ಪಿ.ವಿ. ಸಿಂಧು ಸಾಧನೆಗೆ ಇಡೀ ದೇಶಾದ್ಯಂತ ಮೆಚ್ಚುಗೆ : ತಾಯಿ ಮನೆಯಲ್ಲಿ ಸಂಭ್ರಮ-ಸಡಗರ

ವಿಶ್ವ ಬ್ಯಾಡ್ಮಿಂಟನ್​​ ಟೂರ್ನಿಯಲ್ಲಿ ಪ್ರಶಸ್ತಿ ಮುಡಿಗೇರಿಸಿಕೊಂಡ ಪಿ.ವಿ. ಸಿಂಧು ಸಾಧನೆಗೆ ಇಡೀ ದೇಶ ಮೆಚ್ಚುವೆ ವ್ಯಕ್ತಪಡಿಸಿದೆ. ಎಲ್ಲಾ ರಾಜಕೀಯ ಗಣ್ಯರು, ಪಕ್ಷಭೇದ ಮರೆತು ಸಿಂಧು ಸಾಧನೆಯನ್ನ ಕೊಂಡಾಡಿದ್ದಾರೆ. ಸಿನಿಮಾ ತಾರೆಯರು, ಕ್ರಿಕೆಟ್​ ತಾರೆಯರು, ಕ್ರೀಡಾಪಟುಗಳು ಹೀಗೆ ಇಡೀ ದೇಶಾದ್ಯಂತ ಸಿಂಧು ಸಾಧನೆಗೆ ಮೆಚ್ಚುಗೆ ವ್ಯಕ್ತವಾಗಿದ್ದು, ಸಿಂಧು ನಮ್ಮ ಹೆಮ್ಮೆ ಸಂಭ್ರಮ ಹಂಚಿಕೊಂಡಿದ್ದಾರೆ.

ಸಿಂಧು ಮನೆಯಲ್ಲಿ ಸಂಭ್ರಮ

ಪಿ.ವಿ. ಸಿಂಧು ವಿಶ್ವ ಬ್ಯಾಡ್ಮಿಂಟನ್​ ಪ್ರಶಸ್ತಿ ಗೆಲ್ಲುತ್ತಿದ್ದಂತೆ, ಹೈದ್ರಾಬಾದ್​​ನ ತಮ್ಮ ನಿವಾಸದಲ್ಲಿ ಸಂಭ್ರಮ ಮನೆ ಮಾಡಿತ್ತು. ಸಿಂಧು ತಾಯಿ, ಪಿ ವಿಜಯ ಅವರು ಸಿಹಿ ಹಂಚಿ ಸಂತೋಷ ಹಂಚಿಕೊಂಡರು. ಮಗಳ ಸಾಧನೆ ಬಗ್ಗೆ ಮಾತ್ನಾಡಿದ ಪಿ.ವಿಜಯ ಅವರು, ತುಂಬಾ ಸಂತೋಷ ಆಗ್ತಿದೆ. ಚಿನ್ನದ ಪದಕಕ್ಕಾಗಿ ನಾವು ಕಾಯುತ್ತಿದ್ದೆವು. ಆ ಕ್ಷಣ ಈಗ ಬಂದಿದೆ ಎಂದು ಖುಷಿ ಹಂಚಿಕೊಂಡರು.

ಗಣ್ಯರಿಂದ ಶುಭಾಶಯ, ಅಭಿನಂದನೆಗಳ ಸುರಿಮಳೆ

ಸಿಂಧು ಸಾಧನೆಗೆ ಪ್ರಧಾನಿ ನರೇಂದ್ರ ಮೋದಿ, ರಾಷ್ಟ್ರಪತಿ ರಾಮನಾಥ್ ಕೋವಿಂದ್​, ಕಾಂಗ್ರೆಸ್​ ನೇತಾರರು, ಬಿಜೆಪಿ ನೇತಾರರು, ಬಾಲಿವುಡ್​ ತಾರೆಯರು, ತೆಲುಗು ಸಿನಿಮಾ ತಾರೆಯರು, ತೆಲಂಗಾಣ ಸಿಎಂ ಕೆ.ಚಂದ್ರಶೇಖರ್​ ರಾವ್​, ಆಂಧ್ರ ಸಿಎಂ ಜಗನ್​ ಸೇರಿದಂತೆ ಗಣ್ಯಾತಿಗಣ್ಯರು ಶುಭ ಹಾರೈಸಿದ್ದಾರೆ. ದೇಶದ ಹೆಮ್ಮಯ ಪುತ್ರ ಸಿಂಧುಗೆ ಅಭಿನಂದನೆ ಎಂದು ಕೊಂಡಾಡಿದ್ದಾರೆ. ಸಿಂಧು ಸಾಧನೆ ಹೀಗೆ ಮುಂದುವರೆಯಲಿ. ಹಲವರಿಗೆ ಅವರ ಸಾಧನೆ ಸ್ಪೂರ್ತಿ ಆಗಲಿ ಎಂದು ಅಭಿನಂದನೆ ಸಲ್ಲಿಸಿದ್ದಾರೆ.