ನಾನು ರೇಪ್​ ಮಾಡಿಲ್ಲ. ದುಡ್ಡು ಕದ್ದಿಲ್ಲ. ಸುಮ್ನೆ ಟೆನ್ಷನ್​ ಯಾಕ್ರೀ..? ಡಿಕೆಶಿ ಹೇಳಿದ್ದೇನು..?

ಬೆಂಗಳೂರು : ಅಕ್ರಮವಾಗಿ ಹಣ ಸಿಕ್ಕಿದ್ದ ಪ್ರಕರಣದಲ್ಲಿ ಈಗಾಗಲೇ ಡಿಕೆ ಶಿವಕುಮಾರ್​ಗೆ ಇಡಿ ಸಮನ್ಸ್​ ಜಾರಿ ಮಾಡಿದೆ. ನಿನ್ನೆಯೇ ಇಡಿ ಸಮನ್ಸ್​ ಜಾರಿ ಮಾಡಿದ್ರೂ, ಡಿಕೆಶಿ ಮುಂದೇನು ಮಾಡ್ತಾರೆ ಅನ್ನೋ ಕುತೂಹಲ ಎಲ್ಲರಲ್ಲೂ ಕಾಡ್ತಿದೆ. ನಿನ್ನೆ ರಾತ್ರಿಯಿಂದಲೇ ವಕೀಲರು, ನಾಯಕರನ್ನ ಭೇಟಿಯಾಗಿ ಚರ್ಚೆ ನಡೆಸುತ್ತಲೇ ಇದ್ದಾರೆ. ಆದ್ರೆ, ಡಿಕೆಶಿ ಟೆನ್ಷನ್​ ಮಾಡಿಕೊಂಡಿಲ್ವಂತೆ.

ಇವತ್ತು ಬೆಳಗ್ಗೆ ಸದಾಶಿವನಗರದ ತಮ್ಮ ನಿವಾಸದ ಬಳಿ ಮಾತ್ನಾಡಿದ ಡಿಕೆ ಶಿವಕುಮಾರ್​, ಮಾಧ್ಯಮಗಳ ವಿರುದ್ಧ ಕೆಂಡಾಮಂಡಲರಾದ್ರು. ನಾನೇನು ರೇಪ್​ ಮಾಡಿಲ್ಲ ರೀ.. ನಾನು ಯಾವ ದುಡ್ಡು ಕದ್ದಿಲ್ಲ. ನೀವೆಲ್ಲಾ ಅದ್ಕೊಂಡಂಗೆ ನಾನು ಟೆನ್ಷನ್ನೂ ಆಗಿಲ್ಲ. ನೀವೂ ಅಷ್ಟೇ ಸುಮ್ಮನೆ ಟೆನ್ಷನ್ ಮಾಡ್ಕೋಬೇಡಿ ಅಂತ ಡಿಕೆಶಿ ಹೇಳಿದ್ರು.

ಇದೇ ವೇಳೆ ಮಾತ್ನಾಡಿದ ಅವ್ರು, ದಿಲ್ಲಿಗೆ ಫ್ಲೈಟ್ ಬುಕ್​ ಮಾಡಿದ್ದೀನಿ. ದೆಹಲಿಗೆ ಹೋಗ್ತಿದ್ದೀನಿ. ಮಧ್ಯಾಹ್ನ 1 ಗಂಟೆಗೆ ಬರೋಕೆ ಇಡಿ ಅವರು ಹೇಳಿದ್ದಾರೆ ಅಂದ್ರು. ಇನ್ನೂ ಲಾಯರ್ ಮೀಟ್​ ಮಾಡಬೇಕು. ಇನ್ನೂ ಒಂದೆರಡು ಗಂಟೆ ಕಮಿಟ್​​ಮೆಂಟ್​ ಇದೆ. ನನಗೂ ಪರ್ಸನಲ್ ಕೆಲಸ ಇರುತ್ತೆ. ಸುಮ್ಮನೆ ನನ್ನನ್ನ ಯಾರೂ ಫಾಲೋ ಮಾಡಬೇಡಿ ಅಂತ ಖಡಕ್​ ವಾರ್ನಿಂಗ್ ಕೂಡ ನೀಡಿದ್ರು.

ಇನ್ನು, ಇವತ್ತು ಡಿಕೆಶಿ ದೆಹಲಿಗೆ ಹೋಗೋದು ಪಕ್ಕಾ ಆಗಿದೆ. ಆದ್ರೆ, ಸುಪ್ರೀಂಕೋರ್ಟ್​ನಲ್ಲಿ ಅರ್ಜಿ ಸಲ್ಲಿಸ್ತಾರಾ ಅಥವಾ ಡೈರೆಕ್ಟಾಗಿ ಇಡಿ ವಿಚಾರಣೆಗೆ ಹಾಜರಾಗ್ತಾರಾ ಅನ್ನೋದು ತಿಳಿಯಬೇಕಿದೆ.