ದೆಹಲಿಯಲ್ಲಿ ಡಿಕೆಶಿ ಪುತ್ರಿ ಐಶ್ವರ್ಯ : ನಾಳೆ ಇಡಿ ವಿಚಾರಣೆ, ಏನೆಲ್ಲಾ ಪ್ರಶ್ನಾವಳಿ.?

ನವದೆಹಲಿ : ಅಕ್ರಮ ಹಣ ಗಳಿಕೆ ವಿಚಾರವಾಗಿ ಡಿಕೆ ಶಿವಕುಮಾರ್ ಪುತ್ರಿ, ಐಶ್ವರ್ಯಗೂ ಇಡಿ ಕಂಟಕ ಶುರುವಾದಂತೆ ಕಾಣ್ತಿದೆ. ಇಡಿ ನೀಡಿದ್ದ ಸಮನ್ಸ್​​ಗೆ ಉತ್ತರ ನೀಡಲು, ಡಿಕೆಶಿ ಪುತ್ರಿ ಐಶ್ವರ್ಯ ದೆಹಲಿ ತಲುಪಿದ್ದಾರೆ. ಇವತ್ತು ಬೆಳಗ್ಗೆ ಬೆಂಗಳೂರಿನ ಸದಾಶಿವನಗರದ ತಮ್ಮ ನಿವಾಸದಿಂದ ಹೊರಟ ಐಶ್ವರ್ಯ ಸಂಜೆ ದೆಹಲಿ ತಲುಪಿದ್ರು.

22 ವರ್ಷದ ಐಶ್ವರ್ಯ ಹೆಸರಿನಲ್ಲಿ 108 ಕೋಟಿ ಆಸ್ತಿ ದೆ. ಎಂಬಿಎ ಪದವೀಧರೆಯಾಗಿರೋ ಐಶ್ವರ್ಯ ಹೆಸರಲ್ಲಿ ಇಷ್ಟೊಂದು ಆಸ್ತಿ ಬಂದಿದ್ದು ಹೇಗೆ ಅನ್ನೋದೇ ಇಡಿಯ ಪ್ರಶ್ನೆ. ಹೀಗಾಗಿ, ಐಶ್ವರ್ಯ ಅವರನ್ನ ವಿಚಾರಣೆಗೆ ಒಳಪಡಿಸಲು, ಇಡಿ ಎಲ್ಲಾ ರೀತಿಯ ಸಿದ್ಧತೆ ಮಾಡಿಕೊಂಡಿದ್ದು, ಹಲವು ರೀತಿಯ ಪ್ರಶ್ನೆಗಳನ್ನ ಸಿದ್ಧತೆ ಮಾಡಿಕೊಂಡಿದೆ ಎನ್ನಲಾಗಿದೆ.

ಐಶ್ವರ್ಯಗೆ ಇಡಿ ಪ್ರಶ್ನಾವಳಿ ಹೇಗಿರುತ್ತೆ..?

• ಐಶ್ವರ್ಯಗೆ 22 ವರ್ಷ. 108 ಕೋಟಿ ಆಸ್ತಿ ಹೇಗೆ ಬಂತು..?
• ಡಿಕೆಶಿ ಹೆಸರಿನಲ್ಲಿ 618 ಕೋಟಿ ಆಸ್ತಿ ಇದೆ
• 2018ರ ಎಲೆಕ್ಷನ್ ಸಂದರ್ಭದಲ್ಲಿ ಅಫಿಡವಿಟ್​ನಲ್ಲಿ ಈ ಮಾಹಿತಿ ಇದೆ
• ಆದ್ರೆ, 2013ರ ಅಫಿಡವಿಟ್​​ನಲ್ಲಿ ಐಶ್ವರ್ಯ ಆಸ್ತಿ ಕೇವಲ 1.1 ಕೋಟಿ
• ಆಗಿದ್ರೆ, ಕೇವಲ ಐದು ವರ್ಷಗಳಲ್ಲಿ ಮಗಳ ಆಸ್ತಿ 108 ಕೋಟಿ ಹೇಗಾಯ್ತು..?
• ಅಷ್ಟೊಂದು ಆಸ್ತಿ ಯಾವ ಆದಾಯ ಮೂಲಗಳಿಂದ ಬಂತು.?
• ಬೆಳ್ಳಂದೂರು ಬಳಿ 76.1 ಕೋಟಿ ಮೌಲ್ಯದ ಆಸ್ತಿ ಖರೀದಿ ಹೇಗೆ..?

ಈ ರೀತಿಯಾಗಿ ಇಡಿ ಹಲವು ಪ್ರಶ್ನಾವಳಿಗಳನ್ನ ರೆಡಿ ಮಾಡಿಕೊಂಡಿದೆ. ನಾಳೆ ಐಶ್ವರ್ಯ ವಿಚಾರಣೆ ನಡೆಯಲಿದ್ದು, ಎಷ್ಟು ದಿನ ವಿಚಾರಣೆ ನಡೆಯುತ್ತೆ ಅನ್ನೋದರ ಬಗ್ಗೆ ನಾಳೆಯೇ ತಿಳಿಯಲಿದೆ.