ಮಾಜಿ ಹಣಕಾಸು ಸಚಿವ ಚಿದಂಬರಂ ನಾಪತ್ತೆ : ಚಿದುಗೆ ಬಂಧನ ಭೀತಿ..!

ನವದೆಹಲಿ : ಐಎನ್​​ಎಕ್ಸ್​ ಮೀಡಿಯಾ ಹಗರಣದ ಪ್ರಕರಣದಲ್ಲಿ ಜಾಮೀನು ಅರ್ಜಿ ವಜಾ ಆಗುತ್ತಿದ್ದಂತೆ ಮಾಜಿ ಹಣಕಾಸು ಸಚಿವ, ಕಾಂಗ್ರೆಸ್ ಮುಖಂಡ ಪಿ.ಚಿದಂಬರಂ ಕಾಣೆಯಾಗಿದ್ದಾರೆ. ಜಾಮೀನು ಅರ್ಜಿ ವಜಾ ಆಗ್ತಿದ್ದಂತೆ ಇಡಿ ಹಾಗೂ ಸಿಬಿಐ ಅಧಿಕಾರಿಗಳು ಚಿದಂಬರಂ ಮನೆ ಹೋಗಿದ್ದರು, ಆದ್ರೆ, ಚಿದು ಮನೆಯಲ್ಲಿ ಇರಲಿಲ್ಲ ಎಂಬ ಮಾಹಿತಿ ಸಿಕ್ಕಿದೆ.

ಮಂಗಳವಾರ ಸಂಜೆ 6.30ಕ್ಕೆ ಸಿಬಿಐ ಅಧಿಕಾರಿಗಳು ಚಿದಂಬರಂ ಮನೆಗೆ ಬಂದು ಪರಿಶೀಲನೆ ನಡೆಸಿದ್ರು. ಈ ವೇಳೆ ಚಿದು ಮನೆಯಲ್ಲಿ ಇರಲಿಲ್ಲ. ಬಳಿಕ ಸುಮಾರು 7.30ರ ಸಮಯಕ್ಕೆ ಇಡಿ ಅಧಿಕಾರಿಗಳು ಕೂಡ ಬಂದ್ರು.

ಏನಿದು ಐಎನ್​​ಎಕ್ಸ್​ ಮೀಡಿಯಾ ಹಗರಣ..?

ಐಎನ್​​ಎಕ್ಸ್​ ಮೀಡಿಯಾ ಭ್ರಷ್ಟಾಚಾರ ಹಾಗೂ ವಿದೇಶಿ ವಿನಿಮಯ ಕಾಯ್ದೆ ಉಲ್ಲಂಘನೆ ಆರೋಪ ಚಿದಂಬರಂ ಮೇಲಿದೆ. ಈ ಹಿನ್ನೆಲೆಯಲ್ಲಿ ಸಿಬಿಐ ಎಫ್​​ಐಆರ್ ದಾಖಲು ಮಾಡಿಕೊಂಡಿತ್ತು. ಇದನ್ನ ವಜಾ ಮಾಡುವಂತೆ ಚಿದಂಬರಂ ಕೋರ್ಟ್​ ಮೆಟ್ಟಿಲೇರಿದ್ದರು. ಆದರೀಗ ಕೋರ್ಟ್​ ವಜಾ ಮಾಡಲು ನಿರಾಕರಿಸಿದೆ.

ಇತ್ತ ದೆಹಲಿ ಹೈಕೋರ್ಟ್​ ಚಿದಂಬರಂ ಜಾಮೀನು ಅರ್ಜಿ ವಜಾ ಮಾಡ್ತಿದ್ದಂತೆ, ಬಂಧನ ಭೀತಿ ಎದುರಾಗಿದೆ. ಬಂಧನ ಭೀತಿಯಿಂದ ಪಾರಾಗಲು ಚಿದಂಬರಂ, ಸುಪ್ರೀಂಕೋರ್ಟ್​ ಮೆಟ್ಟಿಲೇರಿದ್ದಾರೆ..