ತನ್ನ ಸಿನಿಮಾ ರಿಲೀಸ್​ ಟೈಮಲ್ಲಿ ಸಾಹೋ ಪ್ರಭಾಸ್​ ಏನ್​ ಮಾಡ್ತಾರೆ ಗೊತ್ತಾ..?

ಮುಂಬೈ : ಹೀಗೊಂದು ಪ್ರಶ್ನೆ ಸಹಜವಾಗಿಯೇ ಕುತೂಹಲ ಹುಟ್ಟಿಸಿದೆ. ಬಾಹುಬಲಿ ಸ್ಟಾರ್​, ಸಾಹೋ ಸ್ಟಾರ್​ ಎಂದೆಲ್ಲಾ ಕರೆಸಿಕೊಳ್ಳುವ ರೆಬೆಲ್​ ಸ್ಟಾರ್​ ಪ್ರಭಾಸ್​, ತನ್ನ ಸಿನಿಮಾ ರಿಲೀಸ್​ ದಿನ ಹಾಗೂ ಹಿಂದಿನ ದಿನ ಏನ್​ ಮಾಡ್ತಾರೆ..? ಇದಕ್ಕೆ ಸಿಕ್ಕ ಉತ್ತರ ನಿದ್ದೆ.

ಹೌದು, ಪ್ರಭಾಸ್​ ತನ್ನ ಸಿನಿಮಾಗಳ ರಿಲೀಸ್​ ದಿನ ಹಾಗೂ ಹಿಂದಿನ ದಿನ ನಿದ್ದೆ ಮಾಡಲು ಪ್ರಯತ್ನ ಮಾಡ್ತಾರಂತೆ. ಆದ್ರೆ, ನಿದ್ದೆನೇ ಬರಲ್ವಂತೆ. ಎಷ್ಟೇ ನಿದ್ದೆ ಮಾಡೋಣ ಅಂದ್ರು, ಟೆನ್ಷನ್​ ಮತ್ತು ಒತ್ತಡದಿಂದ ನಿದ್ದೆನೇ ಬರಲ್ಲ ಎಂದು ಸ್ವತಃ ಪ್ರಭಾಸ್ ಹೇಳಿದ್ದಾರೆ.

ಇತ್ತೀಚೆಗಷ್ಟೇ ತಮ್ಮ ಸಾಹೋ ಚಿತ್ರದ ಪ್ರಮೋಷನ್​ಗೆ ಹಿಂದಿಯ ಖ್ಯಾತ ಕಾಮಿಡಿ ಶೋ ಕಪಿಲ್​ ಶರ್ಮಾ ಶೋಗೆ ಪ್ರಭಾಸ್​ ಹಾಗೂ ಸಾಹೋ ಚಿತ್ರತಂಡ ಭೇಟಿ ನೀಡಿತ್ತು. ಈ ವೇಳೆ, ಕೇಳಲಾದ ಈ ಪ್ರಶ್ನೆಗೆ ಯೆಸ್​ ಎಂದಿರೋ ಪ್ರಭಾಸ್​, ಆದ್ರೆ, ನಿದ್ದೆಯೇ ಬರಲ್ಲ ಎಂದು ಕಾಮಿಡಿ ಜೊತೆ ಟೆನ್ಷನ್​ ಹೊರ ಹಾಕಿದ್ದಾರೆ.

ಪ್ರಭಾಸ್​, ಶ್ರದ್ಧಾ ಕಪೂರ್​ ಅಭಿನಯಿಸಿರೋ ಬಹು ನಿರೀಕ್ಷಿಸಿ ಸಾಹೋ ಸಿನಿಮಾ ಇದೇ ತಿಂಗಳ 30 ರಂದು ವಿಶ್ವಾದ್ಯಂತ ರಿಲೀಸ್​ ಆಗ್ತಿದೆ. ತೆಲುಗು, ತಮಿಳು, ಮಲಯಾಳಂ ಸೇರಿದಂತೆ ಹಿಂದಿಯಲ್ಲೂ ಸಾಹೋ ರಿಲೀಸ್​ ಆಗ್ತಿದ್ದು, ಸಾಕಷ್ಟು ನಿರೀಕ್ಷೆ ಹುಟ್ಟಿಸಿದೆ.