ಮಹದಾಯಿ ವಿವಾದ ಇತ್ಯರ್ಥ ಆಗುತ್ತಾ..? ಗೋವಾ ಸಿಎಂ ಜೊತೆ ಯಡಿಯೂರಪ್ಪ ಚರ್ಚೆಗೆ ಮುಹೂರ್ತ ಫಿಕ್ಸ್​..!

ರೈಸಿಂಗ್ ಕನ್ನಡ : ಕಳೆದ ಹಲವು ವರ್ಷಗಳಿಂದ ಉತ್ತರ ಕರ್ನಾಟಕ ರೈತರು ಮಹದಾಯಿ ಹೋರಾಟ ನಡೆಸ್ತಿದ್ರೂ, ಇದುವರೆಗೆ ಪರಿಹಾರ ಮಾತ್ರ ಸಿಕ್ಕಿಲ್ಲ. ಹಲವು ಸರ್ಕಾರಗಳು ಬದಲಾದ್ರೂ, ರಾಜಕೀಯವೇ ನಡೀತಿದೆ ಹೊರತು ಸೂಕ್ತ ನಿರ್ಧಾರಗಳು ಹೊರ ಬಿದ್ದಿಲ್ಲ. ಇದೀಗ ಮಹದಾಯಿ ಸಮಸ್ಯೆ ಇತ್ಯರ್ಥಕ್ಕೆ ಮತ್ತೊಮ್ಮೆ ಪ್ರಯತ್ನ ನಡೀತಿದೆ.

ಮಹದಾಯ ವಿಚಾರವಾಗಿ ಸಿಎಂ ಯಡಿಯೂರಪ್ಪ ಇದೇ ತಿಂಗಳು 16 ಅಥವಾ 17ರಂದು ಗೋವಾಗೆ ಹೋಗ್ತಿದ್ದಾರೆ. ಮಹದಾಯಿ ಕುರಿತು ಚರ್ಚೆ ನಡೆಸಲು ಗೋವಾ ಸಿಎಂ ಪ್ರಮೋದ್​ ಸಾವಂತ್​ ಅವರ ಸಮಯ ಕೇಳಿದ್ದು, ಇನ್ನೂ ನಿಗದಿ ಆಗಬೇಕಿದೆ. ಒಂದ್ವೇಳೆ ಸಮಯ ನಿಗದಿಯಾದ್ರೆ, ಬಹುಶಃ ಮಹದಾಯಿ ಯೋಜನೆ ಕುರಿತು ಸಮಗ್ರವಾಗಿ ಚರ್ಚೆ ನಡೆಸಿ ಒಂದು ತೀರ್ಮಾನಕ್ಕೆ ಬರುವ ಸಾಧ್ಯತೆ ಇದೆ.

ವಿಶೇಷ ಅಂದ್ರೆ, ಈ ಬಾರಿ ಕರ್ನಾಟಕ, ಗೋವಾ ಹಾಗೂ ಮಹಾರಾಷ್ಟ್ರ ಮೂರು ರಾಜ್ಯಗಳಲ್ಲಿ ಬಿಜೆಪಿ ಸರ್ಕಾರವೇ ಇದೆ. ಕೇಂದ್ರದಲ್ಲೂ ಬಿಜೆಪಿ ಸರ್ಕಾರವೇ ಇದೆ. ಹೀಗಾಗಿ ಮಹದಾಯಿ ಪ್ರಕರಣ ಇತ್ಯರ್ಥ ಆಗುವ ಸಾಧ್ಯತೆ ಇದೆ.