ಚಂದ್ರಯಾನ 2 ಕಳುಹಿಸಿರೋ ಮೊದಲ ಚಿತ್ರ ಇದೇ ನೋಡಿ : ಚಿತ್ರದಲ್ಲಿ ಏನೇನು ಕಾಣ್ತಿದೆ ಗೊತ್ತಾ..?

ಇಸ್ರೋ : ಬಹು ನಿರೀಕ್ಷಿಸಿ ಚಂದ್ರಯಾನ 2 ಈಗಾಗಲೇ ಚಂದ್ರನ ಕಕ್ಷೆ ಸೇರಿದ್ದು ಗೊತ್ತೇ ಇದೆ. ಆದ್ರೀಗ ಇದೇ ಮೊದಲ ಬಾರಿಗೆ ಚಂದ್ರಯಾನ 2 ನೌಕೆ, ಚಂದ್ರನ ಮೇಲಿನ ಮೊದಲ ಫೋಟೋ ಕಳುಹಿಸಿದೆ. ಈ ಕುರಿತು ಇಸ್ರೋ ಅಧಿಕೃತ ಹೇಳಿಕೆ ಬಿಡುಗಡೆ ಮಾಡಿದ್ದು, ಫೋಟೋ ಕೂಡ ರಿಲೀಸ್ ಮಾಡಿದೆ.

ಇದೋ ನೋಡಿ, ಚಂದ್ರಯಾನ 2 ನೌಕೆಯಲ್ಲಿನ ವಿಕ್ರಮ್​ ಲ್ಯಾಂಡರ್​ ಕಳುಹಿಸಿರೋ ಫೋಟೋ ಎಂದು ಇಸ್ರೋ ಟ್ವೀಟ್​ ಮಾಡಿದೆ. ಚಂದ್ರನ ಕಕ್ಷೆಯಿಂದ ಸರಿ ಸುಮಾರು 2650 ಕಿ.ಮೀ. ದೂರದಿಂದ ತೆಗೆದಿರೋ ಫೋಟೋ ಇದಾಗಿದೆ. ಈ ಫೋಟೋವನ್ನ ಆಗಸ್ಟ್​ 21, 2019ರಂದು ತೆಗೆಯಲಾಗಿದೆ ಎಂದು ಇಸ್ರೋ ಹೇಳಿದೆ.

ಇಸ್ರೋ ಬಿಡುಗಡೆ ಮಾಡಿರೋ ಫೋಟೋದಲ್ಲಿ ಅಪೋಲೋ ಮತ್ತು ಮೇರ್​ ಓರಿಯಂಟಲ್​ ಪ್ರದೇಶ ಕಾಣ್ತಿದೆ. ಮೇರ್ ಓರಿಯಂಟಲ್​ ಪ್ರದೇಶ, ಈ ಹಿಂದೆ ಸಂಶೋಧನೆ ವೇಳೆ ಕಂಡುಬಂದಿದ್ದು, ಇಲ್ಲಿ ನೀರಿನ ಅಂಶ ಇರಬಹುದು ಎನ್ನಲಾಗಿದೆ. ಇದನ್ನ ಮೇರ್ ಓರಿಯಂಟಲ್​ ಜಲಾನಯನ ಪ್ರದೇಶ ಎನ್ನಲಾಗುತ್ತೆ. ಮತ್ತೊಂದು ಅಪೋಲೋ. ಈ ಹಿಂದೆ ನಾಸಾ ಅಪೋಲೋ ಹೆಸರಿನ ನೌಕೆಯನ್ನ ಚಂದ್ರನ ಮೇಲೆ ಕಳುಹಿಸಿತ್ತು. ಈ ವೇಳೆ, ಕೆಲವು ನಿಷ್ಕ್ರಿಯ ಧಾತುಗಳನ್ನ ಅದು ಕಂಡು ಹಿಡಿದಿತ್ತು. ಅದೇ ಪ್ರದೇಶಕ್ಕೆ ಅಪೋಲೋ ಅಂತಲೂ ಕರೀತಾರೆ.

ಈ ಎರಡು ಪ್ರದೇಶಗಳು ಚಂದ್ರಯಾನ 2 ನೌಕೆ ಸೆರೆ ಹಿಡಿದಿದೆ.