ಪೂರಿ ಜಗನ್ನಾಥ್​ ಡೈರೆಕ್ಷನ್​​ನಲ್ಲಿ ಕೆಜಿಎಫ್​ ಸ್ಟಾರ್​ ಯಶ್​ ಸಿನಿಮಾ.?

ಬೆಂಗಳೂರು : ಬಹುಶಃ ಇದೆನಾದ್ರೂ ನಿಜವಾದ್ರೆ, ಕನ್ನಡ ಚಿತ್ರರಂಗದತ್ತ ಮತ್ತೊಮ್ಮೆ ಭಾರತೀಯ ಚಿತ್ರರಂಗವೇ ತಿರುಗಿ ನೋಡುತ್ತೆ. ಯೆಸ್​, ಕೆಲವು ಮೂಲಗಳ ಪ್ರಕಾರ ಸ್ಟಾರ್ ನಿರ್ದೇಶಕ ಪೂರಿ ಜಗನ್ನಾಥ್​ ಜೊತೆ ನಮ್ಮ ರಾಕಿಭಾಯ್​ ರಾಕಿಂಗ್​ ಸ್ಟಾರ್ ಯಶ್​ ಸಿನಿಮಾ ಮಾಡ್ತಾರಂತೆ. ಸದ್ಯ, ಸೋಶಿಯಲ್ ಮೀಡಿಯಾದ ಸೆನ್ಷೇಷನ್ ನ್ಯೂಸ್​ ಇದೆ ಆಗಿದೆ. ಎಲ್ಲವೂ ಅಂದುಕೊಂಡತೆ ಆದ್ರೆ, ಯಶ್​ ಜೊತೆ ಜನ ಗಣ ಮನ ಸಿನಿಮಾವನ್ನ ಪೂರಿ ಜಗನ್ನಾಥ್​ ನಿರ್ದೇಶನ ಮಾಡಲಿದ್ದಾರೆ.

ಕೆಜಿಎಫ್​ ಸಿನಿಮಾ ಮೂಲಕ ಯೂನಿವರ್ಸಲ್​ ಸ್ಟಾರ್ ಆಗಿರೋ ಯಶ್​, ಈಗ ಮತ್ತೊಮ್ಮೆ ಪ್ಯಾನ್ ಇಂಡಿಯಾ ಸಿನಿಮಾ ಮಾಡುವತ್ತ ದೃಷ್ಟಿ ಹರಿಸಿದ್ದಾರೆ. ಪೂರಿ ಜಗನ್ನಾಥ್​ ತಮ್ಮ ಡೇರ್​ ಅಂಡ್​ ಡ್ಯಾಶಿಂಗ್​ ಚಿತ್ರಗಳಿಗೆ ಫೇಮಸ್​. ಡೈಲಾಗ್​ ಡೆಲಿವರಿ, ಹೀರೋಯಿಸಂಗೆ ಪೂರಿ ತನ್ನದೇ ಆದ ರೀತಿಯಲ್ಲಿ ಸಿನಿಮಾ ನಿರೂಪಣೆ ಮಾಡ್ತಾರೆ. ಇತ್ತೀಚೆಗೆ ಐಸ್ಮಾರ್ಟ್​​ ಶಂಕರ್ ಅನ್ನೋ ಸಿನಿಮಾ ಮೂಲಕ ಪೂರಿ, ತೆಲುಗಿನಲ್ಲಿ ಕಂಬ್ಯಾಕ್ ಮಾಡಿದ್ದಾರೆ. ಈಗ ಯಶ್ ಜೊತೆ ಸಿನಿಮಾ ಮಾಡೋಕೆ ರೆಡಿಯಾಗಿದ್ದಾರೆ.

ಏನಿದು ಜನ ಗಣ ಮನ..?
ಜನ ಗಣ ಮನ ಈ ಟೈಟಲ್ ಈಗಾಗಲೇ ರಿಜಿಸ್ಟ್ರರ್ ಆಗಿದೆ. ಪೂರಿ ಈ ಸಿನಿಮಾವನ್ನ ಸೂಪರ್​ ಸ್ಟಾರ್ ಮಹೇಶ್ ಬಾಬು ಜೊತೆ ಮಾಡೋದಾಗಿ ಘೋಷಣೆ ಕೂಡ ಮಾಡಿದ್ರು. ಫಸ್ಟ್​ ಲುಕ್​ ಕೂಡ ರಿಲೀಸ್​ ಆಗಿತ್ತು. ಅದ್ಯಾಕೋ ಏನೋ, ಕೊನೆ ಕ್ಷಣದಲ್ಲಿ ಮಹೇಶ್​ ಬಾಬು, ಈ ಸಿನಿಮಾದಿಂದ ಹೊರ ಬಂದ್ರು. ಇದೇ ಸಿನಿಮಾವನ್ನ ಮಾಡುವಾಸೆ ಪೂರಿಗೆ ಇದ್ದು, ಅದಕ್ಕೆ ಯಶ್​ ಅವರನ್ನ ಅಪ್ರೋಚ್​ ಮಾಡಿದ್ದಾರೆ ಎನ್ನಲಾಗಿದೆ.

ನಟ ಯಶ್ ಜೊತೆ ಈಗಾಗಲೇ ಎರಡು ಬಾರಿ ಪೂರಿ ಚರ್ಚೆ ನಡೆಸಿದ್ದಾರೆ ಎನ್ನಲಾಗಿದೆ. ಬೆಂಗಳೂರಿಗೆ ಬಂದಿದ್ದ ಪೂರಿ ಜಗನ್ನಾಥ್​, ಯಶ್​ಗೆ ಕಥೆ ಹೇಳಿದ್ದು ಮತ್ತೊಮ್ಮೆ ಚರ್ಚೆ ನಡೆಯೋ ಸಾಧ್ಯತೆ ಇದೆ. ಸದ್ಯ ಯಶ್ ಈಗ ಕೆಜಿಎಫ್ 2 ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. 2020ಕ್ಕೆ ಕೆಜಿಎಫ್ 2 ಸಿನಿಮಾ ರಿಲೀಸ್ ಆಗಲಿದೆ. ಎಲ್ಲವೂ ಅಂದುಕೊಂಡತೇ ಆದ್ರೆ, ಯಶ್ ಜೊತೆ ಪೂರಿ ಸಿನಿಮಾ ಮಾಡೋದು ಪಕ್ಕಾ ಎನ್ನಲಾಗ್ತಿದೆ.

ಆದ್ರೆ, ಈ ಸುದ್ದಿ ಕುರಿತು ಈವರೆಗೆ ಯಶ್ ಆಗಲಿ, ನಿರ್ದೇಶಕ ಪೂರಿ ಜಗನ್ನಾಥ್ ಆಗಲಿ ಯಾವುದೇ ಸ್ಪಷ್ಟನೆ ನೀಡಿಲ್ಲ. ಮುಂದಿನ ದಿನಗಳಲ್ಲಿ ಈ ಸುದ್ದಿ ನಿಜವಾಗುತ್ತಾ..? ಇಲ್ವೋ..? ಕೇವಲ ವದಂತಿಯಾಗುತ್ತಾ ಅನ್ನೋದನ್ನ ಕಾದುನೋಡೋಣ.