Featured
ಕ್ವಾರಿ ಮಾಡಲು ಭೂಮಿ ನೀಡದ ರೈತನ ಮೇಲೆ ಟ್ರ್ಯಾಕ್ಟರ್‌ ಹರಿಸಲು ಹೊರಟ ಮಾಜಿ ಶಾಸಕನ ಸಂಬಂಧಿ
ಮಂಡ್ಯ: ಮಾಜಿ ಸಚಿವ ಹಾಗೂ ನಾಗಮಂಗಲದ ಮಾಜಿ ಶಾಸಕ ಚಲುವರಾಯಸ್ವಾಮಿ ಸಂಬಂಧಿಕರು ರೈತನ ಮೇಲೆ ಟ್ರ್ಯಾಕ್ಟರ್‌ ಹರಿಸಲು ಮುಂದಾದ ಘಟನೆ ನಡೆದಿದೆ. ಉಮೇಶ್‌ ಎಂಬಾತ ಕಲ್ಲುಕ್ವಾರಿಗೆ ಭೂಮಿ ನೀಡಿಲ್ಲ ಎಂದು ರೈತ ಮರಿಗೌಡನ ಮೇಲೆ ಟ್ರ್ಯಾಕ್ಟರ್‌ ಹತ್ತಿಸಲು ಮುಂದಾಗಿದ್ದು ಧಮ್ಕಿ ಕೂಡ ಹಾಕಿದ್ದಾನೆ.
ಮಂಡ್ಯ ಜಿಲ್ಲೆಯ ನಾಗಮಂಗಲ ತಾಲೂಕಿನ ಇಜ್ಜಲಘಟ್ಟ ಗ್ರಾಮದಲ್ಲಿ ಈ ಉಮೇಶ್‌ ಗಣಿಗಾರಿಕೆ ಮಾಡಲು ಅವಕಾಶ ತೆಗೆದುಕೊಂಡಿದ್ದ ಅದಕ್ಕೆ ಹೊಂದಿಕೊಂಡಂತೆ ಮರಿಗೌಡ ಎಂಬಾತನ ಜಮೀನು ಇದೆ, ಈ ಭೂಮಿಯನ್ನೂ ತನಗೆ ನೀಡುವಂತೆ ಹಲವು ಬಾರಿ ಧಮ್ಕಿ ಹಾಕಿದ್ದ, ಆದರೆ ಮರಿಗೌಡ ಮಾತ್ರ ಜಮೀನು ನೀಡದೇ ವ್ಯವಸಾಯ ಮಾಡಿಕೊಂಡಿದ್ದ, ಇದಕ್ಕೆ ಕುಪಿತನಾದ ಉಮೇಶ್‌ ತನ್ನ ಪ್ರಭಾವದಿಂದ ಮರಿಗೌಡನ ಹೊಲದಲ್ಲಿನ ತೆಂಗಿನ ಗಿಡಗಳು, ಡ್ರಿಪ್‌ ಪೈಪ್‌ಗಳನ್ನು ಕಿತ್ತು ಹಾಕಿದ್ದಾನೆ ಎಂದು ಆರೋಪಿಸಲಾಗಿದೆ. ಹಾಗೂ ಮರಿಗೌಡ , ಅವರ ಮಗ, ಮಗಳು ತಾಯಿ, ಹೆಂಡತಿ ಮೇಲೆ ಟ್ರಾಕ್ಟರ್ ಹರಿಸಿ ಕೊಲೆ ಮಾಡಲು ಯತ್ನಿಸಿದ್ದಾನೆ ಎಂದು
ನಾಗಮಂಗಲ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
