ಡಿಕೆಶಿ ಪತ್ನಿ, ಪುತ್ರಿಯರಿಗೆ ಧೈರ್ಯ ತುಂಬಿದ ಅನಿತಾ ಕುಮಾರಸ್ವಾಮಿ.!

ಬೆಂಗಳೂರು : ಡಿಕೆ ಶಿವಕುಮಾರ್ ಜೈಲು ಸೇರಿರೋದ್ರಿಂದ ಅವರ ನಿವಾಸದಲ್ಲೀಗ ದುಖಃ ಆವರಿಸಿದೆ. ಅದರಲ್ಲೂ ಡಿಕೆಶಿ ಪತ್ನಿ ಹಾಗೂ ಪುತ್ರಿಯರು ಚಿಂತೆಗೀಡಾಗಿದ್ದಾರೆ. ಚಿಂತೆಗೀಡಾಗಿರೋ ಡಿಕೆಶಿ ಪತ್ನಿ ಹಾಗೂ ಪುತ್ರಿಯರಿಗೆ ಶಾಸಕಿ, ಮಾಜಿ ಸಿಎಂ ಪತ್ನಿ ಅನಿತಾ ಕುಮಾರಸ್ವಾಮಿ ಧೈರ್ಯ ತುಂಬಿದ್ದಾರೆ. ಬೆಂಗಳೂರಿನ ಸದಾಶಿವನಗರದಲ್ಲಿರೋ ಡಿಕೆಶಿ ನಿವಾಸಕ್ಕೆ ಭೇಟಿ ನೀಡಿದ ಅನಿತಾ ಕುಮಾರಸ್ವಾಮಿ, ಡಿಕೆಶಿ ಪತ್ನಿ, ಪುತ್ರಿಯರ ಜೊತೆ ಮಾತುಕತೆ ನಡೆಸಿದ್ರು.

ಚಿಂತೆ ಮಾಡಬೇಡಿ, ಧೈರ್ಯದಿಂದ ಇರಿ. ಎಲ್ಲವೂ ಸರಿ ಹೋಗುತ್ತೆ ಎಂದು, ಡಿಕೆಶಿ ಕುಟುಂಬಕ್ಕೆ ಅನಿತಾ ಕುಮಾರಸ್ವಾಮಿ ಧೈರ್ಯ ತುಂಬಿದ್ರು ಎನ್ನಲಾಗಿದೆ.

ಸೆಪ್ಟೆಂರ್ 13ರವರೆಗೆ ಡಿಕೆಶಿಯನ್ನ ಇಡಿ ವಶಕ್ಕೆ ನೀಡಿ ಕೋರ್ಟ್ ಆದೇಶಿಸಿತ್ತು. ಸದ್ಯ ಡಿಕೆಶಿ ಅವರನ್ನ ದೆಹಲಿಯಲ್ಲಿ ಇಡಿ ಅಧಿಕಾರಿಗಳು ವಿಚಾರಣೆಗೆ ಒಳಪಡಿಸಿದ್ದಾರೆ.