ಮುಂಬೈ : ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಸದ್ಯ ಫುಲ್ ಬ್ಯುಸಿ. ವಿಶ್ವಕಪ್ ಕ್ರಿಕೆಟ್ ಟೂರ್ನಿ ಮುಗಿದ್ಮೇಲೆ, ಈಗ ವೆಸ್ಟ್ ಇಂಡೀಸ್ ಪ್ರವಾಸಕ್ಕೆ ತೆರಳಿದ್ದಾರೆ. ಈ ಮಧ್ಯೆ, ವಿರಾಟ್ಗೆ ಸಾಥ್ ನೀಡೋಕೆ ಪತ್ನಿ ಹಾಗೂ ಬಾಲಿವುಡ್ ಬೆಡಗಿ ಅನುಷ್ಕಾ ಶರ್ಮಾ ಕೂಡ ವೆಸ್ಟ್ ಇಂಡೀಸ್ ಪ್ರವಾಸಕ್ಕೆ ಹೊರಟಿದ್ದಾರೆ. ಈ ಮಧ್ಯೆ, ಮದ್ವೆ ಏನೋ ಆಗೋಯ್ತು, ಮಕ್ಕಳು ಯಾವಾಗ ಅನ್ನೋ ಅಭಿಮಾನಿಗಳ, ನೆಟ್ಟಿಗರ ಪ್ರಶ್ನೆಗೆ ಅನುಷ್ಕಾ ಕೊಂಚ ಖಾರವಾಗಿಯೇ ಉತ್ತರ ಕೊಟ್ಟಿದ್ದಾರೆ.
ಡೇಟಿಂಗ್ ಅಥವಾ ಲವ್ ಮಾಡ್ತಿರುವಾಗ ಮದುವೆ ಯಾವಾಗ ಅಂತಾರೆ. ಮದುವೆ ಆದ್ಮೇಲೆ ಮಕ್ಕಳು ಯಾವಾಗ ಅಂತಾರೆ. ಇದೆಲ್ಲಾ ಲೈಫ್ನಲ್ಲಿ ಕಾಮನ್. ಇದಕ್ಕೆಲ್ಲಾ ತುಂಬಾ ತಲೆಕೆಡಿಸಿಕೊಳ್ಳಬಾರದು ಅಂತ ಅನುಷ್ಕಾ ಉತ್ತರ ಕೊಟ್ಟಿದ್ದಾರೆ. ಅಲ್ಲದೆ, ಇನ್ನೂ ಮೂರು ತಿಂಗಳು ಯಾವುದೇ ಸಿನಿಮಾದಲ್ಲಿ ನಟಿಸೋದಿಲ್ಲ, ಕೊಂಚ ಬ್ರೇಕ್ ತಗೊಂಡಿದ್ದೇನೆ ಎಂದು ಅನುಷ್ಕಾ ಹೇಳಿದ್ದಾರೆ.
ಸಿನಿಮಾಗೆ ಅನುಷ್ಕಾ ಬ್ರೇಕ್ ಯಾಕೆ..?
ಸಹಜವಾಗಿಯೇ ಅನುಷ್ಕಾ ಮೂರು ತಿಂಗಳು ಸಿನಿಮಾ ಮಾಡಲ್ಲ ಎಂದಾಕ್ಷಣ ಬಹುಶಃ ಅನುಷ್ಕಾ ತಾಯಿ ಆಗ್ತಿದ್ದಾರಾ ಅನ್ನೋ ಪ್ರಶ್ನೆ ಕಾಡಿತ್ತು. ಇದಕ್ಕೂ ಸ್ಪಷ್ಟನೆ ನೀಡಿರೋ ಅನುಷ್ಕಾ, ಕಳೆದ ವರ್ಷ ಸಿನಿಮಾಗಳಲ್ಲಿ ತುಂಬಾ ಬ್ಯುಸಿ ಇದೆ. ಹೀಗಾಗಿ, ಪತಿ ವಿರಾಟ್ ಕೊಹ್ಲಿ ಜೊತೆ ಸಮಯ ಕಳೆಯೋದಕ್ಕೆ ಆಗಲೇ ಇಲ್ಲ. ಒಬ್ಬ ಕಲಾವಿದೆಯಾಗಿ ವೃತ್ತಿ ಜೊತೆಗೆ ಸಂಸಾರವೂ ಬಹಳ ಮುಖ್ಯ. ನನಗೆ ಸಿನಿಮಾಗಿಂತಲೂ ಸಂಸಾರವೇ ಮುಖ್ಯ. ಹೀಗಾಗಿ, ಕೆಲ ತಿಂಗಳ ಕಾಲ ಸಿನಿಮಾದಿಂದ ದೂರ ಇರುತ್ತೇನೆ. ಕೊಹ್ಲಿ ಜೊತೆ ಸಮಯ ಕಳೆಯಲು ಇದು ಸಕಾಲ ಎಂದಿದ್ದಾರೆ.
ಒಟ್ನಲ್ಲಿ, ಮಕ್ಕಳು ಯಾವಾಗ ಎನ್ನುತ್ತಿದ್ದ ನೆಟ್ಟಿಗರಿಗೆ, ಅಭಿಮಾನಿಗಳಿಗೆ ಅನುಷ್ಕಾ ಸರಿಯಾಗಿಯೇ ಉತ್ತರ ಕೊಟ್ಟಿದ್ದಾರೆ.
