ಪತ್ನಿ ವಿಜಯಲಕ್ಷ್ಮಿಗೆ ನಟ ದರ್ಶನ್​ ರಕ್ತ ಬರುವಂತೆ ಹೊಡೆದ್ರಾ..? : ಗಾಂಧಿನಗರದ ಗಾಸಿಪ್​​ ಎಷ್ಟು ನಿಜ..?

ಬೆಂಗಳೂರು : ನಟ, ಚಾಲೆಂಜಿಂಗ್​ ಸ್ಟಾರ್ ದರ್ಶನ್​, ಪತ್ನಿ ವಿಜಯಲಕ್ಷ್ಮಿಗೆ ಮತ್ತೆ ಹೊಡೆದರಂತೆ. ವಿಜಯಲಕ್ಷ್ಮಿಗೆ ರಕ್ತ ಬಂತಂತೆ. ದರ್ಶನ್​ಗೆ ಅಡ್ಡ ಬಂದ ಪತ್ನಿ ವಿಜಯಲಕ್ಷ್ಮಿ ತಾಯಿಗೂ ಹೊಡೆದರಂತೆ. ದರ್ಶನ್​ ವಿರುದ್ಧ ಪತ್ನಿ ವಿಜಯಲಕ್ಷ್ಮಿ ಈಗ ಪೊಲೀಸ್​ ಸ್ಟೇಷನ್​ಗೆ ದೂರು ನೀಡಲು ಹೋಗಿದ್ದಾರಂತೆ. ಬಳಿಕ ಮಹಿಳಾ ಆಯೋಗಕ್ಕೂ ದೂರು ನೀಡಲು ಮುಂದಾಗಿದ್ರಂತೆ. ಆದ್ರೆ, ರಾಜಕೀಯ ವ್ಯಕ್ತಿಯೊಬ್ಬರು ಮಧ್ಯ ಪ್ರವೇಶ ಮಾಡಿ, ಇಬ್ಬರನ್ನೂ ಸಮಾಧಾನ ಮಾಡಿದ್ದಾರಂತೆ. ಕೊನೆಗೂ ದರ್ಶನ್​-ವಿಜಯಲಕ್ಷ್ಮಿ ಡೈವೋರ್ಸ್​​ಗೆ ಒಪ್ಪಿದ್ದಾರಂತೆ. ಶೀಘ್ರವೇ ಡೈವೋರ್ಸ್​ ಕೂಡ ಆಗುತ್ತಂತೆ.

ಹೀಗೊಂದು ಗಾಸಿಪ್​, ಕಳೆದ ಎರಡು ಮೂರು ದಿನಗಳಿಂದ ಕನ್ನಡ ಚಿತ್ರರಂಗದಲ್ಲಿ ಜೋರಾಗಿಯೇ ಓಡಾಡ್ತಿದೆ. ಕೆಲವರಿಗೆ ಗೊತ್ತಿದ್ರೂ, ಹೇಳಲು ಧೈರ್ಯವಿಲ್ಲ. ಇನ್ನು ಕೆಲವರು ಇದನ್ನೇ ಅವಕಾಶ ಅನ್ಕೊಂಡು ಅದಕ್ಕೆ ಉಪ್ಪು-ಖಾರ-ಮಸಾಲೆ ಹಾಕಿ ಬೇಜಾನ್​ ಪ್ರಚಾರ ಮಾಡ್ಕೊಳ್ತಿದ್ದಾರೆ. ಆದ್ರೆ, ನಿಜವಾಗಿ ಆಗಿದ್ದೇನು ಅನ್ನೋದು ಮಾತ್ರ ಯಾರೂ ಹೇಳ್ತಿಲ್ಲ. ಹಾಗಿದ್ರೆ, ರೈಸಿಂಗ್ ಕನ್ನಡ ವೆಬ್​ಸೈಟ್​​ಗೆ ಸಿಕ್ಕ ಮಾಹಿತಿ ಏನು..? ಬನ್ನಿ ನೋಡೋಣ.

ವರಮಹಾಲಕ್ಷ್ಮಿ ಹಬ್ಬದ ದಿನ ಎಲ್ಲವೂ ಚೆನ್ನಾಗಿಯೇ ಇತ್ತು. ಅವತ್ತು ಕುರುಕ್ಷೇತ್ರ ಮೂವಿ ಬಿಡುಗಡೆ ಆಗಿ, ದರ್ಶನ್ ಕೂಡ ಖುಷಿಯಾಗಿದ್ರು. ರಾಜರಾಜೇಶ್ವರಿ ನಗರದಲ್ಲಿರೋ ದರ್ಶನ್​ ಮನೆಯಲ್ಲಿ ಹಬ್ಬ ಆಚರಣೆ ಮಾಡಿ, ಪತ್ನಿ ವಿಜಯಲಕ್ಷ್ಮಿಯನ್ನ ಅಪಾರ್ಟ್​​ಮೆಂಟ್​ಗೆ ಬಿಡಲು ಸ್ವತಃ ದರ್ಶನ್​ ಹೋಗಿದ್ರು. ಈ ವೇಳೆ, ದರ್ಶನ್​ ಹಾಗೂ ಪತ್ನಿ ವಿಜಯಲಕ್ಷ್ಮಿ ನಡುವೆ ಮಾತಿನ ಚಕಮಕಿ ನಡೀತಂತೆ. ಚಿನ್ನದ ವಿಚಾರವಾಗಿ ಗಲಾಟೆ ನಡೆದು, ವಿಜಯಲಕ್ಷ್ಮಿಯನ್ನ ಕಾರಿನಲ್ಲೇ ದರ್ಶನ್​ ಹೊಡೆದ್ರು ಎನ್ನಲಾಗಿದೆ.

ರಕ್ತ ಬರುವಂತೆ ಹೊಡೆದ್ರಾ..?

ಮನೆಗೆ ಬಂದ ತಕ್ಷಣ ರೊಚ್ಚಿಗೆದ್ದ ದರ್ಶನ್​, ಪತ್ನಿ ವಿಜಯಲಕ್ಷ್ಮಿಗೆ ಮನಬಂದಂತೆ ಥಳಿಸಿ, ರಕ್ತ ಬಂದಂತೆ ಹೊಡೆದ್ರಂತೆ. ಸಿಗರೇಟ್​ನಲ್ಲಿ ಸುಟ್ರಂತೆ. ಈ ವೇಳೆ, ವಿಜಯಲಕ್ಷ್ಮಿ ತಾಯಿ ಅಡ್ಡ ಬಂದ್ರಂತೆ. ಇದ್ಯಾವುದನ್ನೂ ಲೆಕ್ಕಿಸದ ದರ್ಶನ್​, ವಿಜಯಲಕ್ಷ್ಮಿ ತಾಯಿಗೂ ಹೊಡೆದ್ರಂತೆ. ಕಂಠಪೂರ್ತಿ ಕುಡಿದಿದ್ದ ದರ್ಶನ್​, ವಿಕೃತವಾಗಿ ವರ್ತನೆ ಮಾಡಿದ್ದಾರೆ ಅನ್ನೋದು ಗಾಂಧಿನಗರದಲ್ಲಿ ಗುಲ್ಲು.

ಪೊಲೀಸ್​ ಸ್ಟೇಷನ್​.. ಮಹಿಳಾ ಆಯೋಗದತ್ತ ವಿಜಯಲಕ್ಷ್ಮಿ..!?

ಇಷ್ಟೆಲ್ಲಾ ರದ್ಧಾಂತ ಆದ್ಮೇಲೆ, ಬೇಸತ್ತ ವಿಜಯಲಕ್ಷ್ಮಿ ಪೊಲೀಸ್​ ಠಾಣೆಗೆ ದೂರು ನೀಡಲು ಹೋಗಿದ್ದಾರೆ. ಆದ್ರೆ, ಠಾಣೆಯಲ್ಲಿ ದೂರು ಸ್ವೀಕರಿಸಿಲ್ಲ. ಬಳಿಕ ಮಹಿಳಾ ಆಯೋಗಕ್ಕೂ ದೂರು ನೀಡಲು ಮುಂದಾಗಿದ್ದಾರೆ. ಆದ್ರೆ, ಇನ್ನೂ ದೂರು ಕೊಟ್ಟಿಲ್ಲ. ಈ ಮಧ್ಯೆ, ರಾಜಕಾರಣಿಯೊಬ್ಬರು ಎಂಟ್ರಿಯಾಗಿದ್ದಾರೆ ಎನ್ನಲಾಗಿದೆ.