ಧೋನಿಯ ಆ ಫಿಟ್​​ನೆಸ್​​ ರನ್ನಿಂಗ್​ ಮರೆಯಲ್ಲ : ಆ ದಿನಗಳ ನೆನಪನ್ನು ಕೊಹ್ಲಿ ಈಗ ಹೇಳಿದ್ದು ಯಾಕೆ.?

ರೈಸಿಂಗ್ ಕನ್ನಡ ಸ್ಪೋರ್ಟ್ಸ್ : 2016, ಮಾರ್ಚ್​ 27. ಟಿ-20 ವಿಶ್ವಕಪ್​ನಲ್ಲಿ ಭಾರತ ಆಸ್ಟ್ರೇಲಿಯಾ ಮ್ಯಾಚ್​. ಭಾರತಕ್ಕೆ ಗೆಲ್ಲಲು 161 ಟಾರ್ಗೆಟ್​ ಇತ್ತು. ಆದ್ರೆ, ಐದು ಪ್ರಮುಖ ವಿಕೆಟ್​ಗಳು ಹೋಗಿದ್ವು. ಆಗ ಕ್ರೀಸ್​ನಲ್ಲಿ ಇದ್ದವರು ವಿರಾಟ್​ ಕೊಹ್ಲಿ ಮತ್ತು ಧೋನಿ. ಪ್ರತಿ ಬಾಲ್​ಗೂ ಡಬಲ್​ ರನ್​ ಬೇಕಿತ್ತು. ಔಟಾದ್ರೆ, ವಿಕೆಟ್​ಗಳಿಲ್ಲ. ಇಂಥಹ ಕಷ್ಟಕರ ಸಂದರ್ಭದಲ್ಲಿ ಕೊಹ್ಲಿಗೆ ನೆರವು ನೀಡೋದ್ರ ಜೊತೆ ವಿಕೆಟ್​ಗಳ ಮಧ್ಯೆ ರನ್​ ಓಡುವುದು ಹೇಗೆ ಅಂತ ಹೇಳಿಕೊಟ್ಟವರೇ ಎಂ.ಎಸ್. ಧೋನಿ.

ಹೀಗಂತ ಹೇಳಿದವರು ಸ್ವತಃ ವಿರಾಟ್​ ಕೊಹ್ಲಿ. ಹಿಂದಿನ ಪಂದ್ಯವನ್ನ ನೆನಪು ಮಾಡ್ಕೊಂಡಿರೋ ಧೋನಿ, ನನ್ನ ಫಿಟ್​ನೆಸ್​ ಅದ್ಭುತವಾಗಿರಲು ಧೋನಿ ಕಾರಣ. ಆ ದಿನವನ್ನ ನಾನು ಮರೆಯಲು ಸಾಧ್ಯವಿಲ್ಲ. ಥ್ಯಾಂಕ್ಯೂ ಧೋನಿ ಎಂದು ಟ್ವೀಟ್ ಮಾಡಿ, ಆ ದಿನಗಳನ್ನ ನೆನಪಿಸಿದ್ದಾರೆ ಕೊಹ್ಲಿ.

ಆ ಒಂದು ಆಟವನ್ನ ನಾನು ಎಂದಿಗೂ ಮರೆಯಲಾರೆ. ಆ ವಿಶೇಷ ರಾತ್ರಿ.. ಫಿಟ್​​ನೆಟ್​ ಟೆಸ್ಟ್​​ಗೆ ಓಡಿಸುವಂತೆ ನನ್ನನ್ನ ಓಡಿಸಿದ್ರು ಧೋನಿ ಎಂದು ಕೊಹ್ಲಿ ಹೇಳಿದ್ದಾರೆ.

ಆಸ್ಟ್ರೇಲಿಯಾ ವಿರುದ್ಧದ ಆ ಪಂದ್ಯದಲ್ಲಿ ಭಾರತ ಇನ್ನೂ ಐದು ಎಸೆಗಳು ಬಾಕಿ ಇರುವಂತೆ ಜಯಗಳಿತ್ತು. ಧೋನಿ 10 ಎಸೆತಗಳಲ್ಲಿ 18 ರನ್​ ಗಳಿಸಿದ್ರೆ, ವಿರಾಟ್ ಕೊಹ್ಲಿ ಅಜೇಯರಾಗಿ 82ರನ್​ ಗಳಿಸಿದ್ರು. ಇಂಥಹ ಆಟ ಯಾವಾಗಲು ನೆನಪಿನಲ್ಲಿ ಉಳಿಯುತ್ತೆ ಎಂದು ಕೊಹ್ಲಿ ಖುಷಿ ಹಂಚಿಕೊಂಡಿದ್ದಾರೆ.

ಧೋನಿ ನಿವೃತ್ತಿ ಪಡೀತಾರೆ ಎನ್ನುವ ಸಂದರ್ಭದಲ್ಲೇ ಕೊಹ್ಲಿ ಈ ಟ್ವೀಟ್ ಮಾಡಿರೋದು ಸಾಕಷ್ಟು ಪ್ರಾಮುಖ್ಯತೆ ಪಡೆದುಕೊಂಡಿದೆ.