ಶಿವಮೊಗ್ಗ: ಜಿಲ್ಲೆಯ ಪ್ರತಿಷ್ಠಿತ ಗಣಪತಿ ಉತ್ಸವ ರಿಪ್ಪನ್‌ಪೇಟೆಯ ಸಿದ್ದಿವಿನಾಯಕ ಮೆರವಣಿಗೆ ಹಾಗೂ ವಿಸರ್ಜನೆ. ಯಾವಾಗಲೂ ಶಾಂತಿ ಕಾಪಾಡಲು ಅತೀ ಹೆಚ್ಚು ಪೊಲೀಸರನ್ನ ನಿಯೋಜನೆ ಮಾಡಲಾಗುತ್ತೆ. ಇಂತಹದರ ಮಧ್ಯೆಯೂ ಕಿಡಿಗೇಡಿಗಳು ಕಿರಿಕ್‌ ಮಾಡಿದ್ದಾರೆ.
ಆಟೋ ಚಾಲಕ ಧನು, ಸುಜಿತ್‌ ಹಾಗೂ ಜೋಸೆಫ್‌ ಎಂಬುವರು ಗಣಪತಿ ಮೆರವಣಿಗೆಯಲ್ಲಿ ಗಣಪತಿ ಸಮಿತಿ ಸದಸ್ಯರಾದ ಸೂರ್ಯ ಹಾಗೂ ಕುಮಾರ್‌ರಿಗೆ ಚಾಕುವಿನಿಂದ ಇರಿದಿದ್ದಾರೆ, ಗಾಯಗೊಂಡವರಿಬ್ಬರೂ ಜಿಲ್ಲಾಸ್ಪತ್ರೆ ಮೆಗ್ಗಾನ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಎಲ್ಲರೂ ಇಪ್ಪತ್ತೆರಡು – ಇಪ್ಪತ್ಮೂರು ವರ್ಷದ ಆಸುಪಾಸಿನವರಾಗಿದ್ದು ಆರೋಪಿಗಳಿಬ್ಬರು ಸಿಕ್ಕಿದ್ದಾರೆ, ಜೋಸೆಫ್‌ ತಲೆಮರೆಸಿಕೊಂಡಿದ್ದಾನೆಂದು ರಿಪ್ಪನ್‌ಪೇಟೆ ಪೊಲೀಸರು ತಿಳಿಸಿದ್ದಾರೆ.
ಪೊಲೀಸರ ಪ್ರಕಾರ ಇದು ಹಳೇ ವೈಷಮ್ಯ ಆದರೆ ಗಾಯಗೊಂಡಿರುವವರ ಸಂಬಂಧಿಕರು ಆರೋಪಿಗಳು ಮೆರವಣಿಗೆ ಮಧ್ಯೆ ಹೆಣ್ಣುಮಕ್ಕಳ ಡಾನ್ಸ್‌ನಲ್ಲಿ ನುಸುಳಿದ್ದರು, ಇದನ್ನ ಪ್ರಶ್ನಿಸಿದ್ದಕ್ಕೆ ಈ ಕೃತ್ಯ ನಡೆದಿದೆ ಎಂದು ಆರೋಪಿಸುತ್ತಾರೆ.
