ಜ್ಯೋತಿಷ್ಯ
ನಂಬರ್ 7ರ ಮಹಿಮೆ ಎಷ್ಟು ಗೊತ್ತಾ
ನಂಬರ್ 7ರ ಮಹಿಮೆ ಎಷ್ಟು ಗೊತ್ತಾ..? 7 ಕೆಟ್ಟದ್ದಲ್ಲ.. ತುಂಬಾ ಒಳ್ಳೇದು..!
ಸಾಕಷ್ಟು ಮಂದಿ ತಮ್ಮ ಲಕ್ಕಿ ನಂಬರ್ ಎಷ್ಟು ಅನ್ನೋದನ್ನ ತುಂಬಾ ತಲೆ ಕೆಡಿಸಿಕೊಳ್ತಾರೆ. ಅದ್ರಲ್ಲೂ ನಂಬರ್ ಏಳು ಇದ್ರಂತೂ, ಅಯ್ಯೋ ಏನ್ ಗ್ರಹಚಾರವೋ ಏನೋ ಅಂದುಕೊಳ್ತಾರೆ. ಯಾಕಂದ್ರೆ, ಬಹಳಷ್ಟು ಮಂದಿ 7ರ ಅಂಕಿಯನ್ನು ಕೆಟ್ಟದ್ದು ಎಂದು ಭಾವಿಸಿರುತ್ತಾರೆ. ಆದ್ರೆ, ಭಾರತೀಯರಿಗೆ 7ನೇ ನಂಬರ್ ಕೆಟ್ಟದ್ದು ಅಲ್ಲವೇ ಅಲ್ಲ. 7ನೇ ಅಂಕಿ ಅತ್ಯಂತ ಶ್ರೇಷ್ಠವಾದದ್ದು ಎಂಬುದಕ್ಕೆ ಸಾಕಷ್ಟು ಉದಾಹರಣೆಗಳಿವೆ. ಇಷ್ಟಕ್ಕೂ 7ನೇ ಅಂಕಿ ಯಾಕೆ ಒಳ್ಳೆಯದ್ದು ಅನ್ನೋದನ್ನ ನೋಡೋಣ ಬನ್ನಿ..
ಭಾರತದಲ್ಲಿ ಸಪ್ತದ್ವೀಪ ಬಹಳ ಪ್ರಾಮುಖ್ಯತೆ ಪಡೆದಿದೆ. ಸಪ್ತ ದ್ವೀಪಗಳಲ್ಲಿ ಜಂಬು, ಪ್ಲಕ್ಷ, ಶುಕ, ಕ್ರೌಂಚ, ಶಾಕ, ಶಾಲ್ಮಲಿ, ಪುಷ್ಕರ.
ಅದ್ರಂತೆ ಸಪ್ತ ಪರ್ವತಗಳು ಕೂಡ ಮಹತ್ವ ಪಡೆದಿವೆ. ಹಿಮಪರ್ವತ, ನಿಷಧ, ವಿಂಧ್ಯಾಮಾಲ, ಪಾರಿಯಾ, ತ್ರಕ, ಗಂಧಮಾದನ, ಹೇಮಕೂಟ ಸಪ್ತ ಪರ್ತವಗಳು.
ಇಷ್ಟೇ ಅಲ್ಲದೆ, ಸಪ್ತ ಮೇಲಣ ಲೋಕ ಎನ್ನುವ ಪದವನ್ನ ನಾವೆಲ್ಲಾ ಕೇಳಿದ್ದೇವೆ. ಇವುಗಳಲ್ಲಿ ಭೂಲೋಕ, ಭುವಲೋಕ, ಸುವಲೋಕ, ಮಹೋಲೋಕ, ಜನೋಲೋಕ, ತಪೋಲೋಕ, ಸತ್ಯಲೋಕ ಸೇರಿವೆ.
ಸಪ್ತ ಮೇಲಣ ಲೋಕ ಹೇಗಿದೆಯೋ, ಅದೇ ರೀತಿ ಸಪ್ತ ಕೆಳಲೋಕ ಕೂಡ ಇದೆ. ಅತಳ, ವಿತಳ, ಸುತಳ, ರಸಾತಳ, ತಳಾತಳ, ಪಾತಾಳ, ನರಕಗಳು ಸಪ್ತ ಕೆಳಲೋಕಗಳು.
ಇನ್ನು, ಸಪ್ತ ಸಮುದ್ರ ಸಾಕಷ್ಟು ಚಾಲ್ತಿಯಲ್ಲಿರುವ ಪದ. ಸಪ್ತ ಸಮುದ್ರ ಅಂದ್ರೆ ಲವಣ, ಇಕ್ಷು, ಸುರಾ, ಸರ್ಪಿ, ದಧಿ, ಕ್ಷೀರ ಮತ್ತು ಅಮೃತ.
ಸಪ್ತ ಸಮುದ್ರದಂತೆ ಸಪ್ತ ನದಿಗಳು ಭಾರತೀಯರ ಪವಿತ್ರ ನದಿಗಳು. ಅದ್ರಲ್ಲಿ ಗಂಗಾ, ಯಮುನಾ, ಗೋದಾವರಿ, ಸರಸ್ವತಿ, ನರ್ಮದಾ, ಸಿಂಧೂ, ಕಾವೇರಿ ಸೇರಿವೆ.
ಭಾರತೀಯ ಶಾಸ್ತ್ರಗಳಲ್ಲಿ ಸಪ್ತಧಾತುವನ್ನು ಕೂಡ ಬಳಕೆ ಮಾಡುತ್ತೇವೆ. ಅದರಲ್ಲಿ ರಕ್ತ, ಮಾಂಸ, ಮೇಧಸ್ಸು, ಮಜ್ಜೆ, ವೀರ್ಯ, ಆಸ್ತಿ, ರಸ ಸೇರಿವೆ.
ಸಪ್ತ ವ್ಯಸನಗಳು ನಮ್ಮಲ್ಲಿವೆ. ತನು, ಪತ್ನಿ, ಪುತ್ರ, ಐಶ್ವರ್ಯ, ಅಧಿಕಾರ, ಆರೋಗ್ಯ, ಅಜ್ಞಾನ.
ಸಪ್ತ ವರ್ಣಗಳು : ನೇರಳೆ, ಬೂದು, ನೀಲಿ, ಹಸಿರು, ಕಿತ್ತಳೆ, ಹಳದಿ, ಕೆಂಪು.
ಸಪ್ತ ಸ್ವರಗಳು : ಸ, ರಿ, ಗ, ಮ, ಪ, ದ, ನಿ..
ಸಪ್ತ ಲೋಹಗಳು : ಬಂಗಾರ, ಬೆಳ್ಳಿ, ತಾಮ್ರ, ಹಿತ್ತಾಳೆ, ಕಂಚು, ಸೀಸ, ತವರ..
ಏಳನೇ ಅಂಕಿಯನ್ನ ನಾವು ಪ್ರತಿದಿನ ನಮ್ಮ ಜೀವನದಲ್ಲಿ ಬಳಸುತ್ತೇವೆ. ಇದ್ರಿಂದಾಗಿ 7ನೇ ಅಂಕಿ ಕೆಟ್ಟದ್ದು ಎನ್ನುವುದು ಶುದ್ಧ ಸುಳ್ಳು. ಏಳನೇ ಅಂಕಿ ದಿನ ನಿತ್ಯದ ನಮ್ಮ ಅವಿಭಾಜ್ಯ ಅಂಗವೇ ಆಗಿಬಿಟ್ಟಿದೆ.
