ರೈಸಿಂಗ್ ಕನ್ನಡ ಆರೋಗ್ಯ : ಬಹುತೇಕರಿಗೆ ನಾಲಿಗೆಯಲ್ಲಿ ಹುಣ್ಣು ಆಗೋದು ಸಹಜ. ಇದನ್ನ ನಾಲಿಗೆ ಪೋಟು ಅಂತ ಕರೀತಾರೆ. ಸಾಮಾನ್ಯವಾಗಿ ನಾಲಿಗೆ ಹುಣ್ಣು ಅಂತಲೇ ಕರೀತಾರೆ. ಈ ನಾಲಿಗೆ ಹುಣ್ಣಿನಲ್ಲಿ ಬೇರೆ ಬೇರೆ ವಿಧಗಳಿವೆ. ನಾಲಿಗೆ ಕೆಂಪಾಗಿದ್ದು ಆಹಾರ ಸೇವಿಸುವಾಗ, ಖಾರ ತಿಂದಾಗ ಹೆಚ್ಚು ಉರಿ ಉಂಟಾಗದೆ ಇದ್ದರೆ ಅದು ಮಾಮೂಲಿ ಹುಣ್ಣು. ಇದರಿಂದ ತೊಂದರೆ ಆಗುವುದಿಲ್ಲ. ಇದನ್ನ ಮೀಡಿಯಂ ರಾಂಬಾಯಿಡ್ ಗ್ಲಾಸೈಟಿಸ್ ಎಂದು ಕರೆಯುತ್ತಾರೆ.
ಆದರೆ ಊಟ ಮಾಡುವುದೇ ಕಷ್ಟವಾಗುತ್ತದೆ.
ಖಾರ ತಗುಲಿದಾಗ ಭಾರೀ ಉರಿ ಉಂಟಾದರೆ ಎಂದರೆ, ಅದು ನಾಲಿಗೆ ಹುಣ್ಣು ಎಂದು ಅರ್ಥ. ನಾಲಿಗೆಯ ಮೆಲೆ ಅಲ್ಲಲ್ಲಿ
ಬೆಳ್ಳಗಾಗಿ, ಮಧ್ಯೆ ಮಧ್ಯೆ ಕೆಂಪಾಗಿ ನಾಲಿಗೆ ಮೇಲೆ ಚಿತ್ರ ಬಿಡಿಸಿದಂತೆ ಇದ್ದರೆ ಅದು (ಜಾಗ್ರಫಿಕಲ್
ಟಂಗ್) ನಾಲಿಗೆ ಹುಣ್ಣಲ್ಲ .
ನಾಲಿಗೆಗೆ ಗಾಯವಾಗಿ, ಊಟ
ಮಾಡುವಾಗ ಅಸಾಧ್ಯವಾದ ಉರಿ ಉಂಟಾಗುವುದು ಹುಣ್ಣು.
ಇದಕ್ಕೆ ಬಿ- ವಿಟಮಿನ್ ಕೊರತೆ ಕಾರಣ . ರೈಬೋ ಫ್ಲೆವಿನ್ ನಿಯಾಸಿನ್ ಮೈಡ್ ಕಡಿಮೆಯಾದರೆ, ನಾಲಿಗೆ ಕೆಂಪಾಗುತ್ತದೆ.
ಅದೇ ಫೋಲಿಕ್ ಆ್ಯಸಿಡ್, ಬಿ-12 ಕಡಿಮೆಯಾದರೆ ನಾಲಿಗೆ ನುಣುಪಾಗುತ್ತದೆ .
ನಾಲಿಗೆ ಮೇಲೆ ಗ್ರಂಥಿಗಳಿರುತ್ತವೆ.
ಇವು ಕಡಿಮೆಯಾದರೂ ನಾಲಿಗೆ ನುಣಪಾಗುತ್ತದೆ (ಗ್ಲಾಸೈಟಿಸ್). ನಾಲಿಗೆ ಕೆಂಪಾಗಿ ಕಾಣಲು ಬಿ-ವಿಟಮಿನ್
ಕೊರತೆಯೊಂದೇ ಕಾರಣವಲ್ಲ, ಐರನ್ ( ಕಬ್ಬಿನಾಂಶ ) ಕೊರತೆಯಿಂದ ಉಂಟಾಗುವ ರಕ್ತಹೀನತೆಯೂ ಕಾರಣವಾಗಬಹುದು.
ದೀರ್ಘಕಾಲ ಆ್ಯಂಟಿ ಬಯೋಟಿಕ್ಸ್ ಸೇವಿಸಿದಾಗ ಕರುಳಿನಲ್ಲಿ ಒಳ್ಳೆಯ ಬ್ಯಾಕ್ಟೀರಿಯಾಗಳು ನಾಶವಾಗುವುದರಿಂದಲೂ
ನಾಲಿಗೆ ಹುಣ್ಣಾಗಬಹುದು. ದೀರ್ಘಕಾಲದ ಭೇದಿ, ಪೋಷಕಾಂಶಗಳ ಕೊರತೆಗಳೂ ಇದಕ್ಕೆ ಕಾರಣವಾಗುತ್ತವೆ.. ಮೆಣಸು
ಕಾಳು, ಮೆಣಸಿನ ಪುಡಿ, ಅಧಿಕ ಮಸಾಲೆ, ಶುಂಠಿ ಮುಂತಾದವನ್ನು ಹೆಚ್ಚು ತಿನ್ನುವುದರಿಂದಲು ನಾಲಿಗೆಯ
ಮೇಲೆ ಈ ರೀತಿ ಬಿಳಿ- ಕೆಂಪು ಮಚ್ಚೆಗಳಾಗಬಹುದು. NSAIDಮಾದರಿಯ
ನೋವು ನಿವಾರಕಗಳನ್ನು ಹೆಚ್ಚು ಸೇವಿಸುವುದರಿಂದಲೂ ಹೀಗೆ ಆಗುತ್ತದೆ.
ಕೆಲವು ಚರ್ಮ ರೋಗಗಳು ಸಹ
ಇದಕ್ಕೆ ಕಾರಣವಾಗುತ್ತದೆ. ಇಂತಹ ಸಮಸ್ಯೆಗಳನ್ನ ಎದುರಿಸುವವರು ಅದನ್ನು ನಿರ್ಲಕ್ಷಿಸದೆ ಒಮ್ಮೆ ಅನುಭವಿ,
ತಜ್ಞರ ವೈದ್ಯರನ್ನು ಭೇಟಿ ಮಾಡಿ ತೋರಿಸಿಕೊಳ್ಳುವುದು ಒಳ್ಳೆಯದು. ಹಾಗೆಯೇ ಖಾರ, ಮಸಾಲೆ ಮುಂತಾದವುಗಳನ್ನು
ಕಡಿಮೆ ಮಾಡಿ , ಫ್ರೆಷ್ (ತಾಜಾ ) ತರಕಾರಿ, ಸೊಪ್ಪು , ಹಣ್ಣುಗಳನ್ನು ಹೆಚ್ಚು ಸೇವಿಸಬೇಕು.
