ಬ್ಯಾಂಕ್‌ಗಳ ವಿಲೀನ ಐತಿಹಾಸಿಕ, ಶೀಘ್ರದಲ್ಲೇ ಆರ್ಥಿಕ ಪುನಶ್ಚೇತನ : ಸದಾನಂದಗೌಡ

ಬೆಂಗಳೂರು: ಕೇಂದ್ರಸರ್ಕಾರ ಅಧಿಕಾರಕ್ಕೆ ಬಂದು ನೂರುದಿನಗಳಾಗಿವೆ ಈ ಸಂದರ್ಭದಲ್ಲಿ ಹಲವಾರು ವಿಷಯಗಳನ್ನ ಹಂಚಿಕೊಳ್ಳಬೇಕಿದ್ದು ನಮ್ಮ ಸರ್ಕಾರ ಕೆಲವು ಐತಿಹಾಸಿಕ ನಿರ್ಣಯಗಳನ್ನ ತೆಗೆದುಕೊಂಡಿದೆ ಎಂದು ಕೇಂದ್ರ ಸಚಿವ ಸದಾನಂದಗೌಡ ಹೇಳಿದ್ದಾರೆ.

ಸುದ್ದಿಗೋಷ್ಟಿಯಲ್ಲಿ ಮಾತನಾಡಿ, ಜಮ್ಮು ಕಾಶ್ಮೀರದ ವಿಶೇಷ ಸ್ಥಾನ ರದ್ದು ಮಾಡಿರುವುದು ಐತಿಹಾಸಿಕ ನಿರ್ಣಯ, ಕಾಶ್ಮೀರಿ ನೆಲದಲ್ಲಿ ಪ್ರತ್ಯೇಕವಾದಿಗಳಿಗೆ ನೆಲೆ ಇಲ್ಲದಂತಾಗಿದೆ, ಭಾರತದ ಆರ್ಥಿಕತೆ ೫ ಟ್ರಿಲಿಯನ್‌ ಯುಎಸ್‌ ಡಾಲರ್‌ ಆಗಬೇಕು ಎಂಬುದು ಪ್ರಧಾನಿ ನರೇಂದ್ರ ಮೋದಿಯವರ ಗುರಿ, ಬ್ಯಾಂಕ್‌ಗಳ ವಿಲೀನ ಭಾರತದ ಆರ್ಥಿಕತೆ ಹೆಚ್ಚಿದೆ, ಇದೊಂದು ದಿಟ್ಟ ಹೆಜ್ಜೆ, ರಿಯಲ್‌ ಎಸ್ಟೇಟ್‌ ಕ್ಷೇತ್ರವೂ ಪುನಶ್ಚೇತನವಾಗುತ್ತಿದೆ, ವಾಹನ ತಯಾರಿಕಾ ಘಟಕ ಉತ್ತೇಜನ ನೀಡಲು ಹಲವು ಯೋಜನೆಗಳನ್ನ ಹಾಕಿಕೊಳ್ಳಲಾಗಿದೆ ಎಂದರು.

ಇನ್ನು ರೈಲ್ವೇ ಇಲಾಖೆಗೆ ಹೆಚ್ಚಿನ ಆದ್ಯತೆ ನೀಡಿದ್ದು, ೨೦೩೦ರ ವೇಳೆಗೆ ರೈಲ್ವೇಯಲ್ಲಿ ೫೦ ಲಕ್ಷ ಕೋಟಿ ಹೂಡಿಕೆ ಗುರಿ ಇಟ್ಟುಕೊಳ್ಳಲಾಗಿದೆ, ರೈಲುಗಳ ವೇಗ ವರ್ಧನೆಗೂ ಕ್ರಮ ತೆಗೆದುಕೊಳ್ಳಲಾಗಿದೆ ಎಂದರು.