ಪೆಟ್ರೋಲ್‌-ಡೀಸೆಲ್‌ ವಾಹನಗಳನಿಷೇಧ ಇಲ್ಲ:ನಿತಿನ್‌ ಗಡ್ಕರಿ. ಹಾಗಾದ್ರೆ ಮತ್ತೇಕೆ ಭಯ..?

ನವದೆಹಲಿ: ಕೇಂದ್ರ ಸರ್ಕಾರ ಪೆಟ್ರೋಲ್ ಹಾಗೂ ಡೀಸೆಲ್‌ ವಾಹನಗಳನ್ನ ನಿಷೇಧ ಮಾಡೋದಿಲ್ಲ ಎಂದು ಕೇಂದ್ರ ಸಾರಿಗೆ ಸಚಿವ ನಿತಿನ್‌ ಗಡ್ಕರಿ ಅಭಯ ನೀಡಿದ್ದಾರೆ. ಸೊಸೈಟಿ ಆಫ್‌ ಇಂಡಿಯನ್‌ ಆಟೋ ಮೊಬೈಲ್‌ ಮ್ಯಾನುಫ್ಯಾಕ್ಚರ್‌ ( ಎಸ್‌ಐಎಮ್) ಕಾನ್‌ಕ್ಲೇವ್‌ನಲ್ಲಿ ಮಾತನಾಡಿ, ಎಲೆಕ್ಟ್ರಿಕಲ್ ವಾಹನಗಳನ್ನ ಪ್ರೋತ್ಸಾಹಿಸುವ ಸಲುವಾಗಿ ಡೀಸೆಲ್‌ ಹಾಗೂ ಪೆಟ್ರೋಲ್‌ ವಾಹನಗಳನ್ನ ನಿಷೇಧ ಮಾಡುವುದಿಲ್ಲ, ಬದಲಾಗಿ ಈ ಹೈಬ್ರೀಡ್‌ ವಾಹನಗಳ ಮೇಲಿನ ತೆರಿಗೆ ಸಡಿಲ ಮಾಡುತ್ತೇವೆ ಎಂದು ಹೇಳಿದರು.

ಎಲೆಕ್ಟ್ರಿಕ್‌ ವಾಹನಗಳು ಪರಿಸರ ಸ್ನೇಹಿಯಾಗಿದ್ದರಿಂದ ಅವುಗಳ ಮೇಲೆ ಸಾಕಷ್ಟು ಆಸಕ್ತಿ ಹೊಂದಿದ್ದೇವೆ, ಜಿಎಸ್‌ಟಿಯಲ್ಲೂ ವಿನಾಯಿತಿ ನೀಡುತ್ತೇವೆ, ಹಣಕಾಸು ಸಚಿವಾಲಯ ಸಹಾಯಧನ ನೀಡುವುದಾದರೆ ಅದೂ ಕೂಡ ಈ ವಾಹನಗಳ ಮಾರುಕಟ್ಟೆ ವಿಸ್ತರಣೆಗೆ ಅನುಕೂಲವಾಗಲಿದೆ ಎಂದರು. ಕಳೆದ ಜುಲೈನಿಂದ ಆಟೋಮೊಬೈಲ್‌ ಕ್ಷೇತ್ರ ಆರ್ಥಿಕ ಹಿಂಜರಿತ ಕಂಡು ಲಕ್ಷಾಂತರ ಮಂದಿ ಉದ್ಯೋಗ ಕಳೆದುಕೊಂಡಿರುವ ಬೆನ್ನಲ್ಲೇ ಗಡ್ಕರಿ ಹೇಳಿಕೆ ತಯಾರಕರ ಮನೋಸ್ಥೈರ್ಯ ಹೆಚ್ಚುತ್ತಾ ನೋಡಬೇಕಿದೆ.