ದಂಡಕ್ಕೆ ಹೆದರಿ ಕಾರಿನಲ್ಲೂ ಹೆಲ್ಮೆಟ್​ ಹಾಕಿಕೊಂಡ ಮಹಾನುಭಾವ..! ಅಚ್ಚರಿಯಾದ್ರೂ ಸತ್ಯ..!

ಕೃಪೆ : ANI

ಆಲಿಘಡ : ಬೈಕ್​​ನಲ್ಲಿ ಹೆಲ್ಮೆಟ್​ ಹಾಕಿಲ್ಲ ಅಂದ್ರೆ, ಫೈನ್ ಕಟ್ಬಬೇಕು, ಇದು ಕಾಮನ್. ಆದ್ರೆ, ಇಲ್ಲೊಬ್ಬ ವ್ಯಕ್ತಿ ಕಾರಿನಲ್ಲಿ ಪ್ರಯಾಣ ಮಾಡ್ತಿರೋ ಟೈಮಲ್ಲೂ ಹೆಲ್ಮೆಟ್​ ಹಾಕಿಕೊಂಡು ಅಚ್ಚರಿ ಮೂಡಿಸಿದ್ದಾರೆ. ಯಾಕೆ ಹೀಗೆ, ನೀವು ಕಾರಿನಲ್ಲೂ ಹೆಲ್ಮೆಟ್​ ಹಾಕಿದ್ದೀರಿ ಎಂದು ಪ್ರಶ್ನೆ ಮಾಡಿದ್ರೆ. ಅಯ್ಯೋ.. ಇತ್ತೀಚೆಗೆ ಕಾರಿನಲ್ಲಿ ಹೋಗ್ತಿರೋ ಟೈಮಲ್ಲಿ ಪೊಲೀಸರು ನನಗೆ ಹೆಲ್ಮೆಟ್​ ಹಾಕಿಲ್ಲ ಎಂದು 500 ರೂಪಾಯಿ ದಂಡ ಹಾಕಿದ್ರು. ಹೀಗಾಗಿಯೇ, ಫೈನ್​ ಯಾಕೆ ಕಟ್ಟಬೇಕು ಅಂತ ಕಾರಿನಲ್ಲೂ ಹೆಲ್ಮೆಟ್​ ಹಾಕಿಕೊಂಡಿದ್ದೇನೆಂದು ಉತ್ತರ ನೀಡಿದ್ದಾರೆ.

ಇಷ್ಟಕ್ಕೂ ಈ ಘಟನೆ ನಡೆದಿರೋದು ಉತ್ತರ ಪ್ರದೇಶದ ಆಲಿಘಡ್​ನಲ್ಲಿ. ಹೀಗೆ, ಕಾರಿನಲ್ಲೂ ಹೆಲ್ಮೆಟ್​ ಹಾಕಿಲ್ಲ ಅಂತ ಇ-ಬಿಲ್​ ಕೂಡ ನೀಡಿದ್ದಾರಂತೆ. ಪಿಯೂಶ್​ ಅನ್ನೋ ಈ ವ್ಯಕ್ತಿಯ ಸುದ್ದಿ ವೈರಲ್​ ಆಗ್ತಿದ್ದಂತೆ ಪೊಲೀಸರು ಕೂಡ ಎಚ್ಚೆತ್ತುಕೊಂಡಿದ್ದಾರೆ. ಯಾರೋ ಮಾಡಿರೋ ತಪ್ಪಿನಿಂದ ಈ ರೀತಿಯಾಗಿರಬಹುದು. ಈ ಕುರಿತು ಇ-ಬಿಲ್ ಚೆಕ್​ ಮಾಡಿ, ಸೂಕ್ತ ಕ್ರಮಕೈಗೊಳ್ಳೋದಾಗಿ ಪೊಲೀಸರು ಭರವಸೆ ನೀಡಿದ್ದಾರೆ.

ಅದೇನೇ ಆಗಿರಲಿ, ಇತ್ತೀಚೆಗೆ ಕಾರು, ಬೈಕು ರೋಡಿಗೆ ತೆಗೀಬೇಕು ಅಂದ್ರೆ ಭಯ ಆಗ್ತಿದೆ. ಯಾವುದಕ್ಕೆ ಯಾವ ರೀತಿ ಫೈನ್​ ಹಾಕ್ತಾರೋ, ಸುಮ್ಮ ಸುಮ್ಮನೇ ದಂಡ ಹಾಕ್ತಾರೋ ಅಂತ ಸಾವರ್ಜನಿಕರು ತಮ್ಮ ಭಯ ತೋರಿಸಿಕೊಳ್ತಿದ್ದಾರೆ.