ಬ್ರಿಟನ್​ ಕೊರೋನಾಗೆ ಕರ್ನಾಟಕವೇ ಹಾಟ್​​ ಸ್ಪಾಟ್​ ಆಗುತ್ತಾ.? : ರೂಪಾಂತರಿ ಅಟ್ಟಹಾಸ..!

ರೈಸಿಂಗ್ ಕನ್ನಡ:- ಚೀನಾ ವೈಸರ್​ ಕೊರೋನಾ ಎಂಟ್ರಿ ಕೊಟ್ಟಾಗ, ಒಂದು ಪ್ರಕರಣ, ಎರಡು ಪ್ರಕರಣ ಅಂತ ನಾವ್ ಸುದ್ದಿ ನೋಡಿದ್ವಿ. ಆಮೇಲೆ ನೂರು, ಸಾವಿರ, ಲಕ್ಷ ಆಯ್ತು.. ಕ್ರಮೇಣ ಎಲ್ಲರೂ ಚೀನಾ ಕೊರೋನಾ ವೈರಸ್​ಗೆ ಒಂದ್ ರೀತಿ ಅಡ್ಜಸ್ಟ್​ ಆಗಿದ್ದೇವೆ. ಇದೀಗ ಬ್ರಿಟನ್​ ವೈರಸ್​ ಸರದಿ..

ಯೆಸ್​, ಬ್ರಿಟನ್​ ವೈರಸ್​ ಕೂಡ ದಿನಕ್ಕೆ ಒಂದು, ಎರಡು, ಮೂರು ಪ್ರಕರಣಗಳು ಪತ್ತೆ ಆಗ್ತಿವೆ. ಆದ್ರೆ, ಯಾರೂ ಕೂಡ ಮೊದಲಿನಷ್ಟು ಹೆದರ್ಕೊಂಡು ಇಲ್ಲ. ಒಂದೇ ಅಲ್ವಾ..? ಎರಡೇ ಅಲ್ವಾ..? ಅಥವಾ ಮೂರೋ, ನಾಲ್ಕೋ ಅನ್ಕೊಂಡು ಯಾರೂ ಅಷ್ಟಾಗಿ ತಲೆಕೆಡಿಸಿಕೊಳ್ತಿಲ್ಲ. ಅದ್ರಲ್ಲೂ ವಿಚಿತ್ರ ಅಂದ್ರೆ, ಕರ್ನಾಟಕವೇ, ಬ್ರಿಟನ್​ ವೈರಸ್​​ನ ಹಾಟ್​ ಸ್ಟಾಟ್​ ಆಗ್ತಿರೋದು ಸಾಕಷ್ಟು ಆತಂಕಕ್ಕೆ ಕಾರಣವಾಗಿದೆ.

ಕೊರೋನಾ ವೈರಸ್​ಗೆ ಇನ್ನೂ ಲಸಿಕೆ ಸಿಕ್ಕಿಲ್ಲ. ಇದ್ರ ಬೆನ್ನಲೇ, ಕೊರೋನಾ ರೂಪಾಂತರಿ ವೈರಸ್​ ಅಟ್ಟಹಾಸ ಶುರು ಮಾಡಿದಂತೆ ಕಾಣ್ತಿಲ್ಲ. ಈಗಾಗಲೇ ಬೆಂಗಳೂರಿನಲ್ಲಿ 6, ಶಿವಮೊಗ್ಗದಲ್ಲಿ 4 ಸೇರಿ ಕರ್ನಾಟಕದಲ್ಲೇ 10 ಬ್ರಿಟನ್​ ವೈರಸ್​ ಸೋಂಕಿತರು ಇದ್ದಾರೆ. ಇಡೀ ದೇಶದಲ್ಲಿರೋದು 29 ಬ್ರಿಟನ್​ ವೈರಸ್​ ಸೋಂಕಿತರು. ಇದರಲ್ಲಿ 10 ಮಂದಿ ಕರ್ನಾಟಕದಲ್ಲೇ ಇದ್ದಾರೆ ಅಂದ್ರೆ, ನಿಜಕ್ಕೂ ಭಯ ಪಡುವ ಸಂಗತಿ.

ಯಾಕಂದ್ರೆ, ಕೊರೋನಾ ಬಂದಾಗ ಮೊದಲ ಸಾವು ಕರ್ನಾಟಕದ ಗುಲ್ಬರ್ಗಾದಲ್ಲೇ ಆಗಿತ್ತು. ಆದಾದ್ಮೇಲೆ ಬೆಂಗಳೂರು ಸೇರಿ ಇಡೀ ರಾಜ್ಯಕ್ಕೆ ಹಬ್ಬಿ, ಮರಣ ಮೃದಂಗ ಬಾರಿಸಿತ್ತು. ಇದೀಗ ಬೆಂಗಳೂರು, ಶಿವಮೊಗ್ಗದಲ್ಲಿ ಬ್ರಿಟನ್​ ವೈರಸ್​ ಕಾಲಿಟ್ಟಿದ್ದು, ಮುಂದೆ ಏನು ಅನಾಹುತಕ್ಕೆ ದಾರಿ ಮಾಡುತ್ತೋ ಅನ್ನೋ ಆತಂಕ ಶುರುವಾಗಿದೆ. ಅಲ್ಲದೆ, ಇಡೀ ದೇಶದಲ್ಲಿ ಕರ್ನಾಟಕದಲ್ಲೇ ಅತೀ ಹೆಚ್ಚು ಕೇಸ್​ಗಳು ಪತ್ತೆ ಆಗ್ತಿವೆ. ಹೀಗಾಗಿ, ಮುಂದಿನ ದಿನಗಳಲ್ಲಿ ಕರ್ನಾಟಕವೇ ಬ್ರಿಟನ್​ ರೂಪಾಂತರ ವೈರಸ್​​ನ ಹಾಟ್​ ಸ್ಟಾಪ್​ ಆಗುತ್ತಾ ಅನ್ನೋ ಭಯ ಶುರುವಾಗಿದೆ.

ಅದೇನೇ ಆಗ್ಲಿ, ಕೊರೋನಾ ಇಲ್ಲ ಅಂತ ಎಚ್ಚರ ತಪ್ಪೋದು ಬೇಡ. ಹೊಸ ರೂಪಾಂತರ ವೈರಸ್​ ಬಂದಿದೆ. ಹೀಗಾಗಿ, ನಮ್ಮ ಎಚ್ಚರಿಕೆಯಲ್ಲಿ ನಾವು ಇರ್ಬೇಕು. ಮೊದಲು ಪಾಲನೆ ಮಾಡ್ತಿದ್ದ ಕೋವಿಡ್​ ನಿಯಮಗಳನ್ನ ತಪ್ಪದೇ ಪಾಲಿಸಿ..