ಗಸಗಸೆ ಪಾಯಸ ಮಾಡೋದು ಹೇಗೆ..? ಗಸಗಸೆ ಆರೋಗ್ಯಕ್ಕೆ ಯಾವ ರೀತಿ ಒಳ್ಳೇದು..?

ರೈಸಿಂಗ್ ಕನ್ನಡ ಅಡುಗೆ : ಪ್ರಕೃತಿಯಲ್ಲಿ ಏನೆಲ್ಲಾ ಸಿಗುತ್ತೋ ಅದೆಲ್ಲವೂ ಮನುಷ್ಯನ ಆರೋಗ್ಯದ ಮೇಲೆ ಒಂದಲ್ಲ ಒಂದು ರೀತಿಯಲ್ಲಿ ಪರಿಣಾಮ ಬೀರುತ್ತೆ. ಅದರಲ್ಲಿ ಒಳ್ಳೇದು ಮತ್ತು ಕೆಟ್ಟದ್ದೂ ಇರುತ್ತೆ. ಅದರಂತೆ, ಪ್ರಕೃತಿಯೇ ಪರಿಹಾರವೂ ನೀಡುತ್ತೆ. ಈ ಸಾಲಿಗೆ ಸೇರುತ್ತೆ ಗಸಗಸೆ. ಗಸಗಸೆ ಪಾಯಸ ಸೇವಿಸೋದ್ರಿಂದ ಹಲವು ರೀತಿಯ ಪ್ರಯೋಜನ ಇದೆ. ದೇಹದಲ್ಲಿರುವ ಉಷ್ಣಾಂಶವನ್ನು ಕಡಿಮೆ ಮಾಡುತ್ತದೆ. ಮತ್ತು ದೇಹಕ್ಕೆ ತಂಪು ನೀಡುತ್ತದೆ. 

ಬೇಕಾಗುವ ಪದಾರ್ಥಗಳು :

ಗಸಗಸೆ                                                     –  100 ಗ್ರಾಂ

ಬೆಲ್ಲ                                                         –  ¼ ಕೆ.ಜಿ.

ತೆಂಗಿನ ಕಾಯಿ ತುರಿ                                     –  1 ಕಪ್ಪು

ಹಾಲು                                                      –  2 ಕಪ್ಪು

ತುಪ್ಪ                                                        –  4 ಟೀ ಸ್ಪೂನ್

ದ್ರಾಕ್ಷಿ                                                        –  15 ಗ್ರಾಂ

ಗೋಡಂಬಿ                                                –  10 ಗ್ರಾಂ

ಎಲಕ್ಕಿ                                                       –  4 ರಿಂದ 5

ಮಾಡುವ ವಿಧಾನ : ಒಂದು ಬಾಣಲೆಯಲ್ಲಿ ಗಸಗಸೆಯನ್ನು ಹುರಿಯಬೇಕು. ನಂತರ ಗಸಗಸೆ, ತೆಂಗಿನಕಾಯಿ ತುರಿ ಹಾಗೂ ಎಲಕ್ಕಿಯನ್ನು ಸ್ವಲ್ಪ ನೀರು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ಅದನ್ನು ಒಂದು ದಪ್ಪದ ಪಾತ್ರೆಗೆ ಹಾಕಿ, ಹಾಲು ಸೇರಿಸಿ ಬೇಯಿಸಿ. ಬೇಯಿಸುವಾಗ ತಳ ಹಿಡಿಯದಂತೆ ಆಗಾಗ ಕೆದಕುತ್ತಿರಿ. ಗಸಗಸೆ ಚೆನ್ನಾಗಿ ಬೆಂದ ಮೇಲೆ ಗ್ಯಾಸ್ ಆಪ್ ಮಾಡಿ ಕೆಳಗಿಳಿಸಿ, ಬೆಲ್ಲದ ಪುಡಿಯನ್ನು ಸೇರಿಸಿ. ದ್ರಾಕ್ಷಿ ಮತ್ತು ಗೋಡಂಬಿಯನ್ನು ತುಪ್ಪದಲ್ಲಿ ಹುರಿದು, ಪಾಯಸಕ್ಕೆ ಸೇರಿಸಿದರೆ ರುಚಿಯಾದ ಗಸಗಸೆ ಪಾಯಸ ಸವಿಯಲು ಸಿದ್ದ.