ್ಯಾಂಕ್ ಗಳು ಪಾಲಿಸುವುದಿಲ್ಲ. ಇದೇ ವೇಳೆ ಫೈನಾನ್ಷಿಯಲ್ ಸಾಫ್ಟ್ ವೇರ್ ಹಾಗೂ ಸಿಸ್ಟಮ್ ನ ವಿ ಬಾಲಸುಬ್ರಹ್ಮಣಿಯನ್ ಮಾತನಾಡಿದ್ದು , ನಮ್ಮ ಗ್ರಾಹಕರಾಗಿರುವ ಖಾಸಗಿ ಬ್ಯಾಂಕ್ ಗಳಿಂದ ಎಟಿಎಂ ನಲ್ಲಿ 2000 ರೂಪಾಯಿ ನೋಟುಗಳು ವಿತರಣೆಯನ್ನು ಸ್ಥಗಿತಗೊಳಿಸಲು ನಮಗೆ ಆದೇಶ ಬಂದಿಲ್ಲ ಎಂದು ಹೇಳಿದ್ದಾರೆ. ಎಫ್ಎಸ್ಎಸ್ ದೇಶಾದ್ಯಂತ ವಿವಿಧ ಬ್ಯಾಂಕ್ ಗಳ ಎಟಿಎಂ ಗಳಲ್ಲಿ ನಿರ್ವಹಿಸುವ ಸಂಸ್ಥೆಯಾಗಿದೆ.
