ಪಾರ್ಟಿಯಲ್ಲಿ ಎಂಜಾಯ್​ ಮಾಡ್ತಿದ್ದ ವ್ಯಕ್ತಿಗೆ ಮೊಸಳೆ ಕಡಿತ..! ಅಯ್ಯೋ ದೇವರೇ ಹೀಗೂ ಉಂಟೇ..?

Source : BBC

ಸ್ವೀಡನ್​ : ಇದೊಂಥರಾ ವಿಚಿತ್ರ ಘಟನೆ ಕಣ್ರೀ.. ಪಾರ್ಟಿ ಮಾಡೋವಾಗ ಮೊಸಳೆ ಬಂದು ಕಚ್ಚಿದೆ ಅಂದ್ರೆ, ನಂಬೋಕೆ ಆಗುತ್ತಾ..? ನಂಬಲೇಬೇಕು ಅಂತ ಹೇಳ್ತಿದೆ ಬಿಬಿಸಿ ವರದಿ. ಹೌದು, ಈ ರೀತಿಯ ಘಟನೆ ಸ್ವೀಡನ್​​ನಲ್ಲಿ ವರದಿಯಾಗಿದೆ.

ಇಷ್ಟಕ್ಕೂ ಆಗಿದ್ದೇನು..?

ಸ್ವೀಡನ್​​ನಲ್ಲಿ ಸ್ಕಾನ್ಸೇಟ್​​ ಅಕ್ವೇರಿಯಂಯಲ್ಲಿ ಪಾರ್ಟಿ ಆಯೋಜನೆ ಮಾಡಲಾಗಿತ್ತು. ಈ ಅಕ್ವೇರಿಯಂನಲ್ಲಿ ಎರಡು ದೊಡ್ಡ ದೊಡ್ಡ ಮೊಸಳೆಗಳಿವೆ. ಆದ್ರೆ, ಭದ್ರವಾಗಿ ಕ್ಲಾಸ್​ ಅಳವಡಿಸಲಾಗಿದೆ. ಆದ್ರೆ, ಪಾರ್ಟಿ ಮಾಡ್ತಿದ್ದ ವೇಳೆ, ವ್ಯಕ್ತಿಯೊಬ್ಬರು ಅಚಾನಕ್​ ಆಗಿ ತನ್ನ ಒಂದು ಕೈಯನ್ನ ಹೊರಗಡೆ ಇಟ್ಟಿದ್ದಾರೆ. ಮೊಸಳೆಗಳು ಮನುಷ್ಯನ ವಾಸನೆ ಹಿಡಿದ್ರೆ ಕೇಳಬೇಕೆ, ಪಟಕ್​ ಎಂದು ಕೈ ಹಿಡಿದುಕೊಂಡು ಕಚ್ಚಿದೆ.. ನೋಡ ನೋಡ್ತಿದ್ದಂತೆ ರಕ್ತ ಚಿಮ್ಮಿದೆ.. ತಕ್ಷಣ ಅಲ್ಲಿದ್ದವರು ನ್ಯಾಪ್ಕಿನ್​ಗಳಿಂದ ರಕ್ತವನ್ನ ಕ್ಲೀನ್​ ಮಾಡಿ, ಆಂಬ್ಯುಲೆನ್ಸ್​ನಲ್ಲಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸದ್ಯ ಪ್ರಾಣಾಪಾಯದಿಂದ ಆ ವ್ಯಕ್ತಿ ಪಾರಾಗಿದ್ದಾರೆ.

ಅದು ಫಿಡಾಲ್​ ಕ್ಯಾಸ್ಟ್ರೋ ಕೊಟ್ಟಿದ್ದ ಮೊಸಳೆ..!

ಇದು ಇನ್ನೂ ಕುತೂಹಲದ ಸಂಗತಿ. ಅದೇನಪ್ಪ ಅಂದ್ರೆ, ಕ್ಯೂಬಾದ ಸರ್ವಾಧಿಕಾರಿಯಾಗಿದ್ದ ಫಿಡಾಲ್​ ಕ್ಯಾಸ್ಟ್ರೋ, ಎರಡು ಮೊಸಳೆಗಳನ್ನ 70ರ ದಶಕದಲ್ಲಿ ಗಿಫ್ಟ್​ ಆಗಿ ಕೊಟ್ಟಿದ್ದರಂತೆ. ಆ ಮೊಸಳೆಗಳನ್ನ ಈ ಅಕ್ವೇರಿಯಂನಲ್ಲಿ ಇಡಲಾಗಿತ್ತು. ಕ್ಯೂಬಾದ ಮೊಸಳೆಗಳು ತುಂಬಾನೇ ಡೇಂಜರ್​ ಅಂತ. ಆಗ ಕ್ಯಾಸ್ಟ್ರೋ ಕೊಟ್ಟಿದ್ದ ಮೊಸಳೆಯೇ, ಆ ವ್ಯಕ್ತಿಗೆ ಕಚ್ಚಿದೆ ಎಂದು ಸ್ಥಳೀಯ ಪೊಲೀಸರು ಹಾಗೂ ಅಕ್ವೇರಿಯಂ ಅಧಿಕಾರಿಗಳು ಸ್ಪಷ್ಟ ಪಡಿಸಿದ್ದಾರೆ.

ಮೊಸಳೆಯಿಂದ ಕಚ್ಚಿಸಿಕೊಂಡ ವ್ಯಕ್ತಿ ಸದ್ಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೀತಿದ್ದಾರೆ. ಇತ್ತ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ತನಿಖೆ ನಡೆಸ್ತಿದ್ದಾರೆ. ಪಾಪ, ಪೊಲೀಸರು ಈಗ ಮೊಸಳೆಯನ್ನ ಅರೆಸ್ಟ್​ ಮಾಡ್ತಾರಾ..? ವಿಚಾರಣೆ ನಡೆಸೋದು ಹೇಗೆ ಅಂತ ತಲೆ ಚಚ್ಚಿಕೊಳ್ತಿದ್ದಾರೇನೋ..