ಬಿಗ್​​ಬಾಸ್​ ಖ್ಯಾತಿಯ ನಟಿ ಜಯಶ್ರೀಗೆ ಮಾವನಿಂದಲೇ ಲೈಂಗಿಕ ಕಿರುಕುಳ..!

ಬೆಂಗಳೂರು: ಬಿಗ್​​ಬಾಸ್​ ಖ್ಯಾತಿಯ ಜಯಶ್ರೀಗೆ ಮಾವನೇ ಕಿರಿಕುಳ ನೀಡಿರೋ ಘಟನೆ ಬೆಂಗಳೂರಿನಲ್ಲಿ ನಡೆದಿದ್ದು, ಬಿಗ್​ಬಾಸ್ ಖ್ಯಾತಿಯ ಜಯಶ್ರೀ ಬೀದಿಗೆ ಬಿದ್ದಿದ್ದಾರೆ. ನಟಿ ಹಾಗೂ ಬಿಗ್​ಬಾಸ್​ ಖ್ಯಾತಿಯ ಜಯಶ್ರೀ ಅವರನ್ನ ಸೋದರ ಮಾವ ಮಧ್ಯರಾತ್ರಿಯಲ್ಲಿ ಮನೆಯಿಂದ ಹೊರಗೆ ಹಾಕಿದ್ದಾರೆ ಎಂದು ಸ್ವತಃ ಜಯಶ್ರೀಯವರೇ ಗಂಭೀರ ಆರೋಪ ಮಾಡಿದ್ದಾರೆ.

ಆಸ್ತಿ ವಿಚಾರವಾಗಿ ಮನೆಯಿಂದ ಜಯಶ್ರೀಯನ್ನ ಸೋದರ ಮಾವ ಹೊರದಬ್ಬಿದ್ದಾರೆ ಎಂದು ಜಯಶ್ರೀ ಆರೋಪ ಮಾಡಿದ್ದಾರೆ. ಜಯಶ್ರೀ ಹಾಗೂ ಅವರ ತಾಯಿಗೆ ಸೋದರ ಮಾವನಾಗಿದ್ದ ಗಿರೀಶ್ ಎಂಬುವರು, ದೈಹಿಕ ಹಾಗೂ ಮಾನಸಿಕ ಕಿರುಕುಳ ನೀಡ್ತಿದ್ರು ಎನ್ನಲಾಗಿದೆ. ಈ ಕುರಿತು ಸ್ವತಃ ಜಯಶ್ರೀ ಹಾಗೂ ತಾಯಿ, ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.

ಅಜ್ಜಿಯನ್ನೂ ನೋಡಿಕೊಳ್ಳೋಕೆ ಸೋದರ ಮಾವ ಬಿಡ್ತಾ ಇರಲಿಲ್ಲ. ಅಜ್ಜಿಗೆ ಊಟ ಮಾಡಿಸಲು ಕೂಡ ಮಾವ ಬಿಡ್ತಿರಲಿಲ್ಲ ಎಂದು ಜಯಶ್ರೀ ಆರೋಪಿಸಿದ್ದಾರೆ. ಈ ಸಂಬಂಧ ಜಯಶ್ರೀ ಹಾಗೂ ತಾಯಿ, ಬೆಂಗಳೂರಿನ ಚನ್ನಮ್ಮನಕರೆ ಅಚ್ಚುಕಟ್ಟು ಠಾಣೆಯಲ್ಲಿ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರೋ ಪೊಲೀಸರು, ತನಿಖೆ ನಡೆಸಲಿದ್ದಾರೆ.