ಪತ್ನಿಯತ್ತ ತಿರುಗಿ ಕೈಬೀಸಿ ದೆಹಲಿಗೆ ಹೊರಟ ಡಿಕೆಶಿ, ಏನಾಗಬಹುದು ಅಲ್ಲಿ..?

ಬೆಂಗಳೂರು : ಕಾಂಗ್ರೆಸ್‌ ನಾಯಕ ಡಿಕೆ ಶಿವಕುಮಾರ್‌ ದೆಹಲಿಗೆ ತೆರಳಿದ್ದು ಇಂದು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳ ಎದುರು ಹಾಜರಾಗಲಿದ್ದಾರೆ.

ದೆಹಲಿಗೆ ಹೊರಡುವ ಮುನ್ನ ಪತ್ರಿಕಾಗೋಷ್ಟಿಯಲ್ಲಿ ಮಾತನಾಡಿ, ತಮ್ಮ ಮೇಲಿನ ಆರೋಪ ಹಾಗೂ ಷಡ್ಯಂತ್ರದ ಕುರಿತು ಮಾಧ್ಯಮಗಳಿಗೆ ವಿವರಿಸಿದರು. ನಂತರ ತಮ್ಮ ನಿವಾಸದಿಂದ ದೆಹಲಿಗೆ ಹೊರಡುವಾಗ ತಮ್ಮ ಪತ್ನಿಯತ್ತ ತಿರುಗಿ ಟಾಟಾ ಮಾಡಿದರು. ದೆಹಲಿಯಲ್ಲಿ ಡಿಕೆ ಶಿವಕುಮಾರ್‌ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳ ಮುಂದೆ ಹಾಜರಾಗಲಿದ್ದಾರೆ. ಡಿಕೆ ಶಿ ಜೊತೆ ಅವರ ಸ್ನೇಹಿತರನ್ನೂ ವಿಚಾರಣೆಗೆ ಒಳಪಡಿಸುವ ಸಾಧ್ಯತೆ ಇದೆ.

ಜಾರಿ ನಿರ್ದೇಶನಾಲಯ ಹೆಚ್ಚಿನ ತನಿಖೆಗೆ ಡಿಕೆಶಿಯರನ್ನ ವಶಕ್ಕೆ ಪಡೆಯಬಹುದು, ಹಾಗಾದರೆ ಈ ಬಾರಿಯ ಗಣೇಶ ಚತುರ್ಥಿ ದೆಹಲಿಯಲ್ಲೇ ಕಳೆಯಬಹುದು. ಈ ಕಾರಣದಿಂದಲೇ ಡಿಕೆಶಿ ಇಂದು ಅಜ್ಜಯ್ಯನ ಗದ್ದುಗೆ ಪೂಜೆ ಮಾಡಿದ್ದರು, ಹಾಗೂ ವಿನಯ್‌ ಗುರೂಜೀ ಆಶೀರ್ವಾದವನ್ನೂ ಪಡೆದಿದ್ದಾರೆ.