ಮಂಗಳವಾರ ಬೆಳಗ್ಗೆ 10.30ಕ್ಕೆ ಯಡಿಯೂರಪ್ಪ ಸೇನೆ ರೆಡಿ : ಯಾರು ಔಟ್​.? ಯಾರು ಇನ್​.?

ಬೆಂಗಳೂರು : ಇನ್ನೇನು ಕೆಲವೇ ಗಂಟೆಗಳಲ್ಲಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಸೇನೆ ರೆಡಿಯಾಗಲಿದೆ. ಸಂಪುಟ ವಿಸ್ತರಣೆಗೆ ಕೌಂಟ್​ಡೌನ್​ ಶುರುವಾಗ್ತಿದ್ದಂತೆ ಯಾರೆಲ್ಲಾ ಬಿಎಸ್​ವೈ ಸೇನೆಯಲ್ಲಿ ಇರ್ತಾರೆ ಅನ್ನೋ ಕುತೂಹಲ ಮೂಡಿಸಿದೆ. ಮಂಗಳವಾರ ಬೆಳಗ್ಗೆ 10.30ಕ್ಕೆ ರಾಜಭವನದಲ್ಲಿ ನೂತನ ಸಚಿವರು ಪ್ರಮಾಣ ವಚನ ನಡೆಯಲಿದೆ.

ಆದ್ರೆ, ಯಾರೆಲ್ಲಾ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ ಅನ್ನೋದು ಇನ್ನೂ ಅಧಿಕೃತವಾಗಿಲ್ಲ. ಈವರೆಗೆ ಅಧಿಕೃತ ಪಟ್ಟಿ ಬಿಡುಗಡೆಯಾಗಿಲ್ಲ. ಆದ್ರೆ, ರೈಸಿಂಗ್ ಕನ್ನಡಗೆ ಸಿಕ್ಕ ಮಾಹಿತಿ ಪ್ರಕಾರ, ಕೆಲವು ಅಚ್ಚರಿ ಹೆಸರುಗಳು ಸಂಪುಟದಲ್ಲಿ ಸೇರ್ಪಡೆಯಾಗಲಿವೆ ಎನ್ನಲಾಗಿದೆ. ಹಿರಿಯ ರಾಜಕಾರಣಿಗಳನ್ನ ಸಲಹೆಗೆ ಹಾಗೂ ಪಕ್ಷ ಸಂಘಟನೆಗೆ ಉಪಯೋಗಿಸಿಕೊಂಡು, ಯುವ ಹಾಗೂ ಉತ್ಸಾಹಿಗಳಿಗೆ ಸಂಪುಟದಲ್ಲಿ ಅವಕಾಶ ನೀಡುವ ಸಾಧ್ಯತೆ ಇದೆ.

ಯಾರಿಗೆಲ್ಲಾ ಕೊಕ್​..!

ನಮಗೆ ಸಿಕ್ಕ ಮಾಹಿತಿ ಪ್ರಕಾರ ಮಾಜಿ ಸಿಎಂ ಜಗದೀಶ್​ ಶೆಟ್ಟರ್​, ರೇಣುಕಾಚಾರ್ಯ ಸೇರಿದಂತೆ ಕೆಲವು ಹಿರಿಯ ನಾಯಕರಿಗೆ ಸಂಪುಟದಿಂದ ಕೊಕ್​ ನೀಡೋ ಸಾಧ್ಯತೆ ಇದೆ. ಈ ಬಾರಿ ಮೊದಲ ಹಂತವಾಗಿ 13 ರಿಂದ 16 ಮಂದಿಗೆ ಮಾತ್ರ ಅವಕಾಶ ನೀಡಲಾಗ್ತಿದೆ. ಹೀಗಾಗಿ, ಬಹುತೇಕರಿಗೆ ಸಂಪುಟದಲ್ಲಿ ಅವಕಾಶ ನೀಡೋದು ಡೌಟು ಅನ್ನೋ ಮಾತು ಕೇಳಿಬರ್ತಿದೆ.

ಯಡಿಯೂರಪ್ಪ ಪಟ್ಟಿ ಮತ್ತು ಸಂತೋಷ್ ಪಟ್ಟಿ..!

ಇತ್ತೀಚೆಗೆ ದೆಹಲಿಯಲ್ಲಿ ಅಮಿತ್​ ಶಾ ಹಾಗೂ ಮೋದಿಯನ್ನು ಭೇಟಿಯಾಗಿ ಬಂದ ಯಡಿಯೂರಪ್ಪ, ತಮ್ಮ ಪಟ್ಟಿಯನ್ನ ನೀಡಿ ಬಂದಿದ್ದಾರೆ. ಇದೇ ವೇಳೆ, ದೆಹಲಿಯಲ್ಲೇ ಇರೋ ಸಂತೋಷ್​ ಕೂಡ, ಅಮಿತ್​ ಶಾಗೆ ಪಟ್ಟಿ ನೀಡಿದ್ದಾರೆ. ಹೀಗಾಗಿ, ಇಬ್ಬರ ಪಟ್ಟಿಯನ್ನು ಪರಿಶೀಲಿಸಿ, ಪಟ್ಟಿಯಲ್ಲಿರೋ ಅಭ್ಯರ್ಥಿಗಳ, ಶಾಸಕರ ಬಯೋಡಟಾ ನೋಡಿಕೊಂಡು ಅಮಿತ್​ ಶಾ ಸಂಪುಟ ಪಟ್ಟಿಯನ್ನ ಫೈನಲ್ ಮಾಡಲಿದ್ದಾರೆ.

ಯೋಗೇಶ್ವರ್​​ಗೆ ಸಂಪುಟ ಸ್ಥಾನ.!

ಮಾಜಿ ಸಚಿವ ಯೋಗೇಶ್ವರ್​ಗೆ ಸಚಿವ ಸ್ಥಾನ ಬಹುತೇಕ ಕನ್ಫರ್ಮ್​ ಆಗಿದೆ. ಕಾಂಗ್ರೆಸ್ ಹಾಗೂ ಜೆಡಿಎಸ್​ ನಾಯಕರನ್ನ ಆಪರೇಷನ್ ಮಾಡಲು ಸಕ್ಸಸ್​ ಆದವರು ಯೋಗೇಶ್ವರ್. ಹೀಗಾಗಿ, ಯೋಗೇಶ್ವರ್​ಗೆ ಸಚಿವ ಸ್ಥಾನ ಬಹುತೇಕ ಪಕ್ಕಾ ಆಗಿದೆ.