ಪೈಲ್ವಾನ್​ ಆಡಿಯೋ ಬಿಡುಗಡೆ ಮಾಡಿದ ಅಪ್ಪು : ಪುನೀತ್ ಪ್ರೀತಿಗೆ ಕಿಚ್ಚ ಸುದೀಪ್​ ಹೇಳಿದ್ದೇನು..?

ಬೆಂಗಳೂರು : ಕಿಚ್ಚ ಸುದೀಪ್​ ಅಭಿನಯದ ಬಹುಭಾಷಾ ಸಿನಿಮಾ ಪೈಲ್ವಾನ್​ ಆಡಿಯೋ ರಿಲೀಸ್​ ಬೆಂಗಳೂರಿನಲ್ಲಿ ನಡೀತು. ಭಾನುವಾರ ಸಂಜೆ ಕೋರಮಂಗಲದ ಇಂಡೋರ್​ ಸ್ಟೇಡಿಯಂನಲ್ಲಿ ಪೈಲ್ವಾನ್ ಆಡಿಯೋ ಬಿಡುಗಡೆ ಕಾರ್ಯಕ್ರಮ ಅದ್ಧೂರಿಯಾಗಿ ನಡೀತು. ಪವರ್ ಸ್ಟಾರ್ ಪುನೀತ್​ ರಾಜ್​ಕುಮಾರ್​, ಪೈಲ್ವಾನ್ ಆಡಿಯೋ ಬಿಡುಗಡೆ ಮಾಡಿದ್ದು ವಿಶೇಷ.

ಭಾನುವಾರ ಸಂಜೆ ಇಂಡೋರ್​ ಸ್ಟೇಡಿಯಂನಲ್ಲಿ ಸಾವಿರಾರು ಅಭಿಮಾನಿಗಳ ಸಮ್ಮುಖದಲ್ಲಿ ಪೈಲ್ವಾನ್ ಆಡಿಯೋ ರಿಲೀಸ್ ಮಾಡಲಾಯ್ತು. ವಿಶೇಷ ಅತಿಥಿಯಾಗಿ ಆಗಮಿಸಿದ್ದ ಪವರ್​ ಸ್ಟಾರ್, ಪುನೀತ್ ರಾಜ್​ಕುಮಾರ್​, ಪೈಲ್ವಾನ್ ಆಡಿಯೋ ಸಿಡಿಯನ್ನ ಬಿಡುಗಡೆ ಮಾಡಿದ್ರು.

ಆಡಿಯೋ ಬಿಡುಗಡೆ ವೇಳೆ ಮಾತ್ನಾಡಿದ ಅಪ್ಪು,ಸುದೀಪ್​ ನಟನೆ ಹಾಗೂ ಡೆಡಿಕೇಷನ್ ತುಂಬಾ ಇಷ್ಟ. ನಾವಿಬ್ಬರು ಆತ್ಮೀಯ ಸ್ನೇಹಿತರು ಅಂತ ಹೇಳಿದ್ರು. ಇದೇ ವೇಳೆ, ಕಿಚ್ಚ ಸುದೀಪ್​ ಪಕ್ಕದಲ್ಲಿ ನಿಂತು ಇಬ್ಬರ ಎತ್ತರ ನೋಡಿ ತಮಾಷೆ ಮಾಡಿದ್ರು. ಅಲ್ಲದೆ, ಒಂದೇ ಹಾಡಿಗೆ ಕಿಚ್ಚ ಮತ್ತು ಅಪ್ಪು ಹೆಜ್ಜೆ ಹಾಕಿದ್ದು ವಿಶೇಷವಾಗಿತ್ತು.

ಬಳಿಕ ಮಾತ್ನಾಡಿದ ಕಿಚ್ಚ ಸುದೀಪ್​, ಇದೊಂದು ವಿಶೇಷ ಸನ್ನಿವೇಶ. ಈ ಹಿಂದೆ ಚಿತ್ರದುರ್ಗದಲ್ಲಿ ಆಡಿಯೋ ಬಿಡುಗಡೆ ನಡೆಯಬೇಕಿತ್ತು. ಆದ್ರೆ, ಪ್ರವಾಹದಿಂದಾಗಿ ಅದು ಸಾಧ್ಯವಾಗಲಿಲ್ಲ. ಪ್ರವಾಹ ಸಂತ್ರಸ್ತರು ಬೇಕ ಚೇತರಿಸಿಕೊಳ್ಳಬೇಕು. ಪ್ರತಿಯೊಬ್ಬರು ಸಂತ್ರಸ್ತರ ಸಹಾಯಕ್ಕೆ ನಿಲ್ಲಬೇಕು ಅಂತ ಮನವಿ ಮಾಡಿದ್ರು. ಆಡಿಯೋ ಬಿಡುಗಡೆ ಮಾಡಿ ಅಪ್ಪುಗೆ ಧನ್ಯವಾದ ಹೇಳಿದ್ರು ಕಿಚ್ಚ ಸುದೀಪ್.

ಕಿಚ್ಚ ಸುದೀಪ್​ ಅಭಿನಯದ ಪೈಲ್ವಾನ್ ಸಿನಿಮಾ, ಸೆಪ್ಟೆಂಬರ್ 12ರಂದು ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಭಾಷೆಗಳಲ್ಲಿ ಏಕಕಾಲದಲ್ಲಿ ಬಿಡುಗಡೆ ಆಗ್ತಿದೆ.