ಪರಭಾಷಾ ಸ್ಟಾರ್​ಗಳೇ ಎಲ್ಲಿದ್ದೀರಾ..? ಯುವ ರಾಜ್​ಕುಮಾರ್​ ಪೋಸ್ಟ್​ ವೈರಲ್​

ಬೆಂಗಳೂರು : ಕರ್ನಾಟಕದ ಬಹುತೇಕ ಜಿಲ್ಲೆಗಳು ಪ್ರವಾಹದಿಂದ ತತ್ತರಿಸಿವೆ. ಅನ್ನ, ನೀರು, ಬಟ್ಟೆ ಇಲ್ಲದೇ ಸಾವಿರಾರು ಜನ ನೋವನ್ನ ಅನುಭವಿಸ್ತಿದ್ದಾರೆ. ಆದ್ರೆ, ಬೇರೆ ರಾಜ್ಯಗಳಿಂದ ಸಿನಿಮಾ, ಬ್ರಾಂಡ್, ಕ್ರಿಕೆಟ್​ ಅಂತ ಪ್ರಚಾರಕ್ಕೆ ಕರ್ನಾಟಕಕ್ಕೆ ಬರೋ ಪರಭಾಷಾ ಸ್ಟಾರ್​​ಗಳು, ಪರಭಾಷಿಕರು ಮಾತ್ರ ಈಗ ಕಾಣ್ತಿಲ್ಲ ಎಂದು ರಾಜ್​ಕುಮಾರ್​ ಕುಟುಂಬದ ಕುಡಿ, ಯುವ ರಾಜ್​ಕುಮಾರ್​ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್​ ಹಾಕಿದ್ದಾರೆ. ಯುವ ರಾಜ್​ಕುಮಾರ್​ ಹಾಕಿರೋ ಪೋಸ್ಟ್​ ಸತ್ಯ ಎಂದು ಸಾಕಷ್ಟು ಕಾಮೆಂಟ್​ಗಳು ಬಂದಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗಿದೆ.

ಇದರ ಜೊತೆ ತಮಿಳುನಾಡು ಹಾಗೂ ಕೇರಳದಲ್ಲಿ ಪ್ರವಾಹ ಉಂಟಾದಾಗ ಕನ್ನಡಿಗರು ಸಾಕಷ್ಟು ಮಂದಿ ಸಹಾಯ ಮಾಡಿದ್ರು. ಕನ್ನಡ ನಟರು, ರಾಜಕಾರಣಿಗಳು, ಕನ್ನಡ ಮಾಧ್ಯಮಗಳು, ಇಡೀ ಕರ್ನಾಟಕ ಜನ, ಕೇರಳ ಹಾಗೂ ತಮಿಳುನಾಡಿಗೆ ಸಹಾಯ ಮಾಡಿದ್ರು. ಆದ್ರೆ, ಕರ್ನಾಟಕಕ್ಕೆ ಸಂಕಷ್ಟ ಬಂದಾಗ ಯಾವೊಬ್ಬ ಹೊರ ರಾಜ್ಯದ ನಟ, ರಾಜಕಾರಣಿ, ತಾರೆಗಳು ಸಹಾಯಕ್ಕೆ ಬರ್ತಿಲ್ಲ ಎಂದು ನೋವನ್ನ ಹಂಚಿಕೊಂಡಿದ್ದಾರೆ.

ಯುವ ರಾಜ್​ಕುಮಾರ್​ ಹಂಚಿಕೊಂಡಿರೋ ಆಲೋಚನೆ ಇಲ್ಲಿದೆ ನೋಡಿ.