ಡಿಕೆಶಿಗೆ ಜೈಲೋ..? ಬೇಲೋ..? : ತಿಹಾರ್​ ಜೈಲಿಗೆ ಹೋಗಬೇಕಾ ಡಿಕೆ ಶಿವಕುಮಾರ್​​​..?

ನವದೆಹಲಿ : ಡಿಕೆ ಶಿವಕುಮಾರ್​ ಅವರ ಇಡಿ ಕಸ್ಟಡಿ ಸೆಪ್ಟೆಂಬರ್​ 13ಕ್ಕೆ ಅಂದ್ರೆ, ನಾಳೆ ಶುಕ್ರವಾರಕ್ಕೆ ಅಂತ್ಯವಾಗಲಿದೆ. ಈ ಹಿನ್ನೆಲೆಯಲ್ಲಿ ನಾಳೆ ಬೆಳಗ್ಗೆ 11 ಗಂಟೆಗೆ ಡಿಕೆಶಿ ಅವರನ್ನ ಇಡಿ ಅಧಿಕಾರಿಗಳು ಮತ್ತೆ ಕೋರ್ಟ್​​ಗೆ ಹಾಜರು ಪಡಿಸಲಿದ್ದಾರೆ. ಹೀಗಾಗಿ, ನಾಳೆ ಡಿಕೆ ಶಿವಕುಮಾರ್ ಅವರಿಗೆ ಜೈಲೋ..? ಅಥವಾ ಬೇಲೋ ಅನ್ನೋ ಕುತೂಹಲ ಮೂಡಿಸಿದೆ.

ಇಡಿ ಅಧಿಕಾರಿಗಳು ಈಗಾಗಲೇ ಸುಮಾರು 14 ದಿನ ಡಿಕೆಶಿ ಅವರನ್ನ ವಿಚಾರಣೆ ನಡೆಸಿದ್ದಾರೆ. ಡಿಕೆಶಿ ಬಂಧನಕ್ಕೂ ಮುನ್ನ 4 ದಿನ ವಿಚಾರಣೆ ನಡೆಸಿದ್ದ ಇಡಿ ಅಧಿಕಾರಿಗಳು, ಬಳಿಕ ಕೋರ್ಟ್​ ಆದೇಶದಂತೆ 10 ದಿನಗಳ ಕಾಲ ಕಸ್ಟಡಿಗೆ ತೆಗೆದುಕೊಂಡು ವಿಚಾರಣೆ ನಡೆಸಿದ್ರು. ಈಗ ನಾಳೆ ಇಡಿ ಕಸ್ಟಡಿ ಮುಗಿಯಲಿದ್ದು, ಮತ್ತಷ್ಟು ದಿನ ಇಡಿ ಅಧಿಕಾರಿಗಳು ಕಸ್ಟಡಿಗೆ ಕೇಳುವ ಸಾಧ್ಯತೆ ಇದೆ.

ಸದ್ಯ ಡಿಕೆಶಿ ಪ್ರಕರಣದಲ್ಲಿ ಡಿಕೆಶಿ ಪುತ್ರಿ ಐಶ್ವರ್ಯಗೆ ಸಮನ್ಸ್​ ನೀಡಿ, ಪುತ್ರಿಯನ್ನೂ ವಿಚಾರಣೆಗೆ ಒಳಪಡಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಡಿಕೆ ಶಿವಕುಮಾರ್ ಅವರನ್ನ ಇನ್ನಷ್ಟು ದಿನ ವಿಚಾರಣೆಗೆ ಒಳಪಡಿಸಬೇಕು ಎಂದು ಇಡಿ ವಾದಿಸೋ ಸಾಧ್ಯತೆ ಇದೆ. ಇತ್ತ, ಡಿಕೆ ಶಿವಕುಮಾರ್ ಮಾತ್ರ ಜಾಮೀನು ಪಡೆದುಕೊಂಡು ಹೊರ ಬರುವ ನಿರೀಕ್ಷೆಯಲ್ಲಿದ್ದಾರೆ.