ನಿಮ್ಮ ಶೋ ಶುರುವಾದಾಗ ನಾನು ಜೈಲಿನಲ್ಲಿದ್ದೆ. ನಾನು ಹೊರಗೆ ಬಂದಾಗ ಶೋನೇ ರದ್ದಾಗಿತ್ತು : ಸಂಜಯ್​ ದತ್​ ಹೀಗೆ ಹೇಳಿದ್ಯಾಕೆ..?

ರೈಸಿಂಗ್ ಕನ್ನಡ : ಕಪಿಲ್ ಶರ್ಮಾ ಶೋ, ಹಿಂದಿಯಲ್ಲಿ ತುಂಬಾ ಪ್ಯಾಪುಲರ್ ಶೋ ಅನ್ನೋದರಲ್ಲಿ ಎರಡು ಮಾತಿಲ್ಲ. ಈ ಕಾಮಿಡಿ ಶೋಗೆ ಹೋಗದ ಸ್ಟಾರ್​ಗಳೇ ಇಲ್ಲ. ಇತ್ತೀಚೆಗೆ ನಮ್ಮ ಕಿಚ್ಚ ಸುದೀಪ್ ಕೂಡ ಈ ಶೋನಲ್ಲಿ ಭಾಗಿಯಾಗಿದ್ರು. ಈಗ ಬಾಲಿವುಡ್​ ನಟ ಸಂಜಯ್ ದತ್​ ಹಾಗೂ ಪತ್ನಿ ಮಾನ್ಯತಾ ದತ್​ ಕಪಿಲ್ ಶರ್ಮಾ ಶೋನಲ್ಲಿ ಭಾಗಿಯಾಗಿದ್ರು. ಸಂಜಯ್ ದತ್ ಮುಂದಿನ ಸಿನಿಮಾ ಪ್ರಸ್ಥಾನಂ ಚಿತ್ರದ ಪ್ರಮೋಷನ್ ಭಾಗವಾಗಿ ಈ ಶೋನಲ್ಲಿ ದತ್​ ಪಾಲ್ಗೊಂಡಿದ್ರು.

ಇದು ಸಂಜಯ್​ ದತ್ ಮೊದಲ ಶೋ. ಈ ವೇಳೆ ಕಪಿಲ್ ಶರ್ಮಾ ಒಂದು ಮಾತು ಕೇಳ್ತಾರೆ. ಯಾಕೆ ನೀವು ನಮ್ಮ ಶೋಗಳಿಂದ ದೂರ ಇರ್ತೀರಾ ಅಂತ. ಇದಕ್ಕೆ ಹಾಸ್ಯವಾಗಿ ಉತ್ತರ ಕೊಟ್ಟ ಸಂಜಯ್​ ದತ್, ನಿಮ್ಮ ಶೋ ಯಾವಾಗ ಆರಂಭವಾಯ್ತೋ ಆಗ ನಾನು ಜೈಲಿನಲ್ಲಿದ್ದಾರೆ. ಜೈಲಿಂದ ನಾನು ಹೊರಗೆ ಬಂದು ನೋಡಿದ್ರೆ, ನಿಮ್ಮ ಶೋನೇ ಇರಲಿಲ್ಲ ಎಂದ್ರು.

ಸಂಜು ಬಾಬಾ ಭಾಗಿಯಾಗಿಯಾಗಿದ್ದ ಈ ಶೋ ಇನ್ನೂ ಏರ್​ ಆಗಿಲ್ಲ. ಪ್ರಚಾರದ ಭಾಗವಾಗಿ ಸೋನಿ ಟಿವಿ, ಇನ್​​ಸ್ಟಾ ಗ್ರಾಂನಲ್ಲಿ ಪ್ರೋಮೋ ಬಿಟ್ಟಿದ್ದು, ಸಂಜು ನೋಡಲು ಪ್ರೇಕ್ಷಕರು ತುದಿಗಾಲಲ್ಲಿ ನಿಂತಿದ್ದಾರೆ.

ತುಂಬಾ ಗ್ಯಾಪ್​ ತಗೊಂಡು ಸಂಜು ಸಿನಿಮಾ ಮಾಡಿದ್ದಾರೆ. ಪ್ರಸ್ಥಾನಂ ಪೊಲಿಟಿಕಲ್ ಥ್ರಿಲ್ಲರ್​ ಸಿನಿಮಾ ಆಗಿದ್ದು, ತೆಲುಗಿನ ಪ್ರಸ್ಥಾನಂ ಚಿತ್ರದ ರಿಮೇಕ್​.